خواجہ سلمان رفیق کی تحصیل ہیڈ کوارٹرز ہسپتال کوٹ رادھاکشن کو ٹائم لائن کے مطابق مکمل کرنے کی ہدایت
ڈائیگناسٹک سینٹر میانوالی میں مسنگ سہولیات پوری کی جائیں گی‘مشیر وزیراعلیٰ پنجاب برائے صحت کا اجلاس سے خطاب
بدھ 10 فروری 2016 20:25
لاہور(اُردو پوائنٹ اخبارتازہ ترین - این این آئی۔10 فروری۔2016ء ) مشیر وزیراعلی پنجاب برائے صحت خواجہ سلمان رفیق نے ہدایت کی ہے کہ 60 بستروں پر مشتمل تحصیل ہیڈکوارٹرز ہسپتال کوٹ رادھاکشن قصورکو ٹائم لائن کے مطابق مارچ2016 تک مکمل کرنے کے لئے اقدامات کئے جائیں تاکہ عوامی فلاحی منصوبے سے جلد از جلد عوام استفادہ کر سکیں۔انہوں نے یہ بات اسمبلی چیمبر میں تحصیل ہیڈکوارٹرز ہسپتال کوٹ رادھاکشن کے تعمیری کا کام کی رفتار کا جائزہ لینے کے لئے خصوصی اجلاس کی صدارت کرتے ہوئے کہی۔
اجلاس میں سیکرٹری پرائمری اینڈ سکینڈری ہیلتھ علی جان خان،ایڈیشنل سیکرٹری(ایڈمن) ڈاکٹر عدنان ظفر،سینئر پلاننگ آفیسر رانا مشتاق،ای ڈی او ہیلتھ قصور ڈاکٹر مسعود طارق،قصور سے رکن پنجاب اسمبلی انیس قریشی اور محکمہ مواصلات وتعمیرات کے افسران نے شرکت کی۔(جاری ہے)
اجلاس کو بتایا گیا کہ کوٹ رادھا کشن کے تحصیل ہیڈ کوارٹرز ہسپتال کی تعمیر آخری مراحل میں ہے اور اس منصوبے پر اب تک 81 ملین روپے خرچ ہو چکے ہیں جبکہ مزید 12 ملین روپے درکار ہیں۔
مشیر صحت نے سیکرٹری پرائمری اینڈ سکینڈری ہیلتھ علی جان خان کو ہدایت کی کہ منصوبہ کی تکمیل کے لئے مزید12 ملین روپے فراہم کئے جائیں تاکہ یہ ہسپتال مارچ تک مکمل کیا جا سکے۔سیکرٹری ہیلتھ علی جان خان نے کہا کہ ٹی ایچ کیو ہسپتال کوٹ رادھا کشن کے منصوبے کو مکمل کرنے کے لئے مزید12 ملین روپے کی فراہمی کا بندوبست کیا جارہا ہے اور انشاء اﷲ مذکورہ ہسپتال کی تعمیر بروقت مکمل کر لی جائے گی۔دریں اثناء مشیر صحت پنجاب خواجہ سلمان رفیق نے ڈسٹرکٹ ہیڈکوارٹرز ہسپتال میانوالی کے انتظامی مسائل اور میانوالی میں تعمیرکئے گئے ڈائیگناسٹک سینٹر میں مسنگ سہولیات کی فراہمی کا جائزہ لینے کے لئے اسمبلی چیمبر میں اجلاس کی صدارت کی۔اجلاس میں میانوالی سے رکن پنجاب اسمبلی انعام اﷲ خان نیازی ،علی نور نیازی ایم پی اے،ڈی سی او میانوالی طلعت گوندل،سیکرٹری پرائمری اینڈ سکینڈری ہیلتھ علی جان خان،ایڈیشنل سیکرٹری عدنان ظفر،ای ڈی او ہیلتھ ڈاکٹر شاہد نذیر اور سینئر پلاننگ آفیسر رانا مشتاق نے شرکت کی۔اجلاس میں تمام معاملات کا تفصیلی جائزہ لیا گیا۔سیکرٹری ہیلتھ علی جان خان نے ای ڈی او ہیلتھ کو ہدایت کی کہ مسنگ سہولیات کے لئے ایک ایڈیشنل ڈویلپمنٹ سکیم تیار کرکے جلد از جلد منظوری کے لئے ارسال کر دیں تاکہ مذکورہ سہولیات کے لئے فنڈز فراہم کئے جائیں۔ خواجہ سلمان رفیق نے ہدایت کی کہ ڈائگناسٹک سینٹر میں مسنگ سہولیات کی فراہمی کو یقینی بنایا جائے -متعلقہ عنوان :
مزید قومی خبریں
-
وزیراعلی پنجاب مریم نوازشریف کی زیر صدارت پولیس ٹریننگ کالج چوہنگ کمیٹی روم میں اجلاس کا انعقاد
-
جھگڑے میں گاڑی بھگانے کے دوران پولیس اہلکارکو گاڑی ٹکر لگنے کے مقدمہ میں گرفتارخاتون کو 14روزہ جوڈیشل ریمانڈ جیل بھیجنے کا حکم
-
فیصل آباد، سرکاری آٹا کی سپلائی کے دوران بے ضابطگیوں پر11 فلورملزکے لائسنس منسوخ
-
وزیراعلیٰ مریم نوازکا عزیز بھٹی شہید ہسپتال کی چھت گرنے کے معاملہ پرسخت ایکشن،ایم ایس برطرف، تین افسرمعطل
-
نیپرا نے کے الیکٹرک کے 7 سالہ سرمایہ کاری کے روڈ میپ پر فیصلہ دے دیا
-
چیئرمین سینیٹ نے ایوان بالا کے 337 ویں اجلاس کے لئے پینل آف پریذائیڈنگ آفیسرز کے ناموں کا اعلان کر دیا
-
چیف جسٹس کوکراچی کے لذیذ کھانوں اورکچوریوں کی یاد آ گئی
-
سپریم کورٹ کا نسلہ ٹاور کی زمین فروخت کرکے الاٹیز کو معاوضہ ادا کرنے کا حکم
-
قومی شاہراہ پر منی ٹرک اور مسافر وین میں تصادم ،دوخواتین سمیت چھ افراد زخمی
-
نئے تعینات ایم ایس حضرات کو ہسپتالوں میں پیشنٹ کیئر مینجمنٹ کو بہتر بنانے کا ٹاسک سونپ دیا گیا
-
فتنہ پارٹی حسب روایت بشریٰ بی بی کی صحت سے متعلق پروپیگنڈہ کر رہی ہے ‘ عظمیٰ بخاری
-
بزنس ایڈوائزری کمیٹی اہم فورم ہے سب کو ساتھ لے کر چلیں گے، چیئرمین سینیٹ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.