برطانیہ کو پیرس سے بھی بڑے حملے کی دھمکی مل گئی
سمیرا فقیرحسین پیر 1 فروری 2016 12:41
برطانیہ (اُردو پوائنٹ اخبار تازہ ترین اخبار۔یکم فروری2016ء) : برطانیہ کو پیرس سے بھی بڑے دھماکوں کی دھمکی موصول ہو گئی۔ تفصیلات کے مطابق انتہا پسند تنظیم داعش نے کہا ہے کہ برطانیہ داعش کےجنجگوؤں کے قتل سمیت مسلمانوں پرجنگ مسلط کرنے میں بھی ملوث ہے لہٰذا اس پر پیرس سے بھی بڑا حملہ کیا جائے گا۔ عربی زبان کے اخبار کے مطابق داعش نے کہا ہے کہ برطانیہ کو پیرس سے بھی بڑے حملے کے لیے تیار ہوجانا چاہیے۔
اپنے بیان میں داعش نے برطانوی شدت پسند محمد اموازی عرف جہادی جان کو بھی سراہا جو امریکی ڈرون حملے میں مارا گیا تھا۔ بیان میں کہا گیا ہے کہ جہادی جون کے الفاظ نہیں مریں گے اورخلافت کے سپاہیوں نے پیرس میں جو قربانیاں دی ہیں وہ رائیگاں نہیں جائیں گی۔ داعش کے مطابق یہ حملہ اتنا شدید ہوگا کہ اس سے بچوں کے سرکے بال سفید ہوجائیں گے ۔(جاری ہے)
اس سے ایک ہفتہ قبل داعش نے پیرس پر حملہ کرنے والے 9 جنگجوؤں کی ویڈیو بھی جاری کی تھی جس میں گروہ کا سرغنہ عبدالحامد ابوعود بھی موجود تھا۔
برطانوی اخبار سنڈے ٹائمز نے کہا ہے کہ داعش لندن میں بکنگھم پیلس اور نیشنل آرٹ گیلری پر حملہ کرسکتے ہیں، بکنگھم پیلس کے ترجمان نے کہا کہ محل کی حفاظت کا پورے طریقے سے خیال رکھا جارہا ہے۔ اخبار کے مطابق گیلری پر حملہ اس لیے کیا جاسکتا ہے کہ وہ ایک آسان ہدف ہے جہاں سکیورٹی انتی سخت نہیں ہوتی اور یہ گروپ وہاں حملہ کرکے کم وقت میں بہت سے لوگوں کی جان لے سکتا ہے۔ گیلری کے ترجمان کا کہنا تھاکہ گیلری کی سکیورٹی کو معمول کے تحت دیکھا جارہا ہے اور پورے عمل کا بار بار جائزہ لیا جارہا ہے۔ دوسری جانب لندن پولیس اور اسکاٹ لینڈ یارڈ نے کہا کہ ہم عوام کو صرف خبردار کرنا چاہتے ہیں خوفزدہ نہیں ، یہ نئی دھمکی پورے برطانیہ کے لیےنہ صرف خطرناک ہے بلکہ حملے کا امکان موجود ہے۔پولیس ترجمان کا کہنا تھا برطانوی پولیس، انٹیلی جنس سروسز اور دیگر سکیورٹی ادارے اس (ممکنہ) حملے کو ناکام بنانے کے لیے دن رات کام کررہے ہیں۔ جس کے تحت سکیورٹی انتظامات کو متواتر چیک کیا جا رہا ہے۔مزید اہم خبریں
-
بھارت سے تجارتی تعلقات سے متعلق تاجروں کی درخواست کا جائزہ لیا جا رہا ہے.ترجمان دفتر خارجہ
-
پنجاب کائٹ فلائنگ آرڈیننس میں دہشتگردی کی دفعات شامل کرنے کی تجویز
-
دھاتی ڈور سے تحفظ کیلئے موٹر سائیکلوں پر سیفٹی وائرز کی تنصیب کا آغاز
-
قومی اسمبلی میں قائد حزب اختلاف کی تقرری معاملہ،حکومت اور سنی اتحاد کونسل میں تنازعہ حل نہیں ہو سکا
-
ای روزگار ٹریننگ پروگرام کے نئے مرحلے کیلئے پنجاب بھر سے 17 ہزار سے زائد درخواستیں موصول
-
ماسکو مشرقی یورپ میں امریکی اتحادی ریاستوں کے ساتھ تصادم کا خواہاں نہیں ہے. روسی صدر
-
اروند کیجریوال کی گرفتاری پر امریکا کی جانب سے اظہار تشویش کرنے پر بھارت نے امریکی سفارت کار کو طلب کرلیا
-
خطے کے 9 ممالک کے ساتھ پاکستان کا تجارتی خسارہ 10 اعشاریہ98 فیصد بڑھ گیا
-
وفاقی وزیرداخلہ محسن نقوی پشاور پہنچ گئے، امن و امان اور سکیورٹی کی صورتحال کا جائزہ لیں گے
-
سپریم کورٹ نے فوجی عدالتوں کو محفوظ شدہ فیصلے سنانے کی مشروط اجازت دیدی
-
نیپرا نے بجلی کی فی یونٹ قیمت4روپے99پیسے بڑھانے پر فیصلہ محفوظ کر لیا
-
عمران ریاض، سمیع ابراہیم سمیت 24 افراد کے نام ای سی ایل میں شامل کرنے کی منظوری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.