پی آئی اے ملازمین پر فائرنگ کے معاملے میں رینجرز کی جانب سے مشکوک قرار دیا گیا شخص منظر عام پر آگیا

ہفتہ 6 فروری 2016 18:07

کراچی (اُردو پوائنٹ اخبارتازہ ترین - این این آئی۔06 فروری۔2016ء) پی آئی اے ملازمین پر فائرنگ کے معاملے میں رینجرز کی جانب سے مشکوک قرار دیا گیا شخص منظر عام پر آگیا ہے۔

(جاری ہے)

کراچی میں پی آئی ملازمین کی جوائنٹ ایکشن کمیٹی کے ہنگامی اجلاس کے بعد میڈیا سے بات کرتے ہوئے کمیتی کے چیئرمین سہیل بلوچ نے کہا کہ رینجرز کی فوٹیج میں دکھایا گیا شخص فائر ڈیپارٹمنٹ کا ملازم میر واثق علی ہے، جس نے آنسو گیس کی وجہ سے نقاب کیا تھا۔

ان کا کہنا تھا کہ ہم چاہتے ہیں کہ اس واقعے میں ملوث اصل کرداروں کو سامنے لایا جائے اسی لئے ہم نے میر واثق علی کو پیش کردیا ہے۔واضح رہے کہ 2 فروری کو کراچی میں پی آئی اے ملازمین کے احتجاج کے دوران فائرنگ سے 2 افراد زخمی ہوگئے تھے جس کے بعد رینجرز کی جانب سے فوٹیج جاری کی گئی تھی جس میں نقاب لگائے ایک شخص کو مشکوک قرار دیا گیا تھا۔

متعلقہ عنوان :