انصاف کا نظام رائج کرنیوالوں کے چہروں سے نقاب ہٹ چکا ہے، خیبرپختونخوا میں 90 دن میں کرپشن تو ختم نہ ہوئی مگر ادارہ ختم ہو گیا، کرپشن کے الزام میں گرفتار وزیر کو بچانے کی کوشش کی جا رہی ہے، صوبے میں سہولتیں دینے والوں کو احتساب کمیشن ہاتھ نہیں لگا سکتا،عمران خان اڑھائی سال گزرنے کے باوجود اپنی جماعت میں بہتری نہ لا سکے،ہماری اڑھائی سال کی کارکردگی پوری قوم کے سامنے ہے
وفاقی وزیر اطلاعات و نشریات سینیٹر پرویز رشیدکی پارلیمنٹ ہاؤس کے باہر میڈیا سے گفتگو
بدھ 10 فروری 2016 20:00
اسلام آباد (اُردو پوائنٹ اخبارتازہ ترین - آئی این پی۔10 فروری۔2016ء) وفاقی وزیر اطلاعات و نشریات سینیٹر پرویز رشید نے کہا ہے کہ انصاف کا نظام رائج کرنے والوں کے چہروں سے نقاب ہٹ چکا ہے، خیبرپختونخوا میں 90 دن میں کرپشن تو ختم نہ ہوئی مگر ادارہ ختم ہو گیا، کرپشن کے الزام میں گرفتار وزیر کو بچانے کی کوشش کی جا رہی ہے،خیبرپختونخوا میں سہولتیں دینے والوں کو احتساب کمیشن ہاتھ نہیں لگا سکتا،عمران خان اڑھائی سال گزرنے کے باوجود اپنی جماعت میں بہتری نہ لا سکے،ہماری اڑھائی سال کی کارکردگی پوری قوم کے سامنے ہے۔
وہ بدھ کو پارلیمنٹ ہاؤس کے باہر میڈیا سے گفتگو کر رہے تھے۔ سینیٹر پرویز رشید نے کہا کہ انصاف کا نظام رائج کرنے والوں کے چہروں سے نقاب ہٹ چکا ہے،عمران خان کے قائم کردہ احتساب کمیشن کے سربراہ نے استعفیٰ دے دیا ہے۔(جاری ہے)
انہوں نے کہا کہ احتساب کمیشن کے چیئرمین نے کہا کہ آپ احتساب کے نام پر لوگوں کو دھوکہ دے رہے ہیں اور جسٹس وجیہ الدین نے بھی پارٹی انتخابات میں دھاندلی کرنے والوں کا ساتھ دینے پر استعفیٰ دے دیا تھا۔
انہوں نے کہا کہ کے پی کے میں کرپشن کے الزام میں گرفتار وزیر کو بچانے کی کوشش کی جا رہی ہے، عمران خان کے بدعنوانی کے خلاف دعوے دھرے کے دھرے ہی رہ گئے، گرفتار وزیر نے سب کے کرتوت سامنے لانے کی دھمکی دی اس لئے عمران خان بدعنوانی میں ملوث گرفتار وزیر کو تحفظ دینے کی کوشش کر رہے ہیں۔ انہوں نے کہا کہ خیبرپختونخوا میں 90 دن میں کرپشن تو ختم نہ ہوئی مگر ادارہ ختم ہو گیا،شہباز شریف کے ہسپتالوں کیلئے بنائے گئے قوانین کو عمران خان نے اپنا لیا ہے، اب انہیں پوری طرح شہباز شریف کی شاگردی اختیار کرلینی چاہیے، ملک جب بھی ترقی کے سفر پر گامزن ہوتا ہے عمران رکاوٹیں کھڑی کر دیتے ہیں۔ وفاقی وزیر اطلاعات و نشریات نے کہا کہ ورلڈ بینک کے صدر نے بھی پاکستان کی معاشی ترقی کو سراہا ہے، خیبرپختونخوا میں سہولتیں دینے والوں کو احتساب کمیشن ہاتھ نہیں لگا سکتا، وفاق کے قائم کردہ احتساب کے ادارے میں مزید اصلاحات لائی جا رہی ہیں۔ انہوں نے کہا کہ عمران خان اپنی جماعت میں منصفانہ انتخابات میں رکاوٹ بن رہے ہیں، اڑھائی سال گزرنے کے باوجود وہ اپنی جماعت میں بہتری نہ لا سکے، جبکہ ہماری اڑھائی سال کی کارکردگی پوری قوم کے سامنے ہے۔ پرویز رشید نے کہا کہ حالات نے عمران خان کا اصل چہرہ قوم کو دکھا دیا ہے۔متعلقہ عنوان :
مزید اہم خبریں
-
قومی معیشت کو نقصان پہنچانے والے عناصر کا احتساب ہو گا،ٹوبیکو، کھاد اور سیمنٹ فیکٹریوں میں ٹریک اینڈ ٹریس سسٹم کے معاہدےمیں فراڈ کی کی تحقیقات کے لیے کمیٹی قائم کرنے کا حکم دے دیا ہے ، وزیر اعظم ..
-
الیکشن کمیشن نے آزاد ارکان قومی اسمبلی کی سنی اتحاد کونسل میں شمولیت کو تسلیم کرلیا
-
اپنے بڑوں سے بات کریں ،اتنا ظلم نہ کریں ہم آپ کا حصہ نہیں بن سکتے،چیف جسٹس سندھ ہائیکورٹ
-
پاکستان کے ساتھ کوئی کشیدگی نہیں ہے، امریکہ
-
اجتماعی کاوشوں سے معاشی صورتحال بہترہورہی ہے،وزیراعظم شہباز شریف
-
سپریم کورٹ کو سب نے مذاق بنایا ہوا ہے،چیف جسٹس کے سماعت کے دوران ریمارکس
-
وزیر اعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہے‘ سعد رفیق
-
پڑوسیوں میں مخاصمانہ رویہ رکھنے والے ممالک کی وجہ پاکستان کو مضبوط دفاعی صلاحیتوں کی ضرورت ہے ، امریکا میں پاکستان کے سفیر مسعود خان کا تقریب سے خطاب
-
لاہور ہائیکورٹ نے فواد چوہدری کو مزید7روز تک گرفتار کرنے سے روک دیا
-
شکار پور ، قبائلی تنازعے پر مسلح افراد کی فائرنگ سے 2خواتین سمیت3افراد جاں بحق
-
یہ تاثر غلط ہے کہ نواز شریف کا وزیراعظم بننے کا راستہ شہباز نے روکا ،سینیٹر عرفان صدیقی
-
پاکستان خطے میں ہمارااہم شراکت دار ہے ،تعاون مزید مضبوط کرینگے ،امریکہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.