سول ہسپتال کراچی میں شہید بے نظیر بھٹو ٹراما سینٹر فعال ہونے سے قبل ہی عہدوں کا بٹوارہ
ایم ایس نے منظور نذر ڈاکٹروں کو تعینات کردیا ،سینئر ڈاکٹروں میں بے چینی
بدھ 10 فروری 2016 19:08
کراچی(اُردو پوائنٹ اخبارتازہ ترین - آن لائن۔10 فروری۔2016ء) سول ہسپتال کراچی میں شہید محترمہ بے نظیر بھٹو ٹراما سینٹر فعال کے ہونے سے قبل ہی عہدوں کا بٹوارہ ہوگیا۔میڈیکل سپرنٹنڈنٹ سول ہسپتال نے ٹراما سینٹر میں منظور نذر ڈاکٹروں کو تعینات کردیا جس سے سینئر ڈاکٹروں میں بے چینی پائی جاتی ہے ۔اس ضمن میں ذمہ دارذرائع نے بتایا کہ سول ہسپتال کے میڈیکل سپرنٹنڈنٹ پروفیسر ڈاکٹر سعید قریشی نے ٹراما سینٹر کے مکمل طور پر فعال ہونے سے قبل ہی من پسند ڈاکٹروں کو سول ہسپتال سے ٹراما سینٹر میں اہم ذمہ داریاں تفویض کر دی ہیں ۔
ذرائع نے بتایا کہ ڈاکٹر یاسمین کھرل جو سول ہسپتال میں او ٹی کمپلیکس کی انچارج تھیں ان کی تعیناتی ٹراما سینٹر میں کر دی گئی ہے اسی طرح ڈیڑھ سال کا طویل عرصہ بیرون ممالک گزارنے والے ڈاکٹر عامر رضا عابدی کو دوبارہ جوائننگ کرانے کے بعد انہیں بھی ٹراما سینٹر میں شفٹ کردیا گیا ہے ۔(جاری ہے)
ڈاکٹر عامر رضا کے بارے میں معلوم ہو اہے کہ وہ سول ہسپتال میں آئی ٹی ڈیپارٹمنٹ کے انچارج تھے ،سابق وزیر صحت ڈاکٹر صغیر احمد نے اپنے دور وزارت میں ڈاکٹر عامر کی بیرون ملک چھٹی منظور نہیں کی تھی لیکن اس کے باوجود وہ بیرون ملک چلے گئے تھے اورمیڈیکل سپرنٹنڈنٹ سول اسپتال نے موجودہ صوبائی وزیر صحت کے دوبارہ احکامات سے سول ہسپتال کے ٹراما سینٹر میں ڈاکٹر عامر رضا عابدی کو اہم ذمہ داری سونپ دی ہے ۔
ذرائع نے بتایا کہ سول ہسپتال کے ایڈیشنل میڈیکل سپرنٹنڈنٹ اسٹور ڈاکٹر محمد احمد جو ایک سال قبل ریٹائرڈ ہوچکے ہیں انہیں بھی ٹراما سینٹر میں کنٹریکٹ پر دوبارہ رکھ لیا گیا ہے ۔یاد رہے کہ پیپلزپارٹی کے چےئرمین بلاول بھٹو زرداری نے 28دسمبر 2015کو وزیر اعلیٰ سندھ کے ہمراہ شہید محترمہ بے نظیر بھٹو ٹراما سینٹر کا افتتاح کیا تھا جہاں اب بھی تعمیراتی کام جار ی ہے۔ایگزیکٹو کمیٹی نیشنل اکنامک کونسل نے اس منصوبے کو 2008میں منظور کیا تھا جس کے بعد 2009میں اس منصوبے پر تعمیراتی کام کاآغاز ہوا تھا جسے2012میں مکمل ہونا تھا تاہم تیاری کی مدت کے3سال گزرجانے کے باوجود اب تک ٹراما سینٹر فعال نہیں ہوسکا ہے۔متعلقہ عنوان :
مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.