سندھ رینجرز کا 28ملزمان کی جے آئی ٹیز تشکیل نہ دینے جانے پر اظہار تشویش

ڈی جی رینجرز کی لاء افسران اور پراسیکیوشن آفیسرز کو ملزمان کے کیسز کو جلد نمٹانے کی ہدایات

بدھ 17 فروری 2016 17:55

کراچی (اُردو پوائنٹ اخبارتازہ ترین - این این آئی۔17 فروری۔2016ء) پاکستان رینجرز سندھ نے عدالتی احکامات کے باوجود 28ملزمان کی مشترکہ تحقیقاتی کمیٹی (جے آئی ٹی) قائم ہونے میں تاخیر پر تشویش کا اظہار کیا ہے ۔اس ضمن میں رینجرز ہیڈ کوارٹر میں ڈی جی رینجرز میجر جنرل بلال اکبر کی صدارت میں اعلیٰ سطح کا اجلاس ہوا ۔

(جاری ہے)

اجلاس میں سینئر اسٹاف افسران ،پراسیکیوشن آفیسرز اور رینجرز لاء افسران نے شرکت کی ۔

اجلاس میں عدالتی احکامات کے باوجود 28ملزمان کی جے آئی ٹی قائم ہونے میں تاخیر پر تشویش کا اظہار کیا گیا ۔اس موقع پر ڈی جی رینجرز نے لاء افسران اور پراسیکیوشن آفیسرز کو ملزمان کے کیسز کو جلد نمٹانے کی ہدایات بھی جاری کیں ۔واضح رہے کہ عدالت نے ریمانڈ برائے تحقیقات پر دیئے گئے ملزمان کی جے آئی ٹیز کو 15روز کے اندر آرڈر کرنے کا حکم دیا تھا ۔

متعلقہ عنوان :