شمالی کوریا کا میزائل پروگرام جاپان کیلئے خطرہ کا باعث بنا تو اسے تباہ کردیا جائے گا ‘ جاپان کی دھمکی

غالب امکان ہے شمالی کوریا اپنے اسپیس میزائل کو سیٹیلائٹ کا نام دے گا ‘ جاپانی وزیر دفاع

بدھ 3 فروری 2016 13:10

ٹوکیو(اُردو پوائنٹ اخبارتازہ ترین - این این آئی۔03 فروری۔2016ء) جاپان کی دھمکی دی ہے کہ اگر شمالی کوریا کا میزائل پروگرام جاپان کے لئے خطرہ کا باعث بنا تو اسے تباہ کردیا جائے گا۔

(جاری ہے)

غیرملکی میڈیا کے مطابق شمالی کوریا کے سربراہ پیونگ یانگ نے اعلان کیا تھا کہ وہ رواں ماہ اسپیس میزائل متعارف کرارہا ہے جس پر جاپانی وزیردفاع جنرل ناکاتانی کا کہنا ہے کہ یہ یقینی بات ہے کہ اگر ایسا کوئی میزائل بنایا گیا تو اس کا استعمال جاپانی سرزمین پر کیا جائیگا اس لئے کسی بھی جارحیت کی صورت میں اس میزائل کو فوری تباہ کردیا جائے۔

جاپانی وزیردفاع نے کہا کہ غالب امکان ہے کہ شمالی کوریا اپنے اسپیس میزائل کو سیٹیلائٹ کا نام دے گا ‘ وزیردفاع کی جانب سے جاری ہونے والے حکم کا اطلاق بلیسٹک میزائل پیک تھری پر ہوگا جو زمین سے فضا میں اپنے ہدف کو نشانہ بنانے کی صلاحیت رکھتا ہے جب کہ حکم نامہ 25 فروری تک موثر ہوگا۔واضح رہے کہ شمالی کوریا کے سربراہ پیونگ یانگ کی جانب سے جس اسپیس میزائل کو متعارف کئے جانے کا اعلان ہوا ہے وہ 8 فروری کے بعد سامنے آسکتا ہے۔