ہنگو میں بلدیاتی ضمنی انتخابات کی تیاریاں جاری ،18پولنگ سٹیشنز پر 1440 پولیس اہلکار تعینات کئے جائیں گے
جمعہ 19 فروری 2016 17:49
ھنگو(اُردو پوائنٹ اخبارتازہ ترین - آئی این پی۔19 فروری۔2016ء) ھنگو میں بلدیاتی ضمنی انتخابات کی تیاریاں زور و شور سے جاری ،ضلع بھر کے18پولنگ سٹیشنز پر 1440 پولیس اہلکار تعینات کئے جائیں گے۔21فروری کو ضمنی اور خالی نشستوں پر انتخابات میں جنرل کونسل کی سات اورتین خواتین نشستوں پر پولنگ ہو گی ۔الیکشن کمیشن انتظامیہ کے مطابق ھنگو میں اقلیت کی چار نشستوں پر بھی بلا مقابلہ انتخاب ہو گیا ہے جبکہ 21فروری کوضمنی اور خالی نشستوں پر پولنگ کے لیے انتظامات کو حتمی شکل دے دی گئی ہے۔
ہنگو کے علاقہ خٹک بانڈہ جبکہ تحصیل ٹل کے علاقوں سروزئی،نریاب ،کربوغہ شریف،محمد زئی اورچھپری وزیران میں18پولنگ سٹیشنز اور58پولنگ بوتھ قائم کئے گئے ہیں جن میں حکومت کی جانب سے سات پولنگ سٹیشنز حساس جبکہ گیارہ پولنگ سٹیشنز حساس ترین قرار دئیے گئے ہیں۔(جاری ہے)
ڈسٹرکٹ پولیس آفیسر شاہ نظر کے مطابق الیکشن کے سلسلے میں سیکورٹی کے انتہائی سخت انتظامات کئے گئے ہیں جبکہ پولنگ سٹیشنز کو حساس ترین قرار دینے کے بعد ہر پولنگ سٹیشن کے اندر اور باہر 80پولیس اہلکار ڈیوٹیاں سر انجام دیں گے۔
پولیس کے ساتھ ساتھ فرنٹیئر کور اور فرنٹیئر کانسٹبلری کے دستے بھی تعینات کئے جائیں گے۔یاد رہے کہ یہ بلدیاتی ضمنی اور خالی نشستوں پر انتخابات 23جنوری ہونے تھے لیکن چارسدہ میں سانحہ باچا خان یونیورسٹی کے بعد حکومت کی جانب سے ملتوی کئے گئے تھے ۔ واضح رہے کہ وارڈ طورہ وڑی سے عوامی نیشنل پارٹی کے ڈسٹرکٹ کونسل کے ممبرملک ممتاز ایک دہشت گردی کے حملے میں شہید کر دیے گئے تھے،جن کی نشست پر عوامی نیشنل پارٹی نے نور سعید کو ٹکٹ دیا جن کے مقابلے میں کسی اور امید وار نے کاغزات جمع نہیں کرائے اس طرح نور سعید بلا مقابلہ ڈسٹرکٹ کونسل کے ممبر منتخب ہو گئے ہیں۔متعلقہ عنوان :
مزید قومی خبریں
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
سپریم کورٹ نے جاسوسی کے مبینہ ملزم محمد دین کی درخواست ضمانت خارج کردی
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
عوام بے خوابی سے بچنے کیلئے چائے کا بائیکاٹ کریں،عبد الرحیم جانو
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
-
پرائیویٹ اسکیم کے تحت حجاج اکرام کی بکنگ تاحال جاری ہے ختم نہیں ہوئی،طاہر محمود اشرفی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.