باچا خان یونیورسٹی میں سیکیورٹی انتظامات ایف سی نے سنبھال لئے

بدھ 17 فروری 2016 15:05

چار سدہ (اُردو پوائنٹ اخبارتازہ ترین - این این آئی۔17 فروری۔2016ء) باچا خان یونیورسٹی میں سیکیورٹی انتظامات ایف سی نے سنبھال لئے، ایف سی کی ایک پلاٹون تعینات کر دی گئی ۔

(جاری ہے)

باچا خان یونیورسٹی چارسدہ میں سیکورٹی کیلئے انتظامیہ نے ایف سی کی ایک پلاٹون کی خدمات حاصل کر لی ہیں جو یونیورسٹی کے ارد گرد کی حفاظت کے فرائض انجام دینگے ‘ان کی نگرانی کیلئے پاک آرمی کے ریٹائرڈ کرنل کو تعینات کیا گیا ہے ۔ باچا خان یونیورسٹی کی سیکورٹی کو مزید بہتر کرنے کیلئے آٹھ پولیس اہلکاروں کی مستقل ڈیوٹی بھی لگائی گئی ہے ۔ ایلیٹ فورس سے تعلق رکھنے والے یہ اہلکار کسی بھی ناخوشگوار واقعے سے نمٹنے کی صلاحیت رکھتے ہیں ۔