فیصل آباد میں مبینہ پولیس مقابلے کے دوران2 نوجوانوں کی ہلاکت کے خلاف ورثا اور اہل علاقہ کا شدید احتجاج

میاں محمد ندیم منگل 2 فروری 2016 19:51

فیصل آباد(ا ردو پوائنٹ اخبارتازہ ترین-انٹرنیشنل پریس ایجنسی۔02فروری۔2016ء)فیصل آباد میں مبینہ پولیس مقابلے کے دوران2 نوجوانوں کی ہلاکت کے خلاف ورثا اور اہل علاقہ نے شدید احتجاج کیا، مشتعل مظاہرین ضلع کونسل میں ایک راہگیر پر تشدد کے بعد سی پی او دفتر پر دھاوا بول دیا اور گیٹ پر اینٹیں اور ڈنڈے برسائے۔فیصل آباد میں گزشتہ روز ملت ٹاﺅن کے علاقے میں ایک مبینہ پولیس مقابلے میں 2 نوجوانوں کی ہلاکت کے خلاف ورثا اور اہل علاقہ احتجاج کرتے ہوئے ضلع کونسل پہنچ گئے ،جہاں خواتین نے سڑک پر لیٹ کر ٹریفک بلاک کردیا۔

(جاری ہے)

اس دوران ایک راہگیر نے وہاں سے گزرنے کی کوشش کی تو مشتعل مظاہرین نے اسے مارنا شروع کردیا،بعد میں مشتعل مظاہرین نے سی پی او کے دفتر کے مرکزی گیٹ پر دھاوا بول دیا۔ورثا کا الزام تھا کہ آصف اور وسیم کو ناکے پر نہ رکنے پر پولیس اہلکاروں نے فائرنگ کر دی اور اسے پولیس مقابلے کا رنگ دے دیا۔والدہ کا کہنا ہے کہ یہ موٹر سائیکل پر جا رہے تھے کہ پویس نے ناکے پر ان کو گولیاں ماریں ہیں اور مار دیا ہے۔ پولیس کا کہنا ہے کہ ہلاک ہونے والے آصف کے خلاف 11 مقدمات کا ریکارڈ مل گیا ہے جبکہ وسیم کے بارے میں بھی چھان بین کی جا رہی ہے، بعد میں اعلیٰ حکام کی جانب سے تحقیقات کی یقین دہانی پر مظاہرین منتشر ہوگئے۔

Facebook Twitter Google + Share on Whatsapp

فیصل آباد میں مبینہ پولیس مقابلے کے دوران2 نوجوانوں کی ہلاکت کے خلاف ورثا اور اہل علاقہ کا شدید احتجاج

مزید اہم خبریں