وزیر اعلی شہباز شریف اور میئر استنبول ڈاکٹر قادر توپباش نے جدید ریڈیو کیب ٹیکسی سروس کا افتتاح کر دیا، آئندہ چند برس میں جدید ریڈیو کیب گاڑیوں کی تعداد ہزاروں تک پہنچ جائے گی،جدید ریڈیو کیب ٹیکسی سروس کا آغاز شہریوں کے لئے ایک تحفہ ہے، معیاری سفری سہولتیں میسر آئیں گی،وزیراعلی پنجاب کا تقریب سے خطاب،میں پنجاب کے بھائیوں کے لئے ترک بھائیوں کی محبت اور خلوص کا پیغام لیکر آیا ہوں،ڈاکٹر قادرتوپباش، وزیر اعلی شہباز شریف اور میئراستبول ڈاکٹر قادر توپباش نے جدید ریڈیوکیب گاڑی میں بیٹھے اور گاڑی کو چلایا
منگل 16 فروری 2016 23:51
لاہور(اُردو پوائنٹ اخبارتازہ ترین - آئی این پی۔ 16فروری۔2016ء) وزیر اعلی پنجاب محمد شہباز شریف اور میئر استنبول ڈاکٹر قادر توپباش نے منگل کو یہاں جدید ریڈیو کیب ٹیکسی سروس کا افتتاح کر دیاہے - ابتدائی طور پر لاہور میں 100گاڑیاں چلائی جائیں گی جس کی تعداد میں مرحلہ وار اضافہ کیا جائے گا -ٹیکسی سروس کے افتتاح کے بعد وزیر اعلی محمد شہباز شریف اور میئراستبول ڈاکٹر قادر توپباش نے جدید ریڈیوکیب گاڑی میں بیٹھے اور گاڑی کو چلایا- وزیر اعلی شہباز شریف نے افتتاحی تقریب سے خطاب کرتے ہوئے کہا کہ پاکستان اور ترکی کی دوستی صدیوں پر محیط ہے اور دنیا جانتی ہے کہ پاکستان اور ترکی کے عوام یکجان دو قالب ہیں بلا شبہ دونوں ملکوں کے عوام کے دل ایک ساتھ دھڑکتے ہیں - ترک قیادت رجب طیب اردگان اور وزیر اعظم محمد نواز شریف کے دور میں پاک ترک دوستی کو نئی جہت ملی ہے اور یہ دوستی سود مند معاشی تعلقات میں بدل چکی ہے اور دونوں ملکوں کے مابین تجارت اور سرمایہ کاری میں اضافہ ہورہا ہے -انہوں نے کہا کہ البراک گروپ نے ہمارے گزشتہ دورحکومت میں پنجاب میں سرمایہ کار ی کا آغازکیا اور آج اس گروپ کی سرمایہ کاری اربوں روپے تک پہنچ چکی ہے -سرمایہ کاری کے فروغ کے لئے ترکی اور پنجاب کی حکومتوں نے بھی باہمی معاونت کے تحت کام کیا اور اس اشتراک کار کو آگے بڑھایا- میں سمجھتا ہوں کہ ترکی اور پنجاب حکومت کے مابین بڑھتے ہوئے اشتراک کار میں میرے بھائی قادر توپباش کا کردار انتہائی نمایاں رہا ہے جنہوں نے ہر موقع پر ہمیں سپورٹ کیا ہے - وزیر اعلی نے جدید ٹیکسی سروس کے آغاز پر قادرتوپباش اور البراک گروپ کا شکریہ ادا کرتے ہوئے کہا کہ لاہور کے شہریوں کے لئے جدید ریڈیو کیب ٹیکسی سروس کا آغاز ایک تحفہ ہے اورایک سوگاڑیوں سے شروع کی جانے والی اس سروس میں آئندہ چند برس میں جدید ریڈیو کیب گاڑیوں کی تعداد ہزاروں تک پہنچ جائے گی جس سے شہریوں کو معیاری سفری سہولتیں میسر آئیں گی- انہوں نے کہا کہ میئر استببول ڈاکٹر قادر توپباش میرے بھائی اور دوست ہیں اورقادر توپباش کے دورے سے پاکستانی عوام خصوصا پنجاب کے عوام کو بہت خوشی ہوئی ہے - میئراستنبول ڈاکٹر قادر توپباش نے افتتاحی تقریب سے خطاب کرتے ہوئے کہا کہ میں پنجاب کے بھائیوں کے لئے ترک بھائیوں کی محبت اور خلوص کا پیغام لیکر آیا ہوں - پنجاب حکومت کے ساتھ مستقبل میں بھی تعاون کا فروغ جاری رکھیں گے-ترکی کے سفیر بابر ایس گرگن ، ایم این اے مہر اشتیاق احمد، خواجہ احمد حسان، البراک گروپ نوری البراک کے علاوہ شہریوں کی بڑی تعداد بھی اس موقع پر موجود تھی-
متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.