پاکستان نازک دور سے گزر رہا ہے، آپریشن ضرب عضب ملک سے آخری دہشت گرد کے خاتمے تک جاری رہیگا،ممنون حسین
ریاستی اداروں کی بحالی ،معیشت کا استحکام بدعنوانی کی لعنت کو جڑ سے اکھاڑنے پر منحصر ہے،صدر مملکت کا کیڈٹس کی تقریب سے خطاب
جمعرات 11 فروری 2016 22:27
اسلام آباد (اُردو پوائنٹ اخبارتازہ ترین - این این آئی۔11 فروری۔2016ء) صدر مملکت ممنون حسین نے کہا ہے کہ پاکستان نازک دور سے گزر رہا ہے، آپریشن ضرب عضب ملک سے آخری دہشت گرد کے خاتمے تک جاری رہیگا۔حکومت کی اقتصادی پالیسیاں درست سمت میں ہیں ،قومی معیشت بحال ،غیر ملکی سرمایہ کاری کیلئے سازگار ماحول پیدا ہو رہا ہے۔ ریاستی اداروں کی بحالی ،معیشت کا استحکام بدعنوانی کی لعنت کو جڑ سے اکھاڑنے پر منحصر ہے۔
صدر مملکت نے یہ بات آرمی، نیوی اور ایئر فورس سے تعلق رکھنے والے کیڈٹس سے خطاب کرتے ہوئے کہی جنہوں نے جمعرات کو ایوان صدر میں ان سے ملاقات کی۔صدر مملکت نے مسلح افواج کی قربانیوں کو سراہتے ہوئے کہا کہ آپریشن ضرب عضب کے نتیجے میں امن و امان کی صورتحال بہتر ہو رہی ہے۔(جاری ہے)
انہوں نے نوجوان کیڈٹس پر زور دیا کہ وہ اپنی مادر وطن کی جذبے اور لگن کے ساتھ خدمت کریں اور چیلنجوں سے موثر طور پر نبردآزما ہونے کیلئے خود کو ایشوز سے آگاہ رکھیں۔
صدر مملکت ممنون حسین نے کہا کہ حکومت ملک کے دفاع کو ناقابل تسخیر بنانے کیلئے پرعزم ہے اور اس ضمن میں مسلح افواج کی ضروریات کو پورا کیا جائے گا۔ انہوں نے کہا کہ حکومت کی اقتصادی پالیسیاں درست سمت میں ہیں اور اس کے نتیجے میں قومی معیشت بحال ہوئی ہے اور غیر ملکی سرمایہ کاری کیلئے سازگار ماحول پیدا ہو رہا ہے۔ انہوں نے کہا کہ کرپشن نے ملک کی جڑوں کو کھوکھلا کیا ہے۔ صدرمملکت نے اس بات پر زور دیا کہ ریاستی اداروں کی بحالی اور معیشت کا استحکام بدعنوانی کی لعنت کو جڑ سے اکھاڑنے پر منحصر ہے۔ صدر مملکت نے کہا کہ حکومت قومی ہم آہنگی کے فروغ پر توجہ مرکوز کر رہی ہے۔ انہوں نے عوام پر زور دیا کہ وہ امن اور خوشحالی کے حصول کیلئے اپنی صفوں میں اتحاد کو فروغ دیتے ہوئے صوبائی، لسانی اور مذہبی اختلافات پیدا کرنے والے ریاست دشمن عناصر کی سازشوں کو ناکام بنا دیں۔ صدر مملکت نے نوجوان کیڈٹس کو تاکید کی کہ وہ دیانتداری کے اعلیٰ معیارات کو برقرار رکھتے ہوئے ملک کی سرحدوں کے دفاع کیلئے ہمیشہ خود کو تیار رکھیں۔ انہوں نے کیڈٹس سے مخاطب کرتے ہوئے کہا کہ ’’آپ کو ایک حقیقی پاکستانی کی طرح لسانی اور نسلی امتیازات کو بالائے طاق رکھتے ہوئے اپنی مادر وطن کی خدمت کرنی چاہئے اور اپنے ملک کے مفادات کو ہمیشہ ہر چیز سے مقدم رکھیں‘‘۔ انہوں نے کیڈٹس پر زور دیا کہ وہ ہمیشہ اپنے اساتذہ اور والدین کا احترام کریں۔ صدر مملکت نے کیڈٹس کے ساتھ تبادلہ خیال کرتے ہوئے ملک کی موجودہ صورتحال کے بارے میں ان کے سو الات کے جوابات بھی دیئے۔متعلقہ عنوان :
مزید اہم خبریں
-
پاکستان اپنے فلسطینی بھائیوں کے ساتھ کھڑا رہے گا اور ہر فورم پر ان کے لئے آواز بلند کرے گا، صدر مملکت آصف علی زرداری سے فلسطین کے سفیر احمد جواد ربیع کی ملاقات
-
سوشل میڈیا کا بھوت اور بچوں کی ذہنی صحت
-
صدرمملکت آصف علی زرداری سے ایران کے سفیر کی ملاقات
-
امریکی صدر جو بائیڈن کا وزیراعظم شہبازشریف کو خط ، وزارت عظمیٰ کا منصب سنبھالنے پر نومنتخب حکومت کے لئے نیک تمنائوں کا اظہار
-
وزیراعلی مریم نوازنے محمد نواز شریف کسان کارڈ کی منظوری دیدی ،5 لاکھ کاشتکارو ں کو آسان شرائط پر 150 ارب کا قرضہ دیا جائیگا
-
پشاور بی آر ٹی کے کنٹریکٹر نے عالمی ثالثی عدالت میں حکومت کیخلاف 57 ارب روپے کا دعوی کردیا
-
نوازشریف کو پانامہ کیس میں اقامہ پرسزا دینا غلطی تھی، ہمشیرہ بانی پی ٹی آئی
-
آئی ایم ایف نے پاکستان کی معاشی پیشرفت کو حوصلہ افزا قرار دے دیا
-
ملکی معیشت کو بہتر بنانے کی راہ میں سیاسی و انتظامی دبا ئوکو برداشت نہیں کیا جائیگا، وزیراعظم
-
عمران ریاض کی مقدمات کی تفصیلات فراہمی کی درخواست، نیب سمیت دیگر فریقین سے جواب طلب
-
وزیرصحت خواجہ سلمان رفیق کاگنگارام ہسپتال اور مدر اینڈ چائلڈ بلاک کا دورہ ،ری ویمپنگ منصوبے کا جائزہ لیا
-
وزیر اعلیٰ مریم نواز شریف کا نوٹس، لیہ میں ذہنی معذور بچی کے ساتھ زیادتی کا مرتکب ملزم چند گھنٹے میں گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.