حکومت اور ادارے ایک پیج پر آئیں ،قوم کی پریشانیوں کا حل تلاش کریں‘سراج الحق
ادارے حکومت بناتی ہے ،حکومت ہی کی نگرانی میں ادارے کام کرتے ہیں ،دونوں مشترکہ لائحہ عمل بنائیں ،دینی جماعتیں آئین اور جمہوریت کا احترام کرتی ہیں ، آئینی و جمہوری جدوجہد کے ذریعے نظام کی اصلاح چاہتی ہیں ‘ پارلیمنٹ ہاؤس کے باہر میڈیاکے نمائندوں سے گفتگو
جمعرات 11 فروری 2016 20:45
اسلام آباد (اُردو پوائنٹ اخبارتازہ ترین - این این آئی۔11 فروری۔2016ء ) امیر جماعت اسلامی پاکستان سینیٹر سراج الحق نے کہا ہے کہ حکومت اور ادارے ایک پیج پر آئیں اور قوم کی پریشانیوں کا حل تلاش کریں،ادارے حکومت بناتی ہے اور حکومت ہی کی نگرانی میں ادارے کام کرتے ہیں ،دونوں مشترکہ لائحہ عمل بنائیں تاکہ ملک میں غیر یقینی صورتحال کا خاتمہ ہوسکے ،دینی جماعتیں آئین اور جمہوریت کا احترام کرتی ہیں اور آئینی و جمہوری جدوجہد کے ذریعے نظام کی اصلاح چاہتی ہیں ،ہم دینی اداروں اور مدارس کے نظام تعلیم کی اصلاح کے حامی ہیں ،حکومت دیگر تعلیمی اداروں کی طرح دینی اداروں کو بھی سہولیات دے اور سرپرستی کرے ۔
ان خیالات کا اظہار انہوں نے پارلیمنٹ ہاؤس کے باہر میڈیاکے نمائندوں سے گفتگو کرتے ہوئے کیا۔(جاری ہے)
سینیٹر سراج الحق نے کہا کہ عوام کو جان ومال اور عزت کا تحفظ دینا اور قومی مسائل کاحل تلاش کرنا حکومت کی ذمہ داری ہے اگر حکومت اپنے اس فرض کو پورا کرنے میں ناکام رہتی ہے توپھر اسے خود ہی عوام کے سامنے اپنی نا اہلی کا اعتراف کرلینا چاہئے ۔حکومت کا اپنے اداروں پر الزام لگانا درست اقدام نہیں ۔
ایک سوال کے جواب میں انہوں نے کہا کہ دینی جماعتیں پاکستان کو ایک مضبوط اور باوقار ملک بنانے کیلئے آئینی اور جمہوری جدوجہد کررہی ہیں وہ نظا م کی اصلاح کیلئے کسی غیر آئینی اور پرتشدد طریقے پر یقین نہیں رکھتیں ،آئین اور جمہوریت کا احترام کرتی ہیں ۔حکومت کا فرض ہے کہ وہ دینی تعلیم کے اداروں کی بھی اسی طرح سرپرستی کرے جس طرح دیگر تعلیمی اداروں کی کرتی ہے اور دینی تعلیم حاصل کرنے والے تیس لاکھ سے زائد طلباء کو بھی وہی سہولتیں دی جائیں جو ملک کے سرکاری سکولوں ،کالجز اور یونیورسٹیوں کے طلباء کو دی جارہی ہیں۔سینیٹرسراج الحق نے کہا کہ مختلف مکاتب فکر کے اختلافات کو کچھ لوگ اپنے مذموم مقاصد کیلئے بڑھاچڑھا کر پیش کرتے ہیں ،جس سے قومی یکجہتی اور اتحا د کی کوششوں کو شدید نقصان پہنچتا ہے حالانکہ مختلف مکاتب فکر کے درمیان اختلاف کی نوعیت ہمیشہ علمی رہی ہے اس کو پرتشدد اور قابل نفرت انداز میں حل نہیں کیا جاسکتا۔جماعت اسلامی جمہوری طریقے سے مسائل حل کرنے کی حامی ہے،قانون کو ہاتھ میں لیکر مسائل سلجھائے نہیں جاسکتے بلکہ مزید الجھ جاتے ہیں۔سینیٹر سراج الحق نے ایل پی جی کی درآمد کے حوالے سے ایک سوال کے جواب میں کہا کہ گیس پائپ لائن کی مد میں عوام پر ایک سو ایک بلین روپے کا بوجھ ڈالا جارہا ہے ۔حکومت قومی وسائل کی طرف توجہ نہیں دے رہی حالانکہ اﷲ تعالیٰ نے پاکستان کو بے پناہ قدرتی وسائل سے مالا مال کررکھا ہے ۔انہوں نے کہا کہ حکومت ہمیشہ سہاروں کی تلاش میں رہتی ہے اور خود انحصاری کا باعزت راستہ اپنانے کو تیار نہیں۔انہوں نے کہا کہ زرعی پیداوار میں اضافے کیلئے کسانوں کی بد حالی کو دور کرنیکی طرف خصوصی توجہ دینے کی ضرورت ہے ،پوری دنیا میں کسانوں کو سہولتیں دی جاتی ہیں ،زرعی مداخل بیج ،کھاد اور زرعی ادویات اور بجلی تیل اور گیس کی قیمتوں میں سبسڈی دی جاتی ہے مگر ہماری حکومت کسانوں او رمزدوروں کا معاشی قتل اور استحصال کررہی ہے ۔مزید قومی خبریں
-
حکومت کی اقتصادی حکمت عملی میں صنعتی ترقی اور برآمدات کا فروغ اولیں ترجیح ہے، بجٹ میں صنعتی پالیسی لا رہے ہیں‘رانا تنویر حسین
-
وزیرِاعلی سندھ نے پیپلزبس سروس آٹو میٹڈ فیئر کلکشن سسٹم کا افتتاح کر دیا
-
حکومت کسانوں، گندم کے مسئلے پر بہت فکر مند ہے‘ احسن اقبال
-
وزیراعلیٰ مریم نوازشریف کا راجن پور میں 8 سالہ بچی سے زیادتی کے واقعہ کا نوٹس
-
پاکستان انٹرنیشنل ایئرلائن آمدہ حج سیزن کے دوران تقریبا ً34 ہزار عازمین حج کو 170 پروازوں کے ذریعے حجازمقدس پہنچائے گی
-
وزیرمواصلات عبدالعلیم خان کا سمبڑیال کھاریاں موٹروے کا فضائی دورہ
-
9 مئی واقعات کی شفاف تحقیقات کے بغیرملک آگے نہیں بڑھ سکتا ، زرتاج گل
-
کلر کہار، ڈرائیور اپنے کی ٹریکٹر کی زد میں آ کر جاں بحق
-
9 مئی: عمرسرفرازچیمہ کی درخواست ضمانت پرسرکاری وکیل سے دلائل طلب
-
9 مئی : ڈاکٹر یاسمین راشد کی ضمانت کی درخواستوں پر پراسیکیوشن کو کل تک مہلت
-
ٹرانسپورٹرز کے جائز مسائل حل کئے جائیں گے ،انسداد سمگلنگ کارروائی جاری رہے گی ،میرسرفرا زبگٹی
-
گورننس کی بہتری کیلئے اقدامات اٹھا ئے جا رہے ہیں ،سول سروسز کے تمام گروپس کو ساتھ دینا ہوگا،وزیر اعلی بلوچستان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.