احتجاجی سیاست ملکی معیشت کے لیے انتہائی نقصان دہ ہے،زاہد بخاری
منگل 2 فروری 2016 16:27
لاہور(اُردو پوائنٹ اخبارتازہ ترین - آن لائن۔02 فروری۔2016ء) پاکستان مسلم لیگ ن کے راہنما و جوائینٹ سیکرٹری زاہد بخاری و ناصر سعید سیاسی مشیر وزیراعلیٰ پنجاب نے اپنے مشترکہ بیان میں احتجاجی سیاست کو ملکی معیشت کے لیے انتہائی نقصان دہ قرار دیتے ہوئے کہا کہ اپوزیشن کی جانب سے اورنج ٹرین کی مخالفت میں مال روڈ پر احتجاج سے کاروباری سرگرمیاں متاثر ہوتی ہیں اور مال روڈ پر تجارتی ادارے احتجاج کے باعث بند ہونے سے تاجر برادری انتہائی مالی مشکلات کا شکار ہوتی ہے زاہد بخاری نے کہا کہ مال روڈ کو احتجاج روڈ نہ بنایا جائے اور مال روڈ پر احتجاج پرحکومتی پابندی کا تمام سیاسی جماعتیں احترام کریں اور مال روڈ کو سیاسی سرگرمیوں کی بجائے تجارتی سرگرمیوں کیلئے ہی استعمال کیا جائے ۔
وزیراعلیٰ کے سیاسی مشیر ناصر سعید نے کہا کہ اپوزیشن الزام تراشی کی سیاست ترک کر کے عوامی خدمت کو شعار بنائیں۔(جاری ہے)
پاکستان اس وقت کسی محاذ آرائی کا متحمل نہیں ہو سکتا‘ ہمیں ماضی کی غلطیوں سے سبق سیکھ کر آگے بڑھنے کی ضرورت ہے۔ پاکستان کو سیاسی ،معاشی او رسماجی بقا کا مسئلہ درپیش ہے ایسی صورت میں اجتماعی کاوشوں سے تاریخ کا دھارا موڑاجاسکتاہے ۔
موجودہ حکومت نے گڈ گورننس ، شفافیت اور معیاری ترقیاتی منصوبوں کی تیز رفتاری سے تکمیل کا کلچر متعارف کرایاہے ۔انہوں نے کہاکہ حکومتی پالیسیوں کے باعث ملک میں سرمایہ کاری آ رہی ہے۔چین نے پاکستان میں 46ارب ڈالر کی سرمایہ کاری کا پیکیج دیاہے -توانائی کے تمام منصوبوں میں چین کے سرمایہ کار سرمایہ کاری کر رہے ہیں ۔حکومت کا کام سرمایہ کاری کرنا نہیں ہوتا بلکہ سرمایہ کاری کے لئے ساز گار ماحول اوربہترین سہولتیں فراہم کرناہے۔ زاہد بخاری نے کہا کہ موجودہ حکومت کی عوامی پالیسیوں کے ثمرات جلد عوام تک پہنچنا شروع ہو جائیں گے اور بہت جلد بجلی اور گیس جیسے بحرانوں پر قابو لیا جائے گا۔متعلقہ عنوان :
مزید قومی خبریں
-
بیرون ملک تعلیم کے نام پر طلبہ سے فراڈ والے گینگ کا اہم رکن گرفتار
-
خیبرپختونخوا حکومت کا گاڑیوں پر روڈ یوزر چارج بل 2024 بہت جلد منظوری کیلئے پیش کیا جائے گا، مشیر خزانہ خیبرپختونخوا مزمل اسلم
-
چئیرمین سینٹ سید یوسف رضا گیلانی سے جنوبی پنجاب سیکریٹریٹ میں سابق وزیر خارجہ جلیل عباس جیلانی اور وفود کی ملاقاتیں
-
اسلام آباد، ڈرائیونگ لائسنس کی فیس میں 25فیصد اضافہ
-
پاکستان بیورو برائے شماریات کی ہفتہ وار رپورٹ جاری ،قیمتوں میں ہفتہ وار بنیادوں پر 1.39 فیصد کی نمایاں کمی
-
ڈیرہ اسماعیل خان پولیس کی کارروائی،ڈاکو گرفتار ، چھینی گئی رقم 6 لاکھ روپے برآمد
-
کامن ویلتھ یوتھ سیکرٹریٹ پاکستان میں بننے سے نوجوانوں کو 56ممالک تک رسائی ہو گی، رانا مشہود احمد
-
عدالت کا سیل کردہ تندور ڈی سیل اور گرفتارلوگوں کو رہا کرنے کا حکم
-
سپریم کورٹ،نیب ترامیم فیصلے کیخلاف اپیلوں پر سماعت کیلیے لارجربینچ تشکیل،سماعت 14مئی کوہوگی
-
اسلام آبادجیل تعمیر کا پہلا مرحلہ ریکارڈ 6 ماہ کی مدت میں مکمل کیا جائے گا،وفاقی وزیر داخلہ
-
وزیراعلیٰ پنجاب نے طلبہ کیلئے لیپ ٹاپ سکیم کی منظوری دیدی
-
شمالی وزیرستان، لڑکیوں کے نجی اسکول کو دھماکے سے اڑا دیا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.