بیرون ملک مقیم پاکستانی دنیا میں پاکستان کا نام روشن کرنے کے ساتھ ملکی معیشت میں بھی اہم کردار ادا کر رہے ہیں‘ملک رفیق رجوانہ
حکومت کو بیرون ملک میں مقیم پاکستانیوں کے مسائل کا ادراک ہے حل کے لئے ہر ممکن اقدامات کئے جارہے ہیں‘گورنر پنجاب
بدھ 10 فروری 2016 17:36
لاہور(اُردو پوائنٹ اخبارتازہ ترین - این این آئی۔10 فروری۔2016ء ) گورنر پنجاب ملک محمد رفیق رجوانہ نے کہا ہے کہ بیرون ملک پاکستانی، پاکستان کا وقار اور اعزاز ہیں جو دنیا بھر میں پاکستان کا نام روشن کرنے کے ساتھ ساتھ خطیر زرمبادلہ کے ذریعے ملکی معیشت میں بھی اہم کردار ادا کر رہے ہیں،غیر ملکی پاکستانیوں کو قدر کی نگاہ سے دیکھتے ہیں اِن کے مسائل ہمارے مسائل ہیں۔
ان خیالات کا اظہارانہوں نے صدر مسلم لیگ (ن)سپین راجہ اسد حسین اور صدر یوتھ ونگ مسلم لیگ (ن)سپین شہزادہ عثمان طاہرسے گفتگو کے دوران کیا ۔جنہوں نے گورنر ہاؤس لاہور میں ان سے ملاقات کی۔گورنر پنجاب نے کہا کہ پاکستانی دُنیا کے کسی بھی کونے میں ہوں اتحاد اور اتفاق کے رشتے میں بندھے رہیں یہ ان کی اور ملک کی فتح ہے۔(جاری ہے)
انہوں نے کہا کہ پاکستانی قوم پُرامن ، صلح پسند اور محبت کرنے والی ہے۔
انہوں نے کہا کہ دُنیا میں کہیں بھی دہشت گردی ہوتی ہے پاکستان اور اس کی عوام چاہے وہ ملک میں ہوں یا بیرون ملک اس کی پُر زور مذمت کرتے ہیں۔ گورنر پنجاب نے کہا کہ مجھے تارکین وطن لفظ سے اختلاف ہے کیونکہ آپ میں وطن سے محبت اس کی سلامتی اور استحکام کا جذبہ زیادہ پر جوش طریقے سے کارفرما ہے۔ انہوں نے کہا کہ آپ لوگ ملک کا قیمتی سرمایہ اور اثاثہ ہیں جو دُنیا میں مختلف شعبوں میں نمایاں کارکردگی کے ذریعے نہ صرف ملک و قوم کا نام روشن کررہے ہیں بلکہ ملک میں اربوں روپے کا زرمبادلہ بھی بھیج رہے ہیں۔ انہوں نے کہا کہ اوورسیز پاکستانی ہر سال تقریبا 15ارب ڈالر سے زیادہ زرمبادلہ ملک میں بھیجتے ہیں۔ گورنر پنجاب نے کہا کہ مسلم لیگ (ن) کی حکومت اوورسیز پاکستانیوں کی مشکلات کے حل کے لئے اوورسیز پاکستانی کمیشن بھی تشکیل دے دیا گیا ہے جو ان کے مسائل کو ترجیح بنیادوں پر حل کرائے گا۔انہوں نے کہا کہ حکومت کو بیرون ملک میں مقیم پاکستانیوں کے مسائل کا ادراک ہے اور اس کے حل کے لئے ہر ممکن اقدامات کئے جارہے ہیں۔ انہوں نے کہا کہ یہ ایک حقیقت ہے کہ وطن عزیز پر جب بھی کبھی مشکل گھڑی آئی ہے انہوں نے دل کھول کر مدد کی ۔انہوں نے کہا کہ حکومت اوورسیز پاکستانیوں کو زیادہ سے زیادہ سہولیات فراہم کرنے کے لئے موثر منصوبہ بندی کررہی ہے۔گورنر پنجاب نے مزید کہا کہ مسلم لیگ (ن) پاکستان اور سپین میں عوامی خدمت کے ایجنڈے پر گامزن ہے۔ انہوں نے کہا کہ اوورسیز پاکستان سے باہر ملک کے سفیر ہیں اور انہیں ہر وہ کام کرنا چاہئے جس میں ملک اور قوم کے امیج میں بہتری آئے۔متعلقہ عنوان :
مزید اہم خبریں
-
مہنگائی میں 1 فیصد سے زائد کمی کے باوجود بیشتر اشیاء مہنگی ہو گئیں
-
سینئر صوبائی وزیر مریم اورنگزیب کی ورلڈ فوڈ پروگرام کی کنٹری ڈائریکٹر کوکویوشییامہ سے ملاقات
-
حکومت گندم خریداری سے ہاتھ کھینچ چکی، کسان کو3900 روپے فی من قیمت نہیں مِل رہی
-
سعودی عرب کی پہلی بار ’مس یونیورس‘ مقابلے میں ممکنہ شرکت
-
وزیراعظم شہبازشریف نے ٹیکس چوری روکنے کا ٹریک اینڈ ٹریس سسٹم فراڈ قراردیدیا
-
توانائی پر پاک ایران تعاون موجود ہے، اپنی ضروریات کیلئے امریکا سے بھی رابطے میں ہیں،پاکستان
-
ملٹی سیکٹورل سموگ ایکشن پلان پر آئندہ ہفتے سے عملدرآمد شروع ہوجائے گا
-
وزیراعظم 28 اپریل کو سعودی عرب میں عالمی اقتصادی فورم اور4 مئی کو گیمبیا میں او آئی سی سربراہی اجلاس میں شرکت کریں گے،ترجمان دفتر خارجہ ممتاز زہرہ بلوچ کی ہفتہ وار پریس بریفنگ
-
شہداء کے اہلخانہ میرے دل کے بہت قریب ہیں ، ایک شہید کا داماد ہوں، وزیرداخلہ محسن نقوی
-
قوم کو غلامی کی زنجیروں میں جکڑنے والوں سے کوئی ڈیل نہیں کروں گا
-
ہماری آزادی میں ایک جنگل کا بادشاہ حائل ہے
-
وزیر داخلہ محسن نقوی کا اسلام آباد پولیس خدمت مرکز 24 گھنٹے کھلا رکھنے کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.