سلمان اور میرے درمیان احترام کا رشتہ ہے، کترینہ کیف

پیر 1 فروری 2016 12:42

سلمان اور میرے درمیان احترام کا رشتہ ہے، کترینہ کیف

ممبئی(اُردو پوائنٹ اخبارتازہ ترین - این این آئی۔یکم فروری۔2016ء) بالی ووڈ اداکارہ بار بی ڈول اور سلمان خان کو علیحدگی اختیار کیے تو خاصا وقت بیت گیا لیکن دونوں ہی خبروں کی زینت بنے رہتے ہیں جہاں ان کی مختلف باتوں سے ایک بار پھر دونوں میں قربت کا اندازہ ہورہا ہے جہاں اداکارہ کا کہنا ہے کہ سلمان اور ان کے درمیان باہمی احترام کا رشتہ ہے۔بالی ووڈ کی باربی ڈول کترینہ کیف اپنے گہرے دوست رنبیر کپورکے حوالے سے پوچھے جانے والے سوالات کا جواب دینا پسند نہیں کرتی ہیں لیکن سلمان خان کے حوالے سے پوچھے گئے سوالات کا بڑھ چڑھ کر جواب دیتی ہیں۔

(جاری ہے)

اپنے ایک حالیہ انٹرویو میں کترینہ کا کہنا تھا کہ ان کے لیے کسی بھی رشتے میں احترام کا پہلو بہت اہمیت رکھتا ہے، کسی رشتے میں احترام کی بات آجائے تو اس بارے کچھ نہیں کہا جاسکتا۔ یہی صورت حال ان کے اور سلمان خان کے درمیان ہے، ہمارے دل میں ایک دوسرے لیے بہت احترام ہے اور یہ احترام نظر بھی آتا ہے۔ دوستی یا اس جیسے رشتے کے تقدس کو وہی لوگ سمجھ سکتے ہیں جو ایسے رشتے سے منسلک ہوتے ہیں۔واضح رہے کہ سلمان خان اورکترینہ کیف کے درمیان عشق کے چرچے عام تھے تاہم سلمان خان کے رویئے کے باعث کترینہ بھی ماضی کی دیگر دوستوں کی طرح ان سے دور ہوگئیں تھیں۔