بالی وڈ فلمسٹار سنجے دت کو آج صبح رہائی مل گئی

سمیرا فقیرحسین جمعرات 25 فروری 2016 11:18

پونا (اُردو پوائنٹ تازہ ترین اخبار۔ 25 فروری 2016ء) : بالی وڈ فلمسٹار سنجے دت کو رہائی مل گئی۔ تفصیلات کے مطابق اداکار سنجے دت کوآج صبح بھارت کے شہر پونے کی یرواڈا جیل سے رہائی مل گئی ۔ 56 سالہ سنجے دت کی رہائی کے بعد جیل کے باہر ان کی اہلیہ مانیتا اور جڑواں بچوں سمیت ان کے قریبی دوست فلمساز راجکمار ہیرانی نے ان کا استقبال کیا۔

(جاری ہے)

سنجے دت نے رہائی کے بعد ممبئی کے لیے روانہ ہونے سے قبل پونے کے ہوائی اڈے پر گفتگو میں کہا کہ ”میرے دوستو، آزادی کے لیے کوئی آسان راستہ نہیں“ جس کے بعد سنجے دت اپنے اہل خانہ اور دوست کے ساتھ پونے سے ایک خصوصی پرواز کے ذریعے ممبئی روانہ ہو گئے۔

واضح رہے کہ سنجے دت کو غیرقانونی ہتھیار رکھنے کے جرم میں 21 مارچ2013ء کو بھارت کی سپریم کورٹ نے پانچ برس قید کی سزا سنائی تھی۔