دہشت گردی کے خلاف جنگ پر کوئی سیاست نہیں ہونی چاہئے، باچا خان یونیورسٹی پر حملے کے باوجود تعلیمی سرگرمیاں جاری کرنا خوش آئند بات ہے،خوشحال پر امن اور تعلیم یافتہ پاکستان وزیر اعظم کا وژن ہے
چیئر پرسن بینظیر انکم سپورٹ پروگرام ماروی میمن کا وسیلہ تعلیم اور وسیلہ روزگار پروگرام کے حوالے سے منعقدہ تقریب سے خطاب
بدھ 17 فروری 2016 20:40
چارسدہ (اُردو پوائنٹ اخبارتازہ ترین - آئی این پی۔17 فروری۔2016ء ) وزیر مملکت اور چیئر پرسن بینظیر انکم سپورٹ پروگرام ماروی میمن نے کہا ہے کہ دہشت گردی کے خلاف جنگ پوری قوم کی جنگ ہے اس پر کوئی سیاست نہیں ہونی چاہئے، باچا خان یونیورسٹی پر حملے کے باوجود چارسدہ میں تعلیمی سرگرمیوں میں کمی نہیں آئی جو بڑی خوش آئند بات ہے ،ایک خوشحال پر امن اور تعلیم یافتہ پاکستان وزیر اعظم میاں محمد نواز شریف کا وژن ہے ،وسیلہ تعلیم پروگرام پاکستان کے 32 اضلاع میں جاری ہے جس سے 10لاکھ بچے مستفید ہو رہے ہیں۔
وہ بدھ کوچارسدہ میں وسیلہ تعلیم اور وسیلہ روزگار پروگرام کے حوالے سے منعقدہ تقریب سے خطاب کر رہی تھی ۔اس موقع پر ماروی میمن نے بچوں میں تدریسی مواد اور سٹیشنری بھی تقسیم کیا۔(جاری ہے)
تقریب سے خطاب کر تے ہوئے ماروی میمن نے کہا کہ بے نظیر انکم سپورٹ پروگرام میں وسیلہ تعلیم پروگرام کے تحت ملک بھر سے 10لاکھ بچے مفت تعلیم حاصل کر رہے ہیں جن میں 80ہزار بچوں کا تعلق ضلع چارسدہ سے ہے ۔
پورے پاکستان میں 22ہزار بچوں نے پرائمری سکول سے گریجویشن کیا جن میں5ہزار بچوں کا تعلق ضلع چارسدہ سے ہے ۔اگلے مرحلے میں اس پروگرام کے تحت دستکاری سنٹرز اور بلا سود قرضوں کی فراہمی زیر غور ہے ۔ انہوں نے اس امر پر خوشی کا اظہا رکیا کہ باچا خان یونیورسٹی پر دہشت گردوں کے حملے کے باوجود چارسدہ میں تعلیمی سرگرمیاں عروج پر ہیں جو بڑی خوش آئند بات ہے ۔چارسدہ کی خواتین بھی تعلیمی میدان میں کسی سے کم نہیں ۔ ماروی میمن نے کہا کہ باچا خان یونیورسٹی پر حملے کے بعد وہ خود بھی اور چار وفاقی وزراء باچا خان یونیورسٹی آئے تھے اور زخمیوں کی بیمار پرسی کیلئے ہسپتال بھی گئے تھے ۔ انہوں نے مقامی ہنر مند خواتین کے کاوشوں کو سراہتے ہوئے ہدایت کی کہ وہ اپنے دستکاری اور فن پارے مقامی بی آئی ایس پی کے دفتر میں جمع کرائیں تاکہ ملکی اور بین الاقوامی سطح پر ان کے پراڈکٹس کو ان کیلئے روزگار کا وسیلہ بنا یا جا سکے ۔ ماروی میمن نے چارسدہ کی گڑ ، چپل ،مٹھائی اور چاول کی پراڈکٹس کو ملکی اور بین الاقوامی مارکیٹ تک پہنچانے کا اعلان کیا اور کہا کہ چارسدہ کے لوگوں کی معیشت بہتر بنانے کیلئے وفاقی حکومت بھر پور کوشش کر رہی ہے ۔ دہشت گردی کے حوالے سے ماروی میمن نے کہا کہ یہ پوری قوم کی جنگ ہے اور اس پر کوئی سیاست نہیں ہونی چاہئے ۔ ایک خوشخال پر امن اور تعلیم یافتہ پاکستان وزیر اعظم میاں محمد نوازشریف کا وژن ہے۔متعلقہ عنوان :
مزید قومی خبریں
-
آپریشن ضرب عضب اور رد الفساد کے ذریعے دہشت گردی کو جڑ سے اکھاڑا گیا، وفاقی حکومت دہشت گردی کے خاتمہ کیلئے صوبوں کے ساتھ مکمل تعاون کررہی ہے، وفاقی وزیراطلاعات عطااللہ تارڑکا قومی اسمبلی میں توجہ ..
-
عدالتی معاملات میں کسی کی مداخلت قابل قبول نہیں، چیف جسٹس قاضی فائز عیسیٰ
-
گورنر سندھ کی جرمن قونصلیٹ میں "کراس آف دی آرڈر آف میرٹ آف جرمنی بارے منعقدہ تقریب میں شرکت
-
خاوند نے بیوی کا گلا کاٹ دیا، مارٹ مالک نے نوکر کو گولی مار دی
-
ہائیکورٹ نے فرح شہزادی کے بچوں کو بیرون ملک جانے کے اجازت دے دی
-
جمہوریت کی بقاء کے لئے ایوان پر بھاری ذمہ داری عائد ہوتی ہے، سینیٹرفیصل واوڈا
-
وزیر اعلی بلوچستان میر سرفراز بگٹی نے مزدور پیشہ افراد کے چار سو بچوں کو ملک کے اعلی تعلیمی اداروں میں بھیجنے کا اعلان کر دیا
-
حکومت ملیریا کی روک تھام اور خاتمے کے لئے مناسب اقدامات اٹھا رہی ہے ، وزیراعظم
-
سولر پینلز کی بے تحاشا انسٹالیشن ، حکومت نے نیٹ میٹرنگ نرخ گرانے کی تیاری کرلی
-
طلباء کو موٹر سائیکل فراہم کرنے کی سکیم، 20ہزار بائیکس کیلئے 1 لاکھ طلبا ء نے رجسٹریشن کروالی
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.