بحرالکاہل سے آر پار تجارت کے معاہدے کی کانگریس سے توثیق میں تاخیر کی بھاری قیمت ادا کرنی پڑے گی،امریکی انتظامیہ
بدھ 3 فروری 2016 12:54
واشنگٹن ۔ 3 فروری (اُردو پوائنٹ اخبارتازہ ترین - اے پی پی۔03 فروری۔2016ء) امریکی انتظامیہ نے کانگریس کو متنبہ کیا ہے کہ بحرالکاہل سے آر پار آزادانہ تجارت کے وسیع تر معاہدے کی توثیق میں تاخیر سے ملک کو بھاری قیمت ادا کرنی پڑے گی۔امریکی میڈیا کے مطبق بدھ کو وائٹ ہاؤس سے جاری ایک بیان میں وزیر تجارت مچل فرومین نے اس اعتمادکا اظہارکیاکہ کہ کانگریس آئندہ مہینوں میں اس معاہدے کی توثیق کردے گی۔
مچل فرومین نے کہا کہ پانچ سال کی بحث و تمحیص کے بعد ہونے والے اس معاہدے پر دستخطوں کی تقریب بحرالکاہل کے آر پار آزادانہ تجارت اور تنظیم کے ایشیائی ملکوں میں اعلی درجے کے تجارتی قوانین کے نفاذ کے حوالے سے اہم سنگ میل ہے جس سے امریکی مزدوروں ، کسانوں اور کاروباری طبقے کو فائدہ حاصل ہوگا ۔(جاری ہے)
ان کا کہنا تھا کہ اس معاہدے کے نتیجے میں امریکی معیشت میں100 ارب ڈالر کا اضافہ ہوگا تاہم توثیق میں تاخیر سخت معاشی نقصان کا باعث ہوگی۔
انھوں نے کہا کہ معاہدے کے نتیجے میں امریکہ اکیسویں صدی کی عالمی تجارت میں قائدانہ کردار ادا کرے گا اس کے علاوہ دانش ، جائیدادوں، انٹرنیٹ، لیبر اور ماحول کے تحفظ میں مدد ملے گی۔ وزیرتجارت نے کہاکہ معاہدے کے وسیع تر جغرافیائی و سیاسی مفادات ہیں، امریکہ طویل عرصے سے بحرالکاہل کے خطے کی اہم قوت ہے اور یہ معاہدہ ایشیاء کی جانب ہماری حکمت عملی کو متوازن بنانے میں اہم کردار ادا کرے گا۔بحر الکاہل کے آر پار 12 ملکوں کے درمیان اس معاہدے پر دستخطوں کی تقریب آج (جمعرات ) کو نیوزی لینڈ کے شہر آک لینڈ میں مقامی وقت کے مطابق دن ساڑھے گیارہ بجے طے ہے ، معاہدے کا مقصد دنیا کی 40 فیصد اقتصاد کے حامل ان ملکوں کے درمیان تجارت اور سرمایہ کاری کے حوالے سے حائل رکاوٹیں ختم کرنا ہے۔یاد رہے کہ منگل کو امریکہ کے صدر براک اوباما نے کانگریس میں اعلی ریپبلکن رہنماؤں سے ملاقات کے دوران ان سے اس معاہدے کی توثیق کی خواہش ظاہر کی تھی تاہم ریپبلکنز کا موقف تھا کہ وہ اس پیچیدہ معاہدے کے حوالے سے مشکل کا شکار ہیں۔سینٹ میں اکثریتی رہنماء مچ میک کونل کا کہنا تھا کہ انھیں اس معاہدے کے حوالے سے کچھ مسائل ہیں، بہتر ہے کہ اس سال کے عام انتخابات سے قبل اس کی توثیق نہ کی جائے۔مزید بین الاقوامی خبریں
-
بھائی کا کیٹ مڈلٹن کیلئے نیک تمناوں کا اظہار
-
سورج گرہن،امریکا میں پائلٹس کیلئے وارننگ جاری
-
سری لنکا میں مسلمانوں کی توہین پر با اثربدھ راہب کو 4 سال قید کی سزا
-
بھارت،کھانا اچھا نہ بنانے پر دادی پر تشدد، ویڈیو وائرل
-
سعودی عرب میں زبردست بارشوں کی پیشن گوئی
-
اذان میں تبدیلی سے متعلق شارجہ انتظامیہ نے وضاحت کر دی
-
بھارت، کرپشن میں ملوث سیاسی رہنما کی تصویر نے تہلکہ مچا دیا
-
اروند کیجریوال کی گرفتاری پر تشویش کااظہار، بھارت کا امریکی و جرمن سفارت کاروں کو طلب کرکے اعتراض
-
اوباما بائیڈن کے ٹرمپ کے ہاتھوں ہارنے سے بہت خوفزدہ
-
اسرائیل نے سفید پرچم اٹھانے والے 2 فلسطینیوں کو بھی قتل کر دیا
-
روس نیٹوممالک یا یورپ پر حملہ نہیں کرے گا، پیوٹن نے واضح کردیا
-
میرے پاس الیکشن لڑنے کیلئے پیسے نہیں ہیں، بھارتی وزیر خزانہ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.