بعض عناصر پی آئی اے میں طاقت کے زور پر ہڑتال کروانا چاہتے تھے‘ ہڑتال ناکام ہونے پر کراچی میں پی آئی اے ملازمین پر فائرنگ کروائی گئی جس سے حالات تبدیل ہوئے‘ کراچی میں ملازمین کے قاتلوں کی تلاش جاری ہے انہیں انجام تک پہنچائیں گے‘ رینجرز نے اپنے طور پر اعلیٰ سطحی تحقیقات کا بھی اعلان کیا ہے جیسے باقی مجرم پکڑے گئے یہ بھی پکڑا جائے گا‘ عمران خان قوم کو حساب دیں کہ دھرنوں نے پاکستان کو کیا دیا‘ عمران نے کنٹینر پر کھڑے ہو کر ہر ادارے کو گالیاں دیں‘ دھرنے نے پاکستان کا ڈیڑھ سال ضائع کیا
وفاقی وزیر اطلاعات و نشریات سینیٹر پرویز رشید کی میڈیا سے گفتگو
جمعرات 4 فروری 2016 13:20
لاہور (اُردو پوائنٹ اخبارتازہ ترین - آئی این پی۔04 فروری۔2016ء) وفاقی وزیر اطلاعات و نشریات سینیٹر پرویز رشید نے کہا ہے کہ بعض عناصر پی آئی اے میں طاقت کے زور پر ہڑتال کروانا چاہتے تھے‘ ہڑتال ناکام ہونے پر کراچی میں پی آئی اے ملازمین پر فائرنگ کروائی گئی جس سے حالات تبدیل ہوئے‘ کراچی میں ملازمین کے قاتلوں کی تلاش جاری ہے انہیں انجام تک پہنچائیں گے‘ رینجرز نے اپنے طور پر اعلیٰ سطحی تحقیقات کا بھی اعلان کیا ہے جیسے باقی مجرم پکڑے گئے یہ بھی پکڑا جائے گا‘ عمران خان قوم کو حساب دیں کہ دھرنوں نے پاکستان کو کیا دیا‘ عمران نے کنٹینر پر کھڑے ہو کر ہر ادارے کو گالیاں دیں‘ دھرنے نے پاکستان کا ڈیڑھ سال ضائع کیا۔
وہ جمعرات کو یہاں میڈیا سے گفتگو کررہے تھے۔(جاری ہے)
وفاقی وزیر نے کتب میلے کا افتتاح بھی کیا اس دوران انہوں نے میلے میں لگائے گئے سٹالز کا دورہ کیا اور کتابوں میں خصوصی دلچسپی لی۔ کتب میلے میں تین سو سے زائد ملکی اور غیر ملکی کتابوں کے سٹال لگائے گئے ہیں۔ کتب میلے میں سو سے زائد اشاعتی اداروں کی کتابیں رکھی گئی ہیں۔ کتب میلے میں تاریخ‘ ادب سیاسیات‘ فکشن اور بچوں کی دلچسپی کی خصوصی کتابیں موجود ہیں‘ میلے میں امریکہ‘ بھارت‘ ترکی ‘ سنگا پور اور جرمنی کے اشاعت کاروں نے بھی سٹال لگائے ہیں۔
میلے کا مقصد لوگوں میں کتب بینی کے رجحان کو فروغ دینا ہے۔ افتتاح کے بعد میڈیا سے گفتگو کرتے ہوئے پرویز رشید نے کہا کہ کتب میلے کا اہتمام کرنے والے مبارکباد کے مستحق ہیں علم کے متلاشی ہمیشہ کتاب سے محبت کرتے ہیں‘ کتاب میلہ آج اپنے تیس سال مکمل کررہا ہے۔ لاہور اشاعت کے شعبے میں برصغیر میں سب سے قدیم شہر ہے۔ کتاب میلے کے انعقاد سے ایک ہی چھت تلے مختلف کتابیں میسر ہیں کتاب پڑھنے والوں میں سے ہوں اور لکھنے والوں کی عزت کرتا ہوں۔ پرویز رشید نے کہا کہ ہڑتال کی کال پر پی آئی اے ملازمین کو لازمی خدمات کے تحت پابند کیا پی آئی اے ملازمین نے غیر قانونی طور پر ہڑتال کی حکومت کی اپیل پر پروازیں جاری رہیں۔ انہوں نے کہا کہ بعض عناصر پی آئی اے میں طاقت کے زور پر ہڑتال کروانا چاہتے تھے‘ ہڑتال ناکام ہونے پر کراچی میں پی آئی اے ملازمین پر فائرنگ کروائی گئی جس سے حالات تبدیل ہوئے۔ انہوں نے کہا کہ کراچی میں ملازمین کے قاتلوں کی تلاش جاری ہے انہیں انجام تک پہنچائیں گے‘ رینجرز نے اپنے طور پر اعلیٰ سطحی تحقیقات کا بھی اعلان کیا ہے جیسے باقی مجرم پکڑے گئے یہ بھی پکڑا جائے گا۔ انہوں نے کہا کہ عمران خان قوم کو حساب دیں کہ دھرنوں نے پاکستان کو کیا دیا‘ عمران نے کنٹینر پر کھڑے ہو کر ہر ادارے کو گالیاں دیں‘ دھرنے نے پاکستان کا ڈیڑھ سال ضائع کیا۔خان صاحب بتائیں دھرنا تعلیم دیتا ہے؟ دوائی دیتا ہے؟ اور بے روزگاروں کو کیا دے گا؟ انہوں نے کہا کہ قوم نے نواز شریف کو تیسری دفعہ منتخب کرکے ان کا شکریہ ادا کیا ہم اس لئے منتخب کئے گئے کہ پاکستان کے لئے کام کریں گے۔ پرویز رشید نے کہا کہ لوگ دس دس سال کے لئے حکومت میں آتے ہیں اور قوم کو دہشت گردی کا تحفہ دیتے ہیں میرا سوال ہے کہ مسلم کمرشل بنک نجکاری سے پہلے بہتر تھا کہ آج زیادہ بہتر ہے۔ بنکوں سے سرکاری افسروں کے شکنجے سے نکالا ہے آج بنک قرضوں کے ماحول سے باہر نکل آئے ہیں۔ انہوں نے کہا کہ ہم پی آئی اے کو بھی بہترین ایئرلائنز بنائیں گے پی آئی اے کے معاملے پر کمیٹیاں بنائی گئیں اور تجاویز مانگی گئی تھیں ۔ پاکستان میں کام کرنا اتنا آسان ہوتا تو پرویز مشرف کرکے جاتے۔ مشکلات کا مقابلہ صرف وزیراعظم نواز شریف ہی کرتے ہیں انہوں نے کہا کہ جب موٹر وے بن رہی تھی تو اعتراضات اس پر بھی کئے گئے ہم نے الزامات سنے اور مقابلہ کیا آگے بھی راستے میں آنے والی ہر رکاوٹ کا مقابلہ کریں گے۔ پی آئی اے کا مسئلہ کثیر الجہت حکمت عملی سے حل کررہے ہیں وزیراعظم نے پی آئی اے ملازمین کو ملازمت سے نہ نکالنے کا وعدہ کیا ہے۔ معاملات کو درست کرنا تمام لوگوں کا اجتماعی فریضہ ہے۔ پی آئی اے کا مسئلہ قوم کے 600ارب روپے کے نقصان پر حل نہیں ہوگا۔ پی آئی اے کے خسارے سے بچانے کے لئے ہر ممکن اقدام اٹھائیں گے وزیر اطلاعات نے کہا کہ تحریک انصاف کے منشور میں بھی پی آئی اے کی نجکاری کا نکتہ شامل تھا عمران خان تو خود پشاور میں ہسپتالوں کی نجکاری کررہے ہیں لازمی خدمات کا ایکٹ ذوالفقار علی بھٹو نے بنایا اور پی آئی اے پر استعمال کیا۔ لازمی خدمات ایکٹ ہم استعمال کریں تو کالا اور پیپلز پارٹی استعمال کرے تو سفید ہے۔ انہوں نے کہا کہ کوشش کررہے ہیں کہ دور افتادہ علاقوں کے لئے پروازیں جاری رکھیں۔مزید اہم خبریں
-
سندھ ہائیکورٹ کا اڈیالہ جیل میں قید عمران خان سمیت دیگر رہنماﺅں کی سیکورٹی یقینی بنانے کا حکم
-
آئی ایم ایف سے مذاکرات میں روپے کی قدرمیں بڑی کمی کا امکان نہیں، وزیرخزانہ کا بلوم برگ کوانٹرویو
-
پاکستان برطانیہ کے ساتھ دیرینہ تعلقات کو بہت اہمیت دیتا ہے ، سپیکرقومی اسمبلی کی برطانوی ہائی کمشنر سے ملاقات میں گفتگو
-
سپریم کورٹ و ہائیکورٹس میں ججز کی خالی آسامیاں پرکرنا ترجیح ہے، چیف جسٹس آف پاکستان قاضی فائز عیسیٰ کا لاہور رجسٹری میں سپریم کورٹ بار سے خطاب
-
محسن نقوی کا غیرموثراورزائد المیعاد شناختی کارڈز پرجاری شدہ موبائل سمزکو بند کرنے کا حکم
-
وزیراعظم نے بدرشہبازوڑائچ کو اپنا میڈیا کوآرڈینیٹرمقرر کردیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے، صنعت میں تعاون سے ملک کو عالمی معیشت سے جوڑا جا سکتا ہے، وزیر اطلاعات
-
برطانوی ہائی کمشنرکی مقبول صدیقی سے ملاقات ، تعلیم کے حوالے سے تبادلہ خیال
-
مریم نواز کی سکیورٹی سکواڈ گاڑی کی مبینہ ٹکر سے نوجوان جاں بحق
-
گیس قیمتوں کے تعین کیلئے نیا طریقہ کار متعارف کرانے کا فیصلہ
-
خواہش ہے سپریم کورٹ مکمل ہوجائے،چیف جسٹس قاضی فائز عیسیٰ
-
فیض آباد دھرنا کمیشن، احسن اقبال کے بیان میں نیا انکشاف سامنے آگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.