نجم سیٹھی نے ایک بار پھر بھارت کو دورہ پاکستان کی دعوت دیدی

جمعرات 25 فروری 2016 15:19

لاہور(اُردو پوائنٹ اخبارتازہ ترین - آن لائن۔25 فروری۔2016ء) پی سی بی گورننگ کونسل کے ممبر اور پاکستان سپر لیگ کے چیئر مین نجم سیٹھی نے بھارتی کرکٹ ٹیم کو پاکستان کا دورہ کرنے کی آفر کردی، اگر بھارتی حکومت اپنی ٹیم کو پاکستان سے سیریز کھیلنے کی اجازت دے دیتی ہے تو ستمبر میں یہ سیریز ممکن ہے ،۔میڈیا سے گفتگومیں نجم سیٹھی کا کہنا تھا کہ بھارتی ٹیم کراچی آکر کھیلے ، وہاں کے حالات بہت سدھر گئے ہیں اور اب چڑیا بھی وہاں پر نہیں مار سکی ، کور کمانڈر کراچی اور گورنر سندھ نے مکمل سکیورٹی دینے کی یقین دہانی کرائی ہے ، وزیر اعلی پنجاب اور ڈی سی او لاہور نے بھی غیر ملکی ٹیموں کی آمد پر مکمل سکیورٹی فراہم کرنے کی یقین دہانی کرائی ہے تاہم انہوں نے اس کے ساتھ ساتھ خدشہ بھی ظاہر کیا ہے کہ اگر اب کوئی دہشتگردی کا واقع ہوتاہے تو ہماری کرکٹ 10سال مزید پیچھے چلی جائے گی اور اسی لیے وزیر اعظم بھی کوئی خطرہ مول نہیں لینا چاہتے ہیں۔

(جاری ہے)

انہوں نے امید ظاہر کی کہ اگر ملک میں کوئی بڑا حادثہ رونما نہیں ہوتا تو غیرملکی ٹیمیں پاکستان آئیں گی۔ نجم سیٹھی کا کہنا ہے کہ اگر بھارتی حکومت اپنی ٹیم کو پاکستان سے سیریز کھیلنے کی اجازت دے دیتی ہے تو ستمبر میں یہ سیریز ممکن ہے ، پاک ،بھارت سیریز میں پہلے پاکستان کی سیریز ہی کھیلی جائے گی انہوں نے کہا کہ اگر بھارت پاکستان سے 2سیریز کھیلنے سے انکار کر ے گا تو پاکستان بھی بھارت کا دورہ نہیں کرے گا ، ہم بھارت سے ان کے ملک کے علاوہ دنیا میں کہیں بھی اپنی ہوم سیریز کھیلنے کے لیے تیار ہیں اور اس کا سارا منافع بھی پی سی بی لے گا۔پاکستان اور بھارت کی سیریز سے دونوں ممالک کے مابین رابطے بحال ہوں گے۔

متعلقہ عنوان :