اے این پی بنوں اور پی ایس ایف رہنماوٴں کی سانحہ باچا خان یونیورسٹی کی تحقیقات کیلئے بنائی گئی فیکٹس فائنڈ نگ کمیٹی کی پیش کردہ سفارشات کی بھرپور مذمت
بدھ 3 فروری 2016 17:02
بنوں(اُردو پوائنٹ اخبارتازہ ترین - آئی این پی۔03 فروری۔2016ء) عوامی نیشنل پارٹی بنوں اور پی ایس ایف کے رہنماوٴں نے باچا خان یونیورسٹی کے سانحہ کی مد میں بنائی گئی فیکٹس فائنڈ نگ کمیٹی کی پیش کردہ سفارشات کی بھرپور مذمت کی۔ اے این پی کے ضلعی صدر عبدالصمد خان ، ملک جوہر علی خان ،حاجی عبدالمتین خان ،پی ایس ایف کے رہنماء حکمت پختون و دیگر نے باچاخان یونیورسٹی چارسدہ پر حملے کے بعد تحقیقات کیلئے بنائی گئی فیکٹس فائنڈنگ کمیٹی کی سفارشات کو مسترد کیا جس کی روشنی میں وائس چانسلر ڈاکٹر فضل الرحیم مروت اور سیکورٹی آفیسر پر ناقص سیکورٹی کے الزامات عائد کرکے عہدے سے ہٹانے کی سفارش کی گئی ہے۔
اُنہوں نے کہا کہ یہ سرا سر نا انصافی ، غیر منصفانہ اور حقائق کے بر عکس ہے جو کسی صورت میں بھی ہمارے لئے قابل قبول نہیں کیونکہ لوگوں کی جان و مال اور تحفظ کی ذمہ داری ریاست اور انتظامیہ کی ہوتی ہے۔(جاری ہے)
تحقیقاتی کمیٹی کی طرف سے سانحہ چارسدہ یونیورسٹی کی ذمہ داری وائس چانسلر پر ڈالنا مضحکہ خیز ہے ہر کوئی جانتا ہے کہ تربیت یافتہ شدت پسندوں سے لڑنا اور ان کا مقابلہ کرنا یونیورسٹی گارڈ کی بس کی بات نہیں مگر پھر بھی باچاخان یونیورسٹی کے سیکورٹی گارڈ ،اساتذہ اور طلبہ نے جس جرات اور بہادری سے شدت پسندوں کو روکا وہ یقیناً قابل تعریف ہے اگر یونیورسٹی عملے نے جرات کا مظاہرہ نہ کیا ہوتا تو سانحہ آرمی پبلک سکول سے زیادہ نقصان ہوتا ۔
اُنہوں نے کہا کہ چاہیئے تو یہ تھا کہ اس بہادری پر یونیورسٹی عملے اور وائس چانسلر کو ایوارڈ سے نوازا جاتا لیکن اُلٹا اُسے سزا دی جا رہی ہے۔اصل میں باچاخان یونیورسٹی اور عبدالولی خان یونیورسٹی مردان پختونوں کو حقیقی تاریخ سے اشنا کرنے کی جو گرانقدر خدمات انجام دے رہی ہے وہ ہمارے حکمرانوں سے ہضم نہیں دے رہی ہیں۔اُنہوں نے کہا کہ پہلے نیب کے ذریعے پروفیسر احسان علی خان کو ہراساں کیا گیا اب پروفیسر فضل الرحیم کو سچ بتانے کی سزا دی جا رہی ہے۔متعلقہ عنوان :
مزید اہم خبریں
-
سگریٹ کو مزید مہنگا کرکے نوجوانوں کو تمباکو نوشی سے دوررکھا جاسکتا ہے
-
وفاقی حکومت نے کابینہ کی ای سی ایل کمیٹی کی تشکیل نو کردی
-
سندھ حکومت کا آئندہ ہفتے 2 تعطیلات کا اعلان
-
حکومت اور جماعتوں کو مل کرخفیہ ایجنسیوں کی سیاست میں مداخلت کوروکنا چاہیے
-
افغانستان میں جنگی جرائم کی تحقیقات، برطانوی وزیرکو سزا ملنے کا امکان
-
کیا ترکی شامی پناہ گزینوں کی غیر قانونی ملک بدری کررہا ہے؟
-
عدلیہ میں کسی قسم کی مداخلت برداشت نہیں ہوگی
-
عمران خان سمیت اڈیالہ جیل کے تمام قیدیوں سے ملاقاتوں پرپابندی ختم
-
رانا مشعود احمد خان اور ڈاکٹرمختار بھرت وزیراعظم کے کوآرڈینیٹر مقرر
-
وفاقی وزیر داخلہ محسن نقوی کاایک روزہ دورہ پشاور،کمانڈنٹ ایف سی نے ائرپورٹ پراستقبال کیا
-
وفاقی وزیرداخلہ محسن نقوی نے خیبرپختونخوا کے وزیراعلیٰ علی امین گنڈاپور سے ملاقات
-
نادرا سے ڈیٹا چوری سکینڈل،8 افسران معطل ، درجن سے زائد کیخلاف کارروائی کا آغاز
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.