سینیٹ قائمہ کمیٹی تجارت کی سیب کی ایران اور افغانستان سے درآمد پر یکساں ڈیوٹی عاید اور سبزیوں کی درآمد پر سر ٹیفیکیٹ کا حصول لازمی قرار دیا جائے،وزارت دا خلہ اور متعلقہ ادارے ا سمگلنگ کی روک تھام کے لئے اقدا مات اٹھائیں،سینیٹ قائمہ کمیٹی برائے تجارت کی سفارشات
پاکستان میں کتابوں نہیں کاغذ کی درآمد پر ڈیوٹی ہے ،اس وجہ سے پرنٹنگ کی صنعت تباہی کا شکار ہو رہی ہے ،حکومت کو مقامی صنعت کو فروغ دینا چاہئے ،کمیٹی کو پیپر پرنٹنگ کے وفد کی بریفنگ چیئرمین کمیٹی نے معاملے پرخصوصی کمیٹی تشکیل دیدی ،رپورٹ جمع کرانے کی ہدایت
جمعرات 25 فروری 2016 19:23
اسلام آباد(اُردو پوائنٹ اخبارتازہ ترین - آئی این پی۔25 فروری۔2016ء) سینیٹ قائمہ کمیٹی برائے تجارت نے سفارشات دی ہیں کہ سیب کی ایران اور افغانستان سے درآمد پر یکساں ڈیوٹی لگائی جائے،سبزیاں اور فروٹ کی درآمد پر مضر صحت سے پا ک سر ٹیفیکیٹ کا حصول لازمی قرار دیا جائے،وزارت دا خلہ اور متعلقہ ادارے ا سمگلنگ کی روک تھام کے لئے اقدا مات اٹھائیں، کمیٹی کو آگاہ کیا گیا کہ پاکستان میں کتابوں کی درآمد پر کوئی ڈیوٹی نہیں ہے جبکہ کاغذ کی درآمد پر ڈیوٹی ہے جس کی وجہ سے پرنٹنگ کی صنعت تباہی کا شکار ہو رہی ہے۔
لوگ بیرون ممالک سے کتب پرنٹ کروا کر پاکستان میں درآمد کر رہے ہیں،حکومت کو مقامی صنعت کو فروغ دینا چاہئے ،چیئرمین کمیٹی نے سیکرٹری کامرس کی سربراہی میں ایف بی آر اورپرنٹنگ کی صنعت کے لوگوں پر مشتمل ایک کمیٹی تشکیل دے کو رپورٹ جمع کرانے کی ہدایت کر دی۔(جاری ہے)
جمعرات کو سینیٹ قائمہ کمیٹی برائے کامرس کااجلاس چیئرمین کمیٹی سینیٹرسید شبلی فراز اور رکن کمیٹی سینیٹر حاصل خان بزنجو کی زیر صدارت میں منعقد ہوا۔
قائمہ کمیٹی کے اجلاس میں سینیٹر میر کبیر احمد محمد شاہی کے سینیٹ سے بھیجے گیا معاملہ جو ایران سے مختلف سبزیاں اور فروٹ کی درآمد سے مقامی کسانوں اورزمینداروں پر ہونے والے منفی اثرات کے معاملات کا تفصیل سے جائزہ لیا گیا۔سینیٹرمیر کبیر احمد محمد شاہی نے کہا کہ یہ مسئلہ پہلے بھی اٹھایاگیاہے ۔یہ بلوچستان کے زمینداروں کا سب سے بڑا مسئلہ ہے وہاں کی عوام پچھلے دس سال سے اس وجہ سے شدید متاثر ہو رہی ہے۔بلوچستان میں پانی کی زیر زمین سطح بہت نیچے گر گئی ہے ،بجلی نہیں ہے کھاد مہنگی ہے ڈیزل و دیگر اخراجات ذیادہ ہونے کی وجہ سے لاگت پیدائش ذیادہ ہے جبکہ ایرانی حکومت نے اپنے کسانوں اور زمیند اروں کو بہت سی سہولیات فراہم کر رکھی ہیں جس کی وجہ سے ان کی لاگت پیدائش بہت سستی ہے۔قائمہ کمیٹی کے اجلاس میں بلوچستان سے تعلق رکھنے والے زمینداروں کے وفدنے بھی مسائل بارے آگاہ کرتے ہوئے کہا کہ بلوچستان کے زمیندار مشکلات کا شکار ہیں۔حکومت پاکستان ان کی مدد کرنے کی بجائے ہمسایہ ممالک کے ساتھ تعلقات بڑھا رہی ہے ملک کے کسان و زمیندار تباہی کا شکار ہو رہے ہیں۔ملک کے شہروں میں ایرانی سیب کی بھرمار ہے اور پچھلے سال کی نسبت اس سال ذیادہ سیب درآمد کیا گیا ہے۔بلوچستان میں45لکھ درخت خشک ہو چکے ہیں۔ترکمانستان کا مال بھی پاکستان میں ہمسایہ ممالک کے راستے سے داخل ہو رہا ہے۔یہ ہمارے لئے زندگی اور موت کا مسئلہ بن گیا ہے۔ایران نے ہمارے کینو اور چاول کی برآمد پر بین لگارکھا ہے۔جس پر سیکرٹری کامرس نے قائمہ کمیٹی کو بتایا کہ حکومت اس مسئلے کی طرف خصوصی توجہ دے رہی ہے وفاقی وزیر او ر متعلقہ اداروں کے ساتھ اس حوالے سے بات کی گئی ہے۔اسمگلنگ کو روکنے کیلئے اقدامات اٹھائے جا رے ہیں۔انسپکٹر کی ڈیوٹی اب بارڈر پر بھی لگا دی گئی ہے اور درآمد پر 35فیصد ڈیوٹی لگائی گئی ہے جس پر رکن کمیٹی سینیٹ سلیم مانڈوی والا نے کہا کہ افغانستان سے اسمگلنگ بہت ذیادہ ہو رہی ہے جب تک اس کو نہیں روکا جائے گا معاملات میں بہتری نہیں آٗئیگی۔ کسٹم حکام نے قائمہ کمیٹی کو بتایا کہ افغانستان کے ذریعے جو چیزیں درآمد کی جاتی ہیں وہ قانون کے تحت آرہی ہیں اور اسمگلنگ کو اکیلا کسٹم نہیں روک سکتا اتنا عملہ نہیں کہ پورے بارڈر کو کنٹرول کیا جا سکے۔اور ایران کی طرف سے بارڈر کے پاس سڑکیں ہیں مگر ہماری طرف سے کوئی سٹرکچر نہیں ہے۔سینیٹر میر کبیر نے کہا کہ تورخم او رکراچی پر ڈیوٹی میں ا ضافہ کیا جائے اور سیب ،کھجور ،ٹماٹر،انگوراور پیاز کی غیر قانونی درآمد کو روکا جائے۔جس پر قائمہ کمیٹی نے متفقہ طور پر فیصلہ کیا کہ وزارت داخلہ کو سمگلنگ کی روک تھام روکنے کیلئے اقدامات اٹھانے اور متعقلہ اداروں کو متحرک کرنے کے حوالے سے لکھا جائے۔ سیب کی درآمد پر یکساں ڈیوٹی 35فیصدعائد کی جائے اورفروٹس اور سبزیوں درآمد کیلئے سرٹیفیکیٹ کا حصول بھی لازمی بنایا جائے۔سینیٹر میر کبیر احمد نے کہا کہ ہمارے صوبے کا نہایت اہم مسئلہ ہے وفاقی وزیر برائے کامرس اور نیشنل فوڈ سیکورٹی کے حکام کو اجلاس میں شرکت کرنی چایئے تھی۔قائمہ کمیٹی کے اجلاس میں سینیٹر سلیم ایچ مانڈوی والا نے کہا کہ پیپر پرنٹنگ کے ایک وفد نے سینیٹ کمیٹی برائے خزانہ میں پیش کیا ہے اور یہ اس کمیٹی سے متعلق ہے تو ان کے وفد سے مسائل بارے آگاہی حاصل کی جائے۔قائمہ کمیٹی کو وفد کے حکام نے بتایا کہ پاکستان میں کتابوں کی درآمد پر کوئی ڈیوٹی نہیں ہے جبکہ پیپرز کی درآمد پر ڈیوٹی ہے جس کی وجہ سے پرنٹنگ کی صنعت تباہی کا شکار ہو رہی ہے۔لوگ بیرون ممالک سے کتب پرنٹ کروا کر پاکستان میں درآمد کر رہے ہیں۔حکومت کو مقامی صنعت کو فروغ دینا چاہئے ۔جس پر چیئرمین کمیٹی نے سیکرٹری کامرس کی سربراہی میں ایف بی آر اور صنعت کے لوگوں پر مشتمل ایک کمیٹی تشکیل دے کو رپورٹ جمع کرانے کی سفارش کر دی۔قائمہ کمیٹی کے آج کے اجلاس میں سینیٹرز مفتی عبد الستار،حاصل خان بزنجو،محمد عثمان خان کاکڑ،سلیم مانڈوی والا،روبینہ خالد،حاجی سیف اﷲ خان بنگش،میر کبیر احمد محمد شاہی،کے علاوہ سیکرٹری کامرس محمد شہزاد ارباب ،کسٹم حکام اور بلوچستان کے زمینداروں کے وفد کے علاوہ دیگر اعلیٰ حکام نے شرکت کیمزید قومی خبریں
-
حکومت گندم خریدنے کے ہدف میں4 ملین ٹن کا اضافہ کرے ‘ جمشید اقبال چیمہ
-
ایرانی صدر کی کراچی آمد،سکیورٹی ڈویژن کے 800سے زائد اہلکارتعینات
-
ایبٹ آباد میں پروٹیکٹوریٹ آف امیگرینٹس کا دفتر جون 2024ء سے اپنا کام شروع کر دے گا، اعظم نذیرتارڑ
-
وفاقی حکومت کی طرف سے منڈا، داسو اور دیامر بھاشا ڈیموں کے منصوبوں کی تعمیر پر کام جاری ہے، یہ بروقت مکمل ہونگے، اعظم نذیر تارڑ
-
ای بائیکس پورٹل کے ذریعے 1 لاکھ سے زائد طلبہ نے رجسٹریشن کروالی
-
پتوکی،مسلح ملزمان 22سالہ لڑکی کو اسلحہ کے زور پر اغوا کرکے فرار
-
سعد رفیق کا اپنی پرانی تقریر ایڈٹ کرکے جاری کرنے پر قانونی کارروائی کا اعلان
-
راولپنڈی ،چوری کی وارداتوں میں مطلوب دو ملزمان گرفتار
-
وزیراعلیٰ پنجاب نے صوبائی انفورسمنٹ اتھارٹی کے قیام کی منظوری دیدی
-
پاکستان چھوڑنے والے غیرقانونی افغانیوں کی تعداد 5لاکھ 42ہزار سے متجاوز
-
ایران سے سالانہ بنیادوں پر درآمدات میں 25فیصد کا بڑا اضافہ
-
لاہور : بارش سے بجلی کا ترسیلی نظام متاثر، 46 سے زائد فیڈر ٹرپ کر گئے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.