وزیر اعلی پنجاب سے برطانیہ کے پولیس حکام کے وفد کی ملاقات
پنجاب پولیس اور پراسیکیوٹرز کے تربیتی پروگرام ، پولیس نظام میں اصلاحات اور قانون کی حکمرانی کے روڈ میپ پروگرام پر تبادلہ خیال وزیر اعلی شہباز شریف کی برطانوی وفد سے گفتگو پنجاب حکومت کے ساتھ پولیس اور پراسیکیوٹرز کی تربیت اور پولیس نظام میں اصلاحات کے حوالے سے تعاون جاری رکھیں گے،برطانوی وفد
جمعہ 12 فروری 2016 22:30
لاہو(اُردو پوائنٹ اخبارتازہ ترین - آئی این پی۔12 فروری۔2016ء) وزیراعلیٰ پنجاب محمد شہباز شریف سے جمعہ کویہاں برطانیہ کے پولیس حکام کے وفد نے ملاقات کی-جس میں پنجاب پولیس اور پراسیکیوٹرز کے تربیتی پروگرام ، پولیس نظام میں اصلاحات اور قانون کی حکمرانی کے روڈ میپ پروگرام پر تبادلہ خیال ہوا- وزیر اعلی محمد شہباز شریف نے برطانوی وفد سے گفتگو کرتے ہوئے کہا کہ پاکستان اور برطانیہ کے مابین تعلیم ، صحت اور دیگر سماجی شعبوں کے ساتھ پولیس نظام کو بہتر کرنے کے حوالے سے بھی تعاون میں اضافہ ہو رہا ہے - پنجاب حکومت نے پولیس نظام میں اصلاحات اور پولیس کی تربیت کے لئے متعدد پروگرامز شروع کر رکھے ہیں - پولیس کے نظام میں اصلاحات اور اسے عوام کی امنگوں کے مطابق بنانا وقت کا تقاضا ہے -پولیس نظام کو جدید خطوط پر استوار کرنے کے لئے برطانوی پولیس سسٹم کے تجربات سے استفادہ کریں گے - عوام کا پولیس پر اسی طرح اعتماد بحال کرنا چاہتے ہیں جس طرح برطانوی پولیس پر اس کے شہریوں کا ہے- انہوں نے کہا کہ لاہور سے شروع کئے جانے والے جدید پولیس سٹیشنزکا دائرہ کار پنجاب بھر میں بڑھا رہے ہیں - انہوں نے کہا کہ امن عامہ کی فضا کو بہتر بنانے اور جرائم میں کمی کے لئے جدید ٹیکنالوجی سے استفادہ کرنا وقت کی ضرورت ہے- پنجاب حکومت سیف سٹیز پروگرام کے منصوبے پر عملدرآمد کر رہی ہے - پنجاب سیف سٹی پروجیکٹ لاہو رکے بعد صوبے کے پانچ بڑے شہروں میں شروع کیا جا ئے گا - پنجاب حکومت نے لاہور میں ایشیاکی جدیدترین فرانز ک لیب قائم کی ہے -ایلیٹ پولیس ٹریننگ سکول میں پولیس کی تربیت کی سہولتوں میں اضافہ کیا جا رہا ہے-جرائم میں کمی لانے کے لئے ڈولفن فورس بہت جلد اپنا کام شروع کر دے گی- پنجاب حکومت نے صوبے میں جدید پیشہ وارانہ تربیت سے آراستہ انسداد دہشت گردی فورس تشکیل دی ہے - انہوں نے کہا کہ دہشت گردی و انتہا پسندی کا خاتمہ پوری قوم کی آواز ہے - پاکستانی معاشرے میں انتہا پسندی کی کوئی گنجائش نہیں -پاکستانی معاشرہ برداشت، تحمل اور رواداری پر مبنی معاشرہ ہے جہاں سب کو یکساں حقوق حاصل ہیں - وزیر اعلی نے کہا کہشہروں کو محفوظ بنانے کے پروگرام کے حوالے سے بھی برطانوی پولیس کے تعاون کا خیرمقدم کرتے ہیں -پولیس نظام کو بہتر بنانے کے حوالے سے برطانیہ کے تعاون کو قدر کی نگاہ سے دیکھتے ہیں - برطانوی وفد کے اراکین نے اس موقع پر اظہار خیال کرتے ہوئے کہا کہ پنجاب حکومت کے ساتھ پولیس اور پراسیکیوٹرز کی تربیت اور پولیس نظام میں اصلاحات کے حوالے سے تعاون جاری رکھیں گے-انہوں نے کہا کہ پنجاب حکومت کی جدید فرانزک سائنس لیب ایک شاندار منصوبہ ہے - چیف سیکرٹری خصر حیات گوندل،انسپکٹر جنرل پولیس، سیکرٹری داخلہ ،سیکرٹری پراسکیوشن ، متعلقہ حکام اور برطانیہ کے بین الاقوامی ترقی کے ادارے کے نمائندے بن فرنچ بھی اس موقع پر موجود تھے-
متعلقہ عنوان :
مزید اہم خبریں
-
ضمنی انتخابات، پنجاب میں پولنگ کے سامان کی ترسیل کی کوریج پر پابندی عائد
-
عمران خان نے پیغام دیا ہے21اپریل کو ووٹ کی حفاظت کریں،علیمہ خان
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.