حکومت گنے کی قیمتوں میں اضافہ اور شوگر مل مالکان سے ادائیگیوں کوبروقت یقینی بنائے،گندم کی فی ایکڑ زائد پیداوار حاصل کرنے کیلئے جدیدٹیکنالوجی کواستعمال کیاجائے،کالاباغ ڈیم کی تعمیر سے65لاکھ ایکڑبنجر زمین کاشت کے قابل ہوجائے گی
امیر جماعت اسلامی پنجاب میاں مقصوداحمد
منگل 2 فروری 2016 21:14
لاہور(اُردو پوائنٹ اخبارتازہ ترین - آئی این پی۔02 فروری۔2016ء) امیرجماعت اسلامی پنجاب میاں مقصود احمدنے کسانوں کے مسائل پر تشویش کا اظہارکرتے ہوئے کہاہے کہ حکومت کسانوں کونظر اندازکرنے کی بجائے ملکی معیشت میں ریڑھ کی ہڈی کی حیثیت رکھنے والے شعبہ سے وابستہ افراد کے مسائل ان کی دہلیز پر حل کرنے کے لئے ہنگامی بنیادوں پر اقدامات کرے۔گنے کے کاشت کارشوگرملزمالکان کے ہاتھوں استحصال کاشکارہورہے ہیں۔
ضرورت اس امر کی ہے کہ گنے کے نرخوں میں اضافہ کرنے کے ساتھ ساتھ مالکان کوبھی پابند کیاجائے تاکہ وہ بروقت ادائیگیوں کویقینی بنائیں۔انہوں نے کہاکہ پاکستان ایک زرعی ملک ہے جہاں پچاس سے ساٹھ فیصد آبادی کاذریعہ معاش براہ راست زراعت ہے اس لئے اس شعبہ پر خصوصی توجہ دینے کی ضرورت ہے۔(جاری ہے)
نامیاتی کھادوں کے استعمال سے فصلوں،سبزیوں اور پھلوں کی پیداوار کاحصول وقت کاعین تقاضا ہے کیونکہ کیمیائی کھادوں اور زہروں کے انسانی صحت پرمضراثرات مرتب ہورہے ہیں۔
محکمہ زراعت پنجاب کاشت کار بھائیوں کی درست رہنمائی کے لئے اپناکردار اداکرے۔پاکستان کی تقریباً تمام زمین زرخیزہے۔گندم کی فی ایکڑزائد پیداوار حاصل کرنے کے لئے جدیدٹیکنالوجی کااستعمال کیاجاناچاہئے۔کینیڈا،آسٹریلیا،جرمنی،چین،بھارت،امریکہ سمیت دنیا کے دیگر ممالک جدیدٹیکنالوجی کواستعمال کرکے فصلوں کی زائد پیداوار حاصل کررہے ہیں۔میاں مقصود احمد نے اس حوالے سے مزیدکہاکہ جہاں ایک طرف کالاباغ ڈیم کی تعمیر سے 65لاکھ ایکڑ بنجر زمین قابل کاشت ہوجائے گی وہاں دوسری جانب توانائی بحران کابھی خاتمہ ممکن ہوگا۔اس لئے حکومت ہر سال اربوں روپے کاپانی سمندر کی نذرہونے سے بچانے کے لئے کالاباغ ڈیم سمیت دیگر چھوٹے بڑے ڈیمزتعمیر کرکے ان سے زیادہ سے زیادہ استفادہ کیاجانا چاہئے۔بھارت آبی جارحیت کے ذریعے ہمارے حصے کاپانی بھی چوری کررہا ہے اور اپنے کاشتکاروں کوزیادہ سے زیادہ ریلیف فراہم کرکے انٹرنیشنل مارکیٹ کوہمارے ہاتھوں سے چھیننے کے تسلسل کوجاری رکھے ہوئے ہے۔متعلقہ عنوان :
مزید اہم خبریں
-
مارگلہ کی خوبصورت پگڈنڈیوں کو محفوظ بنانے کے لیے مارگلہ ٹریل پٹرول کا آغاز کر رہے ہیں ، وفاقی وزیرداخلہ محسن نقوی کا ٹویٹ
-
وزیراعلی مریم نواز شریف نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
ایف بی آرکا ٹریک اینڈ ٹریس سسٹم ناکام
-
خیبر پختونخواہ حکومت کا لاکھوں ٹن گندم کی خریداری کا فیصلہ
-
بھارتی شہری نے پاکستانی لڑکی کو دل کا عطیہ کرکے نئی زندگی دے دی
-
نجی شعبہ زراعت تبدیل کرنے میں موثر کردار ادا کرسکتا ہے، وزیرخزانہ
-
افغان شہریوں کو ڈھائی لاکھ روپے لیکر شناختی کارڈ جاری کرنیوالا نادرا کا افسر گرفتار
-
وزیر اعلیٰ مریم نواز سے ہالینڈ کی سفیر مسز ہینی ڈی وریس کی ملاقات، ڈچ کمپنیوں کوسرمایہ کاری کی دعوت
-
عمران خان کو ریاستی اداروں کے خلاف بیانات سے اجتناب برتنے کے حکم پر تنقید و سوالات
-
وزیردفاع کی شنگھائی تعاون تنظیم کے سالانہ اجلاس میں شرکت ، فاعی تعاون کے اقدامات سمیت علاقائی سلامتی کے امورکا جائزہ لیا
-
وزیراعلی مریم نواز نے جگر کے عارضہ میں مبتلا پروفیسر ایس ایم منصور کے علاج کیلئے 13 لاکھ روپے امداد کی منظوری دیدی
-
گھریلو اور کمرشل سولر پینل لگانے والوں پر ٹیکس لگانے کی تجویز سامنے آگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.