ارکان پارلیمنٹ اور کراچی کے شہریوں کا وزیراعظم کی طرف سے گرین لائن بس منصوبے کاخیر مقدم
کراچی میں اربوں روپے کے منصوبے سے شہریوں کو لاہور اور راولپنڈی کے عوام کی طرح جدید سفری سہولیات میسر ہوں گی اور یہ تاثربھی زائل ہو گا کہ وفاقی حکومت صرف ایک صوبے میں میگا منصوبے بنا رہی ہے وفاقی وزیر بین الصوبائی رابطہ ریاض پیرزادہ، پی ٹی آئی کے رکن اسمبلی جہانگیر ترین ، ایم کیو ایم کے آصف حسنین اور دیگرکا وزیراعظم کے دورہ کراچی پرردعمل
جمعہ 26 فروری 2016 20:47
اسلام آباد +کراچی (اُردو پوائنٹ اخبارتازہ ترین - آئی این پی۔26 فروری۔2016ء) ارکان پارلیمنٹ اور کراچی کے شہریوں نے وزیراعظم نواز شریف کی طرف سے کراچی میں گرین لائن بس منصوبے کی ستائش کرتے ہوئے کہا ہے کہ کراچی میں اربوں روپے کے منصوبے سے شہریوں کو لاہور اور راولپنڈی کے عوام کی طرح جدید سفری سہولیات میسر ہوں گی اور یہ پراپیگنڈا بھی زائل ہو گا کہ وفاقی حکومت صرف ایک صوبے میں میگا منصوبے بنا رہی ہے ۔
جمعہ کو پارلیمانی گیٹ پر وفاقی وزیر برائے بین الصوبائی رابطہ ریاض پیرزادہ، پی ٹی آئی کے رکن اسمبلی جہانگیر خان ترین اور ایم کیو ایم کے آصف حسنین اور دیگر نے میڈیا سے گفتگو کرتے ہوئے منصوبے کو کراچی کے شہریوں کی سفری مشکلات کے حل کیلئے ایک اہم اور بڑی پیش رفت قرار دیا۔(جاری ہے)
ریاض پیرزادہ نے کہا کہ ملک کے کسی بھی شہر کے عوام کو کوئی سہولت فراہم کی جائے تو اس کی تعریف کی جانی چاہیے مگر لاہور اور اسلام آباد میں میٹرو بس سروس شروع ہونے پر تعمیر و ترقی کے بعض مخالف عناصر نے پراپیگنڈا کیا کہ نواز شریف کی حکومت صرف پنجاب اور لاہور کو پاکستان سمجھتی ہے، کراچی میں ماس ٹرانزٹ کے اس بڑے منصوبے سے مخالفین کے اس پراپیگنڈے کو زائل کرنے میں بھی مدد ملی ہے، نواز شریف نے اپنے ہر دور میں بلا تخصیص پورے پاکستان کی مذمت کی ہے اور ملک کے چاروں صوبوں میں تعمیر و ترقی کے متعدد بڑے منصوبے اس کا ثبوت ہیں۔
جہانگیر خان ترین اور آصف حسنین نے بھی کراچی گرین بس منصوبے کی تعریف کرتے ہوئے کہا کہ اس سے کراچی کے شہریوں کو سہولت حاصل ہو گی تاہم تعلیم، صحت اور روزگار کے لئے اقدامات کرے، کراچی گرین بس منصوبے کے افتتاح کے بعد کراچی کے شہریوں کی ایک بڑی تعداد میں اُردو پوائنٹ اخبارتازہ ترین - آئی این پی۔26 فروری۔2016ء کے ایک سروے میں منصوبے پر خوشی کا اظہار کرتے ہوئے کہا کہ کراچی میں ٹرانسپورٹ کے مسائل ملک کے دیگر شہروں سے زیادہ پیچیدہ اور گھمبیر ہیں، کراچی کی نمائندہ شخصیات ، جماعتوں اور صوبائی حکومت نے بھی ان مسائل کے حل کی کوشش نہیں کی۔وزیر اعظم نواز شریف نے کراچی کے شہریوں کو گرین بس کا منصوبہ دیکر انکے دل جیت لیئے ہیں، یہ منصوبہ بروقت مکمل ہوا تو عوام اسے نواز شریف کے تحفے کے طور پر یاد رکھیں گے،شہریوں کو کھٹارہ بسوں اور اذیت ناک روایتی ٹرانسپورٹ سسٹم سے نجات ملے گی ، تاہم شہرویوں نے مطالبہ کیا کہ وزیراعظم اس منصوبے کو بروقت مکمل کرانے کیلئے خودنگرانی کریں اور پارٹی کے کسی ایماندار اور محنتی رہنما کو منصوبے کی ترقیاتی کمیٹی کا سربراہ لگائیں بعض شہریوں نے کہا کہ وزیراعظم کراچی میں پینے کے پانی کے منصوبے کیلئے بھی فنڈز مختص کریں۔مزید اہم خبریں
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
-
اسپیکر قومی سردار ایاز صادق سے قازقستان کے سفیر یرژان کستافین کی ملاقات
-
وفاقی وزیر داخلہ سید محسن نقوی کی زیر صدارت نیکٹا ہیڈکوارٹر میں نیشنل ایکشن پلان عمل درآمد جائزہ کمیٹی کا اجلاس
-
اسلام آباد ہائیکورٹ کی پرویزالہٰی کی صحت سے متعلق میڈیکل رپورٹ اورپمزہسپتال انتظامیہ کو بھی اڈیالہ جیل کا دورہ کرکے رپورٹ پیرکو پیش کرنے کی ہدایت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.