انسانیت کی خدمت سے بڑھ کر کوئی بھی کام نہیں اور پنجاب سکاؤٹس ایسوسی ایشن اس سلسلے میں اہم کردار ادا کر رہی ہے‘رفیق رجوانہ
کوئی بھی قدرتی آفت ہو یا ہنگامی صورتحال سکاؤٹس کا کردار نہ صرف قابل تعریف رہا ہے قابل تقلید بھی ہے‘گورنر پنجاب کا تقریب سے خطاب
منگل 2 فروری 2016 22:08
لاہور(اُردو پوائنٹ اخبارتازہ ترین - این این آئی۔02 فروری۔2016ء ) گورنر پنجاب ملک محمد رفیق رجوانہ نے کہا کہ انسانیت کی خدمت سے بڑھ کر کوئی بھی کام نہیں اور پنجاب سکاؤٹس ایسوسی ایشن اس سلسلے میں اہم کردار ادا کر رہی ہے، قائد اعظم ؒ نے پاکستان کے چیف سکائٹس تھے جنہوں نے ہمیشہ نوجوانوں کے حوصلوں اور ان کی صلاحیتوں کے اضافے پر زور دیا ، ہمارے سکاؤٹس آج بھی تاریخی روایات کو برقرار رکھتے ہوئے نوجوانوں کی رہنمائی اور معاشرے کی خدمت پر مامور ہیں، کوئی بھی قدرتی آفت ہو یا ہنگامی صورتحال سکاؤٹس کا کردار نہ صرف قابل تعریف رہا ہے بلکہ قابل تقلید بھی ہے۔
ان خیالات کااظہارانہوں نے گورنر ہاؤس لاہور میں پاکستان بوائز سکاؤٹس ایسوسی ایشن کی تقریب سے خطاب کرتے ہوئے کیا ۔(جاری ہے)
انہوں نے کہاکہ گورنر پنجاب نے کہا کہ موجودہ ملکی حالات میں نوجوانوں کا کردار اور بھی اہمیت اختیار کر گیا ہے اور انہیں ملک کی ترقی اور خوشحالی کے لئے پہلے سے زیادہ بڑے عزم کے ساتھ آگے بڑھنا ہوگا۔ انہوں نے کہا کہ پاکستان بوائز سکاؤٹس ایسوسی ایشن نوجوانوں میں نہ صرف آگے بڑھنے کی تحریک پیدا کرتی ہے بلکہ اُنہیں ذہنی اور جسمانی طور پر مضبوط بھی کرتی ہے تا کہ وہ قومی ترقی کے عمل میں اپنا مؤثر کردار ادا کر سکیں۔
انہوں نے کہا کہ موجودہ حکومت انسانی وسائل کی ترقی اور خوشحالی کے لئے ہر ممکن اقدامات کو یقینی بنارہی ہے۔گورنر نے یقین دلایا کہ بطور صوبائی کمشنر پنجاب بوائز سکائٹس حلف اٹھانے کے بعدپنجاب بوائز سکائٹس ایسوسی ایشن کی ترقی کے لئے اپنا بھر پور کردار ادا کریں گے۔ اس موقع پر گورنر پنجاب نے صوبائی کمشنر پنجاب بوائز سکاؤٹس کا حلف بھی اٹھایا۔ چیف کمشنر پاکستان بوائز سکاؤٹس ایسوسی ایشن محترمہ راحیلہ حمید خاں درانی نے گورنر پنجاب سے صوبائی کمشنر پنجاب بوائز سکائٹس کا حلف لیا۔قبل ازیں، تقریب سے چیف کمشنر پاکستان بوائز سکاؤٹس ایسوسی ایشن محترمہ راحیلہ حمید خاں درانی نے خطاب کرتے ہوئے سکاؤٹس کی تربیت اور صلاحیتوں میں اضافے کے لئے کی جانے والی کوششوں کے بارے میں بتایا۔ دریں اثنا،ء گورنر پنجاب ملک محمد رفیق رجوانہ نے معروف ادیب،ناولسٹ،صحافی، مصنف اور افسانہ نگار انتظار حسین کی وفات پر گہرے دُکھ اور افسوس کا اظہار کیا ہے۔ اپنے تعزیتی پیغام میں انہوں نے کہا کہ مرحوم اُردو ادب کے میدان میں منفرد مقام رکھتے تھے بالخصوص افسانہ نگاری اور کالم نگاری میں اُن کا نام مدتوں کارئین کو یاد رہے گا۔ انہوں نے کہا کہ مرحوم کی وفات سے اُردو ادب میں جو خلا پیدا ہوا ہے اس کا پُر ہونا ناممکن ہے۔ گورنر پنجاب نے مرحوم کے بلند درجات کے لئے بھی دُعا کی ہے۔متعلقہ عنوان :
مزید قومی خبریں
-
یوٹیلیٹی اسٹورز پر وزیراعظم ریلیف پیکج جاری رکھنے کا فیصلہ، 5 اشیاء پر سبسڈی برقرار
-
سینیٹر اعظم خان سواتی کی بازیابی کیلئے دائر درخواست واپس لیے جانے پر نمٹا دی گئی
-
خیبر پختونخوا حکومت نے آئندہ مالی سال سے صوبے میں بیوٹی پارلرز اور شادی ہالوں پر فکسڈ ٹیکس لگانے کا فیصلہ کرلیا
-
لاہور ، 9 سالہ بچی سے زیادتی کی کوشش کرنے والا ملزم گرفتار
-
قائمقام امیر جماعت اسلامی پنجاب وسطی نصر اللہ گورائیہ کی نو منتخب امیر جماعت حافظ نعیم
-
گورنر سندھ سے واپڈا ایڈمنسٹریٹو اسٹاف کالج کے 62ویں سینئرمینجمنٹ کورس کے شرکاء کی ملاقات
-
پرویزالٰہی اور دیگر پر جعلی بھرتیوں کے کیس میں فرد جرم عائد نہ ہو سکی، 2مئی کو طلب
-
آئی جی پنجاب کی جانب سے پولیس ملازمین کی ویلفیئر کیلئے انقلابی اقدامات
-
پنجاب بھر میں پلاسٹک بیگز کے استعمال پرپابندی کا اعلان، وزیراعلیٰ نے منظوری دیدی
-
خیبر پختونخوا بار کونسل کی ڈسپلنری کمیٹی نے مشعال یوسفزئی کو طلب کرلیا
-
ایف آئی اے کی کارروائی ،قابل اعتراض تصاویر اور ویڈیو شیئر کرنے والا ملزم گرفتار
-
مفکر پاکستان شاعرمشرق ڈاکٹر سر علامہ محمد اقبال کا86واں یوم وفات 21اپریل اتوار کو منایا جائے گا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.