نیشنل ایکشن پروگرام کے تحت کاروائی ، اسلحہ مرمت کی آڑ میں اسلحہ کے پارٹس تیار کر نے والاکارخانہ پکڑا گیا
کارخانے سے اسلحہ کے مختلف تیار شدہ پارٹس ،بھاری مقدار میں بال بیرنگ ، شرے اور آتشیں ہتھیار بنانے کا سامان برآمد کر لیا لاہور سمیت مختلف شہروں میں اسلحہ ڈیلروں اورجرائم پیشہ و سماج دشمن عناصر کو سپلائی کرنے والے کارخانے کے مالک نذیر احمد صابری اور اسکے سگے بھائی محمد آصف صابری کو گرفتار کرلیا گیا‘ سی سی پی او امین وینس کی بریفنگ
پیر 8 فروری 2016 20:46
لاہور ( اُردو پوائنٹ اخبارتازہ ترین - این این آئی۔08 فروری۔2016ء) نیشنل ایکشن پروگرام کے تحت جاری کاروائیوں کے دوران نولکھا پولیس نے اسلحہ مرمت کی آڑ میں اسلحہ کے پارٹس تیار کر کے لاہور سمیت مختلف شہروں میں اسلحہ ڈیلروں اورجرائم پیشہ و سماج دشمن عناصر کو سپلائی کرنے والے صابری ملز اینڈ سپرنگ سٹور کارخانہ کے مالک نذیر احمد صابری اور اس کے سگے بھائی محمد آصف صابری کو گرفتار کر کے کارخانے سے اسلحہ کے مختلف تیار شدہ پارٹس جنہیں باآسانی ہتھیار کی شکل دی جاسکتی ہے اور بھاری مقدار میں بال بیرنگ ، شرے اور آتشیں ہتھیار بنانے کا سامان برآمد کر لیا ۔
سی سی پی او لاہور کیپٹن (ر) امین وینس نے میڈیا کو بریفنگ دیتے ہوئے بتایا کہ صابری ملزاینڈ سپرنگ سٹور کے نام سے ریلوے روڈ پر قائم اسلحہ کے کارخانے پر کارروائی ٹرپل ون سسٹم یعنی ون مین ، ون منتھ ، ون انفارمیشن نظام کے تحت موصول ہونے والی اطلاع پر کئی دن کی ریکی کے بعد کی گئی ۔(جاری ہے)
انہوں نے بتایا کہ ملزمان کے پاس اسلحہ کی مرمت کا لائسنس ہے اوریہ بھی زائد المیعاد ہے جبکہ ملزمان اسلحہ مرمت کی آڑمیں آتشیں اسلحہ اوراس کے پارٹس تیار کر کے لاہور سمیت پاکستان کے مختلف شہروں میں فروخت و سپلائی کرنے کے کام میں ملوث تھے۔
سی سی پی او نے مزیدبتایا کہ ملزمان نے آتشیں اسلحہ کے پرزہ جات اور آتشیں اسلحہ تیار کرنے کے لئے مختلف اسلحہ ڈیلروں سے بھی سامان خریدنے کا انکشاف کیا ہے ۔ ملزمان جہاں جہاں سے مال لتیے اور جنہیں فروخت کرتے ان سب کے خلاف بھی کاروائی کی جائے گی ۔ انہوں نے کہا کہ ڈی آئی جی آپریشنز ، ایس ایس پی سی آئی اے اور ڈی ایس پی نولکھا مبارک باد کے مستحق ہیں جنہوں نے آتشیں اسلحہ اوراس کے پرزہ جات کی تیاری اور فروخت میں ملوث منظم اور بڑے ریکٹ کو گرفتار کر کے قابل ستائش کام کیا ہے ۔ کالعدم تنظیموں کو اسلحہ فراہم کرنے کے سوال کا جواب دیتے ہوئے سی سی پی او نے کہا کہ ملزم کہاں کہاں اسلحہ سپلائی کرتے تھے کون کون سے شہر بھیجتے تھے یہ بات تفتیش کے بعد سامنے آئی گی لیکن یہ بات تو طے ہے کہ اسلحہ شرفاء نہیں سماج دشمن عناصر کو ہی سپلائی کی جاتا تھا ۔ صحافیوں کی جانب سے پوچھے گئے ایک اور سوال کا جواب دیتے ہوئے بتایا کہ اسلحہ اور اس کے پارٹس کی برآمد گی کے حوالے سے انہوں نے کہا کہ کارخانہ 3 منزلوں پر مشتمل ہے اور پوری عمار ت غیرقانونی اسلحے اور اس کے پرزہ جات سے بھری ہوئی ہے اس لئے کارخانے کو سیل کر کے برآمدگی تفصیلات تسلی اکٹھی کی جائیں گی جنہیں میڈیا کے ساتھ شیئر کیا جائے گا۔اس موقع پر ڈی آئی جی آپریشنز ڈاکٹر حیدر اشرف، ایس ایس پی سی آئی اے محمد عمر ورک ،ایس پی سٹی محمد نوید اور ڈی ایس پی نولکھا ناصرحنیف خان بھی موجود تھے۔متعلقہ عنوان :
مزید اہم خبریں
-
اصولی جدوجہد سے ہرگز دستبردار نہیں ہوں گے، عمران خان
-
اسلام آباد میں ضلعی انتظامیہ کا نان روٹی کی قیمتوں میں کمی کا نوٹیفکیشن 6 مئی تک معطل
-
وزارت اعلیٰ کی کرسی آسان نہیں تھی‘ آگ کے دریا سے گزر کر یہاں پہنچنا پڑا، مریم نواز
-
حکومت اپوزیشن مذاکرات، پبلک اکاؤنٹس و دیگر کمیٹیوں کی تشکیل کا فارمولا طے پانے کا امکان
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.