مظفرگڑھ ‘ مبینہ پولیس مقابلے کے نتیجے میں5 لاکھ روپے کی سرکی قیمت والا ایک اشتہاری ڈاکو ہلاک

جمعرات 25 فروری 2016 14:56

مظفرگڑھ(اُردو پوائنٹ اخبارتازہ ترین - این این آئی۔25 فروری۔2016ء) مظفرگڑھ میں مبینہ پولیس مقابلے کے نتیجے میں5 لاکھ روپے کی سرکی قیمت والا ایک اشتہاری ڈاکو ہلاک ہوگیا،ملزم پولیس اہلکار کے قتل میں بھی ملوث تھا۔

(جاری ہے)

ڈی پی او مظفرگڑھ ملک اویس احمدکے مطابق علاقے روہیلانوالی میں پولیس نے ڈاکوؤں کی موجودگی کی اطلاع پر چھاپہ مارا تو ڈاکوؤں نے فائرنگ شروع کردی اور دوطرفہ فائرنگ کے نتیجے میں ایک ڈاکو ہلاک ہوگیا اور اس کے باقی ساتھی فرار ہونے میں کامیاب ہوگئے۔ہلاک ہونیوالے ڈاکو کی شناخت قدیر راجپوت کے نام سے ہوئی ہے جس کے سر کی قیمت 5 لاکھ روپے مقرر تھی اور ملزم پولیس اہلکار راشد منہاس کے قتل سمیت مختلف اضلاع کی پولیس کو قتل ڈکیتی اور راہزنی کے مقدمات میں مطلوب تھا۔

متعلقہ عنوان :