یورو وژن مقابلوں کیلئے منتخب نغمے کے متنازع بننے کا خطرہ
منگل 23 فروری 2016 11:25
سٹاک ہوم (اُردو پوائنٹ اخبارتازہ ترین - این این آئی۔23 فروری۔2016ء) رواں برس یوکرین کی جانب سے یورپ میں نغمات کے یورو وژن مقابلوں کے لیے منتخب کیے جانے والے نغمے کے متنازع بننے کا خطرہ پیدا ہوگیا ہے۔رواں برس یورو وژن مقابلے مئی میں سویڈن کے شہر سٹاک ہوم میں منعقد ہوں گے-یوکرین نے رواں برس جس نغمے کا انتخاب کیا ہے وہ روسی حکمران جوزف سٹالن کی جانب سے تاتاری افراد کی زمانہ جنگ میں زبردستی ملک بدری کے بارے میں ہے۔
جمالا نامی گلوکارہ کا 1944 نامی گانا اس المیے کے بارے میں ہے جس کا سامنا ان کی پڑدادی کو کرنا پڑا تھا جب سٹالن نے دو لاکھ 40 ہزار تاتاریوں کو وسط ایشیا کے بنجر میدانوں میں بھیج دیا تھا۔اس سفر کے دوران جہاں ہزاروں افراد کی جان گئی وہیں بہت سے منزل پر پہنچنے کے بعد بھوک کا شکار ہو کر چل بسے تھے۔(جاری ہے)
اس نغمے کے ابتدائی بول ہیں ’وہ تمہارے گھر آتے ہیں، تمہیں قتل کرتے ہیں اور کہتے ہیں۔
ہم قصوروار نہیں ہیں۔اگرچہ نغمے کے بولوں میں یوکرین کی موجودہ سیاسی صورتحال پر براہِ راست کوئی تبصرہ نہیں کیا گیا لیکن یورو وڑن کی سابق فاتح روسلانا نے کہا ہے کہ ’یہ نغمہ، بالکل اسی صورتحال کے بارے میں ہے جس کا ہمیں آج کے یوکرین میں سامنا ہے۔جمالا اس نغمے کا تعلق براہِ راست اپنے خاندان سے جوڑتی ہیں۔ ان کی پڑدادی کی عمر اس وقت 20 کے پیٹے میں تھی جب انھیں اپنے چار بیٹوں اور ایک بیٹی کے ہمراہ ملک بدر کر دیا گیا۔اس ملک بدری کی وجہ سٹالن کا تاتاریوں پر نازیوں کا ساتھ دینے کا الزام تھا۔جمالا کا کہنا ہے کہ وہ یورو وڑن مقابلے میں صرف اس لیے شامل ہوئی ہیں کیونکہ وہ چاہتی ہیں کہ لوگ ’لاچارگی کے عالم میں لکھے گئے اس نغمے کو سنیں۔خیال رہے کہ یورو وژن مقابلے کے قوانین ایسے کسی نغمے کی مقابلے میں شمولیت کی اجازت نہیں دیتے جو وجہ تنازع بن سکے۔2009 میں جارجیا کے نغمے ’وی ڈونٹ وانٹ ٹو پْٹ ان‘ کو اس کیے خارج کر دیا گیا تھا کیونکہ اس میں روسی صدر ولادیمیر پیوٹن کا مذاق اڑایا گیا تھا۔2005 میں یوکرین کے ہی گرین جولی کو اپنے نغمے ’رازوم ناس بہاتو‘ کے الفاظ پر دوبارہ کام کرنے کو کہا گیا تھا۔ یہ نغمہ اس سے ایک برس قبل آنے والے نارنجی انقلاب کے حامیوں کا ترانہ تھا۔رواں برس یورو وژن مقابلے مئی میں سویڈن کے شہر سٹاک ہوم میں منعقد ہوں گے۔متعلقہ عنوان :
مزید فن و فنکار کی خبریں
-
کترینہ کیف کیساتھ فلم کی آفر ہوئی تھی‘ ابرار الحق کا انکشاف
-
اللہ نے مریم نواز کو بہت حسین بنایا ہے، کیمرہ انکی خوبصورتی کیساتھ انصاف نہیں کرتا‘ نور بخاری
-
اداکار و فلمسازنعیم ہاشمی کی48ویں برسی (کل)منائی جائے گی
-
سب کچھ ہونے کے باوجود افسردہ رہتی ہوں ، امریکی گلوکارہ بلی ایلش
-
وجے دیورا کونڈا اپنے سیکیورٹی گارڈ کی شادی میں پہنچ گئے
-
اداکارہ ایمن خان کی ہمشکل سوشل میڈیا صارفین کی تنقید سے تنگ آگئیں
-
عاصم اظہر نے اپنی تمام پوسٹیں ڈیلیٹ کر کے انسٹاگرام پر سب کو انفالو کردیا
-
سادہ چیزوں میں رومانس مجھے زیادہ متاثر کرتا ہے، صنم جنگ
-
اداکارہ ایشا دیول کا اداکار فردین خان کی فلمی دنیا میں واپسی پر خوش آمدید
-
جنسی زیادتی کا جرم ، فلم پروڈیوسرہاروی وائنسٹین کی سزا منسوخ
-
اداکاری سے قبل اسکول میں بچوں کے ڈائپرز بھی تبدیل کیے،کیارا ایڈوانی
-
مدیحہ رضوی نے طلاق کے ڈیڑھ سال بعد دوسری شادی کرلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.