فجی: شدید ترین طوفان 300 کلومیٹر فی گھنٹہ سے زائد رفتار سے ہوائیں‘10افرادہلاک‘سینکڑوں گھرتباہ
میاں محمد ندیم پیر 22 فروری 2016 10:10
فجی(ا ردو پوائنٹ اخبارتازہ ترین-انٹرنیشنل پریس ایجنسی۔22فروری۔2016ء) فجی میں سمندری طوفان ونسٹن سے ہلاک ہونے والوں کی تعداد10 ہوگئی ہے۔گذشتہ دنوں آنے والے طوفان کے بارے میں خیال ہے کہ یہ جنوبی نصف کرہ ارض پر آنے والا شدید ترین طوفان تھا جس میں 300 کلومیٹر فی گھنٹہ سے زائد رفتار سے ہوائیں چلیں۔طوفان نے سینکڑوں گھر تباہ کیے اور بجلی کے کھمبوں کو اکھاڑ ڈالا جس کی وجہ سے بجلی منقطع ہو گئی۔
طوفان کے ٹکرانے کے دو روز بعد ہونے والی تباہی کو مکمل تخمینہ لگایا جا رہا ہے۔دارالحکومت سوا اس طوفان سے شدید ترین تباہی سے محفوظ رہا تاہم نیوزی لینڈ کی فوج کی جانب سے مہیا کی جانے والی علاقے کی فضائی ویڈیو میں دور افتادہ گاو ں کو ملیا ملیٹ دیکھا جا سکتا ہے۔بہت سارے علاقوں تک رسائی ممکن نہیں ہے اور وہاں بجلی ابھی بھی منقطع ہے۔(جاری ہے)
امدادی اداروں کی جانب سے ہلاکتوں میں اضافے کا خدشہ ظاہر کیا جا رہا ہے جبکہ اشیائے خورونوش اور صاف پانی کی دستیابی کے فقدان کے بارے میں بھی خدشات بڑھ رہے ہیں۔
حکومت کی جانب سے ہفتے کی رات نافذ کیے گئے کرفیو میں نرمی کر دی گئی اور ملک میں فضائی آمدورفت دوبارہ بحال کر دی گئی ہے۔خیال رہے کہ کیٹیگری فائیو کا یہ طوفان، جو کہ سب سے بڑا سمجھا جاتا ہے، فجی کے اہم جزیرے ویٹی لیوو سے ہفتے کو مقامی وقت کے مطابق شام 6:30 پر ٹکرانے کے بعد مغرب کی طرف نکل گیا۔ آخری وقت پر اس کی سمت بدلنے سے دارالحکومت ’سوا‘ کو وہ نقصان نہیں ہوا جو کہ ہو سکتا تھا۔حکومت نے 750 پناہ کے سینٹر کھولے ہیں۔فجی براڈکاسٹنگ کمپنی کے مطابق ملک کے دوسرے سب سے بڑے جزیرے وانوا لیوو کی ایک پناہ گاہ میں 1000 کے زیادہ افراد پناہ لیے ہوئے ہیں۔متعلقہ عنوان :
مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.