سکیورٹی خدشات:لوک ورثہ نے حکومت سے ڈیڑھ کروڑ روپے مانگ لئے
منگل 9 فروری 2016 16:55
اسلام آباد (اُردو پوائنٹ اخبارتازہ ترین - آن لائن۔09 فروری۔2016ء) ثقافتی میلہ کے لئے سکیورٹی ایشو کو مدنظر رکھتے ہوئے لوک ورثہ نے حکومت سے ڈیڑھ کروڑ روپے مانگ لئے ہیں ۔ دوسری جانب درجنوں ملازمین نے ای ڈی لوک ورثہ کی چیرا دستیوں کے خلاف آواز بلند کرتے ہوئے عدالتوں کا رخ کرنا شروع کر دیا ہے ۔ آن لائن کو ملنے والی معلومات کے مطابق درجنوں ایسے لوک ورثہ کے ملازمین ہیں جن کو 20 فیصد الاؤنس نہیں ملا اور انہوں نے عدالت عالیہ سے رجوع کر رکھا ہے ۔
گزشتہ دور حکومت میں مستقل ہونے والے ملازمین کو بھی نوکریوں سے برطرف کرنے کی دھمکی بھی دے دی گئی ہے اور تمام ملازمین کو ملنے والا ہاؤس رینٹ بھی ختم کر کے انہیں فاقوں پر مجبور کر دیا گیا ہے اس حوالے سے ذرائع کا کہنا کہ ثقافتی میلہ کے دوران لوک ورثہ ملازمین اپنے جائز مطالبات منوانے کیلئے قلم چھوڑ ہڑتال بھی کر سکتے ہیں ۔(جاری ہے)
گورنرز بورڈ کی میٹنگ میں لوک ورثہ ملازمین کی سرکاری نوکریوں کو کنٹریکٹ پر کر دینے کی بھی سفارش کی گئی ہے تاہم اس حوالے سے ابھی اعلامیہ جاری ہونا باقی ہے ۔
موقف جاننے کے لئے ایگزیکٹو ڈائریکٹر لوک ورثہ فوزیہ سعید سے رابطہ کیا گیا تو انہوں نے بتایا کہ کسی بھی ملازم کی پنشن سمیت مراعات کو نہیں روکا گیا ہے اور مہر گڑھ کا ایک بھی ملازم لوگ ورثہ میں اگر پایا گیا تو مجھے خطاوار سمجھا جائے علاوہ ازیں ہائی کورٹ کے احکامات کے پیش نظر جب تک مقدمات زیر سماعت ہیں ملازمین کو 20 فیصد الاؤنس باقاعدگی سے دیا جا رہا ہے ۔واضح رہے کہ گزشتہ برس ثقافتی میلہ کیلئے 80 لاکھ روپے خرچ ہوئے تھے اور امسال ای ڈی فوزیہ سعید کا کہنا تھا کہ سکیورٹی خدشات کے باعث ڈیڑھ کروڑ روپے حکومت سے مانگے ہیں تا کہ ملک بھر سے آنے والے مہمانوں کو بہتر سکیورٹی مہیا کی جا سکےمزید اہم خبریں
-
ہمارے سیاسی قیدیوں کی رہائی تک ڈیل ہو گی نہ مفاہمت
-
پنجاب پولیس نے وزیراعلیٰ مریم نواز کے وردی پہننے کوپولیس ڈریس ریگولیشنز کے مطابق قرار دےدیا
-
اپنی رہائی یا وقتی فائدے کیلئے پاکستانیوں کے حقوق سے دستبردار نہیں ہوں گا
-
تحریک انصاف کا 9 مئی کو جلسہ عام کے انعقاد کا فیصلہ
-
کتنے لوگوں کے منہ بند کرلو گے؟ جب ظلم کے خلاف آواز اٹھتی ہے تو ظلم کا خاتمہ ہوتا ہے
-
عدلیہ میں مبینہ مداخلت کے خلاف سوموٹو پر سماعت کیلئے نیا بنچ تشکیل دے دیا گیا
-
نواز شریف عمران خان سے مذاکرات پر آمادہ ہیں، رانا ثنا اللہ
-
اولاد کی خوشی کیلئے اپنی بیوی پر سوتن لانے کا ظلم نہیں کرسکتا، شیر افضل مروت
-
سر دار ایاز صادق سے اراکین قومی اسمبلی کی ملاقات ،قائمہ کمیٹیوں کی تشکیل کے حوالے سے مشاورت
-
وفاقی وزیر عبدالعلیم خان سے برطانوی پولیٹکل قونصلر مس زوئی وئیر کی ملاقات ، دوطرفہ تعلقات پرگفتگو
-
یوسف رضا گیلانی کی زیرصدارت بزنس ایڈوائزی کمیٹی کا اجلاس ،سب کو ساتھ لیکر چلنے کا عزم
-
مریم نوازکے پولیس یونیفارم پہننے پر وہ ٹولہ تنقید کررہا جن کا اپنا لیڈراپنی ہی بیٹی کو تسلیم کرنے کو تیار نہیں‘عظمیٰ بخاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.