مذہبی ہم آہنگی و فرقہ واریت کے خاتمے کیلئے وزارت مذہبی امور نے کوششیں تیز کر د یں
صوبہ سندھ میں یکساں نظام صلوٰة وخطبہ جمعہ پر علماء کا کمیٹی قائم کرنے کا فیصلہ
اتوار 7 فروری 2016 18:01
اسلام آباد(اُردو پوائنٹ اخبارتازہ ترین - آن لائن۔07 فروری۔2016ء ) ملک بھر میں مذہبی ہم اہنگی اور فرقہ واریت کے خاتمے کیلئے وزارت مذہبی امور نے کوششیں تیز کر دی ہیں صوبہ سندھ میں یکساں نظام صلوٰة اور خطبہ جمعہ پر مختلف مکاتب فکر کے علماء نے کمیٹی قائم کرنے کا فیصلہ کرلیاجو حتمی فارمولہ تیار کرے گی ،خیبر پختو نخوا اور پنجاب کی حکومتوں کو بھی یکساں نظام صلواة کے حوالے سے مختلف مکاتب فکر کے علماء کے مابین مشاورت کرنے کیلئے خطوط ارسال کر دئیے گئے ہیں سندھ میں علماء کرام نے ضابطہ اخلاق تیار کر لیا ہے جس کے تحت کسی کو کافر اور واجب القتل قرار دینے کا فتویٰ ضابطہ اخلاق کی خلاف ورزی ہوگا،انبیاء ،صحابہ کرام،اہلبیت اور دیگر مکاتب کے مقدصات کی توہین پر قانون کے مطابق سخت کارروائی کی جائے گی صوبائی کمیٹی کی تیار کردہ سفارشات پر وفاقی حکومت قانون سازی کرے گی اس سلسلے میں نیو سندھ سیکرٹریٹ میں صوبائی وزارت مذہبی امور کے تحت صوبے میں یکساں نظام صلوٰة اور خطبے کے حوالے سے علماء اور مختلف مکاتب فکر کے رہنماوٴں کے اجلاس کے بعد مختلف مکاتب فکرکے علماء کرام پر مشتمل کمیٹی تشکیل دیدگئی کمیٹی صوبے کے مختلف شہروں میں یکساں نظام صلوٰ ة(اوقات نماز وآذان ) اور فرقہ واریت کے خاتمے کے حوالے سے سفارشات تیار کرے گی تفصیلی غور و خوص کیا گیاسردار محمد یوسف نے بتایا کہ اسلام آباد میں ایک ہی وقت میں اذان اور نماز کا وقت مقرر کرنے کا فیصلہ مفید رہا ہے اور ہمیں کافی حد تک اس میں کامیابی ملی ہے ہم نے علماء کی مشاورت سے یہ قدم اٹھایا اور لوگوں نے اس کو سراہا ہے اس قسم کے قوانین دنیا کے کئی ممالک میں موجود ہیں یہ حقیقت ہے کہ مختلف مکاتب فکر کے درمیان اوقات نماز اور اذان کے حوالے سے اختلاف ہے لیکن اس کے باوجود علماء نے درمیان کا راستہ نکالا ہے جس کے نتیجے میں ہم اسلام آباد میں یکساں نظام صلوٰة کے نفاذ میں کامیاب ہوئے ہیں انہوں نے کہا کہ اس حوالے سے مختلف مکاتب فکر کے علماء پر مشتمل کمیٹیاں تشکیل دی گئی ہیں وہ کمیٹیاں وقتاً فوقتاً مختلف امور کا جائزہ لیتی ہیں اور ان کی تجاویز کی روشنی میں فیصلے کیے جاتے ہیں سندھ میں بھی ہماری خواہش یہی ہے کہ صوبائی وزارت مذہبی امور کمیٹی بنائے اور اس میں تمام مکاتب فکر کو نمائندگی دیں تاکہ یکساں نظام صلوٰة کے حوالے سے اتفاق رائے سے فیصلہ کیا جاسکے وزیراعلیٰ سندھ کے معاون خصوصی برائے مذہبی امور ڈاکٹر عبدالقیوم سومرو نے کہا کہ علماء کی معاونت اور مشاورت سے ہم اس حد تک کامیابی ہوگئے ہیں کہ اب کوئی کسی کو کھلے عام کافر قرار دیتا ہے اور نہ واجب القتل قرار دیتا ہے۔
(جاری ہے)
متعلقہ عنوان :
مزید قومی خبریں
-
وزیر اعلیٰ مریم نواز کی زیر صدارت پلاننگ اینڈ ڈویلپمنٹ بورڈ آفس میں پانچ گھنٹے طویل اجلاس، 33 سپیشل پراجیکٹس پر پیشرفت کا جائزہ
-
وزیراعلیٰ مریم نوازکی زیر صدارت اجلاس، 33 سپیشل پراجیکٹس پر پیشرفت کا جائزہ
-
سابق گورنرعمرسرفرازچیمہ کے جسمانی ریمانڈ میں توسیع نہ کرنے کے خلاف کیس میں سماعت ملتوی
-
وزیراعلیٰ سندھ کی زیر صدارت پاکستان پیپلز پارٹی لاڑکانہ ڈویژن کا اجلاس
-
وزیر اعلی پنجاب کی زیر صدارت سی بی ڈی اتھارٹی کے پراجیکٹس سے متعلق اجلاس، آئی ٹی سٹی میں سلیکون کلسٹر پر پیشرفت کا جائزہ لیا گیا
-
پاکستان مسلم لیگ (ن) کی جنرل کونسل کا اجلاس 28 مئی کو ہو گا، مریم اورنگزیب
-
او آئی سی میں غزہ میں جاری مظالم ، مسئلہ کشمیراوراسلامو فوبیا پر آواز اٹھانا ہمارا ایجنڈا تھا،نائب وزیراعظم و وزیرخارجہ کی پریس کانفرنس
-
سوشل میڈیا پر حکومت مخالف مہم چلانے پر یو کے پلٹ شخص گرفتار
-
پاسپورٹ کی فاسٹ ٹریک فیس میں اضافہ کردیا گیا
-
وزیر اعلیٰ مریم نواز شریف نے وعدہ پورا کردیا
-
اپریل میں بارشوں کا 41 سال پرانا ریکارڈ ٹوٹ گیا
-
پاسپورٹ کی فاسٹ ٹریک کیٹیگری کی فیسوں میں اضافہ کردیا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.