پنجاب میں تبلیغی جماعت پرپابندی ریاستی دہشت گردی ہے،مدارس پرچھاپے حکمرانوں کی بدمعاشی ہے جس کے خلاف سینیٹ میں تحریک التواء جمع کریں گے
ڈپٹی چیئرمین سینیٹ مولاناعبدالغفورحیدری کی حاجی محمدحسن شیرانی کی جانب سے دیئے گئے عشائیہ میں گفتگو
ہفتہ 6 فروری 2016 22:33
ژوب(اُردو پوائنٹ اخبارتازہ ترین - آئی این پی۔06 فروری۔2016ء ) جمعیت علماء اسلام کے مرکزی جنرل سیکرٹری ڈپٹی چیئرمین سینیٹ مولاناعبدالغفورحیدری نے کہاہے کہ پنجاب میں تبلیغی جماعت پرپابندی ریاستی دہشت گردی ہے،مدارس پرچھاپے حکمرانوں کی بدمعاشی ہے جس کے خلاف سینیٹ میں تحریک التواء جمع کریں گے،ان خیالات کااظہارژوب میں صوبائی سیکرٹری مالیات حاجی محمدحسن شیرانی کی جانب سے دیئے گئے عشائیہ میں گفتگوکرتے ہوئے کیااس موقع پرایم پی اے مفتی گلاب کاکڑ،مولاناشمس الدین،مولاناالوالحسین بخاری،دلاورخان شیرانی،مولوی نیک محمد،مولوی احمدحریفال سمیت دیگرموجودتھے،قبل ازین ژوب پہنچنے پرایم پی اے مفتی گلاب کاکڑ،جمعیت ژوب اورضلعی شیرانی کے رہنماؤں نے ان کااستقبال کیا،مولاناعبدالغفورحیدری نے گفتگوکرتے ہوئے کہاکہ جس مذہبی طبقے نے محمدعلی جناح کے ساتھ ملکرپاکستان بنایاتھاآج اس طبقہ پرعرصہ حیات تنگ کیاجارہاہے انہوں نے کہاکہ تبلیغی جماعت پرپابندی بنیادی انسانی حقوق کی خلاف ورزی ہے،نوازشریف مغرب اورامریکہ کے ایماء پرمدارس پرچھاپے ماررہے ہیں علماء گرفتارکررہے ہیں لیکن ایسے اقدامات ان کی سیاسی موت کاسبب بنیں گے انہوں نے کہاکہ پاکستان ہمارے اکابرعلماء نے آزادکیاتھایہ اسلام کاقلعہ رہے گاملک کااسلامی تشخص مسخ کرنے نہیں دیں گے انہوں نے کہاکہ مدارس کی آزادی کے لئے کسی قربانی سے دریغ نہیں کریں گے ملک میں اسلامی نظریاتی کونسل کی سفارشات پرقانون سازی نہ ہونے کی وجہ سے لوگ جمہوریت سے بدظن ہورہے ہیں جمعیت علماء اسلام،وفاق المدارس،تمام مذہبی جماعتیں اس بات پرمتفق ہیں کہ پاکستان میں مسلح جدوجہدہمارے مفادمیں نہیں امریکہ کی ضرورت ہے ہم پرامن جمہوری طریقے سے اسلامی نظام کے نفاذ،مدارس،علماء اورتبلیغی جماعت کی حفاظت کے لئے ہمشیہ کی طرح کردا رادا کرتے رہیں گے درین اثناء مولاناعبدالغفورحیدری ،مولانافیض محمد،ملک سکندرخان ایڈوکیٹ اورمولاناولی محمدترابی نے کوئٹہ میں بم دھماکے کی مذمت کر تے ہوئے کہاکہ اس طرح وحشیانہ حملوں سے ملک اورمسلمانوں کی بدنامی ہوتی ہے یہ نہ ملک کی خدمت ہے نہ اسلام کی،طاغوتی قوتوں کے آلہ کاراورایجنٹ ملک میں افراتفری پیداکررہے ہیں حکومت اورسیکورٹی ادارے ملک دشمنوں کے خلاف موثرکارروائی کریں اورناحق بے گناہ انسانوں کوقتل کرنے والے دہشت گردوں کوکیفرکردارتک پہنچائیں انہوں نے شہداء کی مغفرت اورزخمیوں کی جلدصحت یابی کی دعاکرتے ہوئے متاثرہ خاندانوں کے ساتھ اظہارہمدردی کیا۔
مزید قومی خبریں
-
ملک کو نوجوان نسل سے بڑی توقعات وابستہ ہیں،طالبات وخواتین مستقل مزاجی سے کام کریں گی تو قدم قدم پر کامیابی ان کا مقدر ہو گی،گورنر پنجاب
-
الیکشن کمیشن، ضمنی انتخاب میں قومی اسمبلی کے اراکین کی کامیابی کا نوٹیفکیشن جاری
-
لاہور پیرس ریلی ملکی ثقافت کو فروغ دینے اورپاکستان کے مثبت تشخص کو اجاگر کرنے کا بہترین موقع ہے ، رانا مشہود احمد خان
-
وفاقی وزیرعطا تارڑ نے اعجاز احمد حفیظ کو اپنا کوارڈینیٹر مقرر کردیا
-
9 مئی کیس، بانی پی ٹی آئی کی عبوری ضمانت کی درخواست پر وکلاء کے دلائل طلب
-
ایک ضلع کا ڈپٹی کمشنر اگر کچھ کرنا چاہے تو انقلاب آ جائے‘لاہور ہائیکورٹ
-
ملک میں امن وا مان کی صورتحال زیر بحث لانے کیلئے وزیر داخلہ کو وہ اپنے چیمبر میں مدعو کر سکتے ہیں ،سپیکر قومی اسمبلی
-
پیپلز پارٹی کے دور میں کبھی کوئی سیاسی قیدی نہیں رہا، ہم نے ہمیشہ دوستی اور ہم آہنگی کا ہاتھ بڑھایا ہے، سینیٹر شیری رحمن
-
جس وزارت کا بزنس ایوان میں لیا جائے گا اگر اس وزارت یا محکمے کا جوائنٹ سیکرٹری کی سطح کا آفیسر موجود نہ ہوا تو سیکرٹری کو طلب کیا جائے گا،سپیکر قومی اسمبلی
-
عدالت نے فواد چودھری کو گرفتار کرنے سے روک دیا
-
عدالت نے فواد چودھری کو گرفتار کرنے سے روک دیا
-
وزیراعلیٰ مریم نواز کا ایئر ایمبولینس سروس کے دائرہ کار کو وسعت دینے کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.