ملک کو دہشت گردوں ، کرپشن اور دو بڑی جماعتوں کی اقربا پروری اور لوٹ مار سے بچانا ہے ،تو فوراًالطاف حسین سے پابندی اٹھا ئی جائے، وسیم اختر
پیر 22 فروری 2016 19:45
کراچی (اُردو پوائنٹ اخبارتازہ ترین - این این آئی۔22 فروری۔2016ء) متحدہ قومی موومنٹ کی جانب سے شہر کراچی کے نامزد حق پرست میئر وسیم اختر نے کہاہے کہ الطا ف حسین ملک کے واحد لیڈرہیں جنہوں نے ملک کے جاگیردارانہ ، وڈیرانہ نظام کو چیلنج کیا ، موروثی سیاست کا عملی طو رپر خاتمہ کرکے دکھایا اور غریب و متوسط طبقے کے نوجوانوں کو ملک کے منتخب ایوانوں میں بھیجا لیکن افسوس کہ الطا ف حسین کی زباں بندی کی گئی ہے ، ان کے بیانات کو روکاجارہاہے ، تصاویر دکھائی نہیں جارہی ہے جس کے باعث کروڑوں عوام کی حق تلفی کی جارہی ہے اور عوام کو اس حق سے محروم رکھا جارہا ہے ۔
ان خیالات کاظہار انہوں نے کراچی پریس کلب کے باہر الطا ف حسین کی تحریر ، تقریر اور تصویر پر عائد غیر جمہوری پابندی کے خلاف جاری علامتی بھوک ہڑتال کے چوتھے اور آخری روز دوپہر کے وقت میڈیا کے نمائندوں کو پریس بریفنگ دیتے ہوئے کیا ۔(جاری ہے)
اس موقع پر ایم کیوایم کی رابطہ کمیٹی کے اراکین اور منتخب حق پرس بلدیاتی چیئرمین ، وائس چیئرمین اور کونسلر ز بھی موجود تھے ۔
وسیم اختر نے پریس کانفرنس سے خطاب کرتے ہوئے کہاکہ آج میں نامزد میئر ، ڈپٹی میئر ، چیئرمین وائس چیئرمین ، کونسلر بھی اس پنڈال میں بھوک ہڑتال پر الطاف حسین کی تحریر ، تقریر او رتصویر پر پابندی کے خلاف پابندی اظہار یکجہتی کیلئے بیٹھے ہیں اور اس کے خلاف احتجاج جاری رکھے ہوئے ہیں ،ہم امید کرتے ہیں کہ صاحب ِ قتدار اور عدلیہ کی جانب سے ان سب لوگوں کے جذبات کا احساس کیاجائے گا ۔انہوں نے کہاکہ الطا ف حسین پر عائد پابندی کے خاتمے کیلئے بھوک ہڑتال کا آج چوتھا دن ہے ، میں یاد دلاتا چلوں کہ الطاف حسین وہ لیڈر ہیں جن کے نام پر سندھ اسمبلی میں 51ایم پی ایز ، قومی اسمبلی میں 24ایم این ایز اور سینیٹ میں 8سینیٹر موجود ہیں اور الطاف حسین کی سیاسی اور عوامی مقبولیت سے کوئی بھی انکار نہیں کرسکتا ہے اور ایسے عوامی لیڈر کے منتخب بلدیاتی اداروں کے نمائندوں حلف لینے کا انتظار کررہے ہیں اور انکے لیڈر کے بیانات اور تصویر پر پابندی ہے جو کہ سراسر انسانی حقوق اور آئین کی خلاف ورزی ہے اور اس کے ذریعے ملک کے آئین کے آرٹیکل 19کی دھجیاں اڑائی جارہی ہے ۔انہوں نے کہاکہ جب مسلح افواج نے دہشت گردوں کے خلاف ضرب عضب شروع کیا تو الطاف حسین نے پاک فوج کا بھر پور ساتھ دیا اور سب سے بڑی ریلی آرمی کی حمایت میں نکالی اور اس کے ساتھ ساتھ الطاف حسین ملک میں امن کا پیغام دے رہے ہیں ، طالبان ، داعش اور لشکر جھنگوی کے حوالے سے حکمرانوں اور عوام کو باخبر رکھ رہے ہیں اور اپنے بیانات کے ذریعے ملک کے استحکام اور سالمیت کیلئے حکمرانوں کو گائیڈ لائنز دیتے آئے ہیں۔انہوں نے کہاکہ الطاف حسین نے ملک میں آنے نے والی آفات اور زلزلوں میں تمام کارکنان کو متحرک کیا اور متاثرین کی عملی مدد کی ، الطاف حسین ملک کی سیاست میں تبدیلی لائے اور غریب ومتوسط طبقے کی قیادت کو اسمبلیوں میں بھیجا اور پارلیمنٹ کی عملی طو رپر شکل بدل کررکھ دی ۔ انہوں نے کہاکہ پورے ملک کی ہر چھوٹی بڑی جماعتوں کے مختلف بیانات ریکارڈ پر ہیں جن کی تفصیل میں نہیں جانا تھا لیکن اگر ملک کو دہشت گردوں اور کرپشن اور دو بڑی جماعتوں کی اقربا پروری اور لوٹ مارسے بچانا ہے تو فوراًالطاف حسین پر لگائی گئی پابندی اٹھا لی جائے ، ہم منتخب بلدیاتی نمائندوں، میئر اور ڈپٹی میئر کی طرف سے مطالبہ کرتے ہیں کہ الطاف حسین پر عائد پابندی فی الفور ختم کی جائے اور جس طرح سے دیگر لوگ اپنے لیڈر کو دیکھ اور سن رہے ہیں اسی طرح الطاف حسین کو بھی اظہار رائے کی آزادی آئین کے مطابق ملنی چاہئے ۔متعلقہ عنوان :
مزید قومی خبریں
-
شعیب شاہین، علی بخاری، خالد خورشید خان، سیمابیہ طاہر ،شیر افضل مروت عامر مغل و دیگر کی ضمانت کنفرم
-
پرویز الٰہی جیل کے واش روم میں گرگئے، معمولی فریکچر ہو گیا‘ عدالت میں رپورٹ پیش
-
ڈکیتی معہ قتل کے مقدمہ میں ملوث ملزم گرفتار
-
ای او بی آئی: انتظامیہ کی سنگین غفلت ، دس برس گزر جانے کے بعد بھی برطرف افسران سے 140 سرکاری گاڑیاں اور لیپ ٹاپ بازیاب نہ ہوسکے
-
سندھ ہائی کورٹ ، عورت مارچ کے نام پرمخصوص خواتین کی جانب سے فحاشی پھیلانے کے خلاف درخواست پرڈپٹی کمشنرودیگر کو نوٹس جاری
-
سندھ ہائی کورٹ ، سہارن کوآپریٹو ہائوسنگ سوسائٹی کی زمین بلڈرزکو دینے کے الزام سے متعلق درخواست کی مزیدسماعت 4 ہفتوں تک ملتوی
-
خواتین کی بڑی تعداد کا شعبہ زراعت سے وابستہ ہونا خوش آئند ہے ، نفیسہ شاہ
-
خواجہ سلمان رفیق کا پنجاب انسٹی ٹیوٹ آف کارڈیالوجی کا دورہ ، زیر تکمیل کاموں کا جائزہ لیا
-
لاہور،اچھرہ بازار واقعہ میں ملوث 4 ملزمان کا 3 روزہ جسمانی ریمانڈ منظور
-
وزیرصحت خواجہ سلمان رفیق کا پنجاب انسٹی ٹیوٹ آف کارڈیالوجی کا دورہ
-
پنجاب میں گراں فروشوں کیخلاف کریک ڈائون جاری، 3288افرادگرفتار، 1181مقدمات درج
-
پرویزالٰہی سمیت پانچ امیدواروں کے ضمنی انتخابات کیلئے کاغذات نامزدگی کی درخواستوں پر تحریری فیصلہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.