سیکرٹری ہیلتھ کا فاطمہ جناح انسٹی ٹیوٹ آف ڈینٹل سائنسز کی زیر تعمیر عمارت کا دورہ
موجودہ عمارت کا چھ ماہ میں سول ورک مکمل کر کے فنکشنل کرنے کے اقدامات کی ہدایت وسیع و عریض عمارت میں بیک وقت میڈیکل اور ڈینٹل کالجز کے کیمپس قائم کئے جا سکتے ہیں‘نجم احمد شاہ
پیر 8 فروری 2016 20:48
لاہور(اُردو پوائنٹ اخبارتازہ ترین - این این آئی۔08 فروری۔2016ء ) سیکرٹری سپیشلائزڈ ہیلتھ کیئر اینڈ میڈیکل ایجوکیشن نجم احمد شاہ نے ہدایت کی ہے کہ فاطمہ جناح انسٹی ٹیوٹ آف ڈینٹل سائنسز کی زیر تعمیر موجودہ عمارت کا چھ ماہ کے اندر سول ورکس مکمل کر کے اسے فنکشنل کرنے کے فوری طور پر اقدامات کئے جائیں - انہوں نے ہدایت کی کہ انسٹی ٹیوٹ کی وسیع و عریض عمارت سے بھر پور استفادہ کے لئے ایک ہفتے کے اندر مختلف آپشنز پر مبنی سفارشات پیش کی جائیں - انہوں نے یہ بات سوموار کے دن فاطمہ جناح انسٹی ٹیوٹ آف ڈینٹل سائنسز جوبلی ٹاؤن کی زیر تعمیر عمارت کے دورہ کے موقع پر کہی - اس موقع پر پرنسپل ڈینٹل پروفیسروحید الحمید ، چیف انجینئر بلڈنگ طارق چوہدری ، چیف پلاننگ آفیسر عبدالحق بھٹی ، پراجیکٹ ڈائریکٹر اور دیگر افسران بھی موجود تھے - اس موقع پر سیکرٹری صحت کو انسٹی ٹیوٹ کے پراجیکٹ کے بارے تفصیلی بریفنگ دی گئی - انہیں بتایا گیا کہ انسٹی ٹیوٹ کی عمارت کا انفراسٹرکچر تیار ہوچکا ہے جس میں کچھ سول ورکس اور فنشنگ کا کام باقی ہے اور اس کا کورڈ ایریا 2 لاکھ 25 ہزار مربع فٹ ہے - سیکرٹری صحت نے ہدایت کی کہ اتنی وسیع و عریض عمارت سے بھرپور استفادہ کے لئے ایک ہفتہ کے اندر مختلف آپشنز پر مبنی تجاویز پیش کی جائیں ، بجلی ، پانی ، سیوریج اور دیگر انتظامات کو حتمی شکل دینے کے لئے اقدامات کئے جائیں -انہوں نے کہا کہ اتنی بڑی عمارت میں ڈینٹل کالج کے علاوہ امیر الدین میڈیکل کالج کے کیمپس بنائے جا سکتے ہیں کیونکہ ابھی تک امیر الدین میڈیکل کالج کی عمارت نہیں ہے - علاوہ ازیں انسٹی ٹیوٹ کو علامہ اقبال میڈیکل کالج کے ساتھ منسلک کر کے ڈینٹل کے طلبہ کا کیمپس بھی بنایا جا سکتا ہے - نجم احمد شاہ نے کہا کہ اس قیمتی عمارت کا بہترین طریقہ پر استعمال میں لانے کے لئے مختلف آپشنز پر غور کیا جائے گا - سیکرٹری ہیلتھ نے کہا کہ موجودہ عمارت کو مکمل کر نے اور اسے فنکشنل کرنے کے لئے حکومت فنڈز فراہم کرے گی تاہم بلڈنگ کے ریشنل استعمال کو یقینی بنایا جائے گا -
متعلقہ عنوان :
مزید قومی خبریں
-
بین الاقوامی مالیاتی فنڈ کے ساتھ نئے پروگرام کیلئے مئی تک خدوخال پراتفاق رائے کی امید ہے، بین الاقوامی ڈیٹ مارکیٹ میں واپسی کیلئے پاکستان نے ریٹنگ کی بین الاقوامی ایجنسیوں کے ساتھ بات چیت شروع ..
-
سپریم کورٹ نے جاسوسی کے مبینہ ملزم محمد دین کی درخواست ضمانت خارج کردی
-
بانی پی ٹی آئی کی تین مقدمات میں عبوری ضمانت میں توسیع
-
رمضان شوگر مل کیس: حمزہ شہباز کی ایک روزہ حاضری معافی کی درخواست منظور
-
چیف جسٹس پاکستان سانحہ ماڈل ٹاؤن کے شہدا کے ورثا کو انصاف دلوائیں : خرم نوازگنڈاپور
-
نوازشریف کے دیرینہ ساتھی مرزا آصف بیگ انتقال کرگئے
-
اوکاڑہ گھریلو ملازمہ مبینہ زیادتی کے بعد قتل
-
عوام بے خوابی سے بچنے کیلئے چائے کا بائیکاٹ کریں،عبد الرحیم جانو
-
لانڈھی دھماکا، وزیر ِداخلہ سندھ کا پولیس کیلئے انعام و اسناد کا اعلان
-
لانڈھی دھماکے کا زخمی دم توڑ گیا، دوسرا وینٹی لیٹر پر منتقل
-
لاہور : تین سرکاری ہسپتالوں کیلئے اربوں روپے کا بجٹ جاری
-
پرائیویٹ اسکیم کے تحت حجاج اکرام کی بکنگ تاحال جاری ہے ختم نہیں ہوئی،طاہر محمود اشرفی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.