قانون توہین رسالت کیخلاف سازشیں برداشت نہیں کی جائیں گی،مفتی محمد نعیم

کراچی(اُردو پوائنٹ اخبارتازہ ترین - آئی این پی۔29 جنوری۔2016ء) جامعہ بنوریہ عالمیہ کے رئیس وشیخ الحدیث مفتی محمد نعیم کی زیر صدارت جامعہ بنوریہ عالمیہ میں عالمی تحفظ ختم نبوت ضلع غربی کے زیر اہتمام تقریری مقابلہ بعنوان عقیدہ حیات عیسی وظہور مہدی منعقد کیا گیا،تقریری مقابلے کے اختتام پر جامعہ بنوریہ عالمیہ کے رئیس وشیخ الحدیث مفتی محمدنعیم نے اپنے خطاب میں کہاکہ عالمی مجلس ختم نبوت کی جانب سے تقریری مقابلوں کے انعقاد خوش آیند ہے اس طرح کے مقابلوں کے انعقاد سے نہ صرف ختم نبوت کے عقیدے کی ترویج ہوگی بلکہ طلبہ کی تقریری صلاحیتوں میں بھی نکھار پید اہوگااور نسل نو قادیانی لابی کی جانب سے سازشوں سے بھی واقفیت حاصل کرے گی ، انہوں نے کہاکہ موجودہ حالات میں قادیانی اسلام مخالف لابیوں سے مل کر وطن عزیز کیخلاف سازشوں میں مصروف ہیں، انہوں نے کہاکہ قانون توہین رسالت کیخلاف سازشیں برداشت نہیں کی جائیں گی، اس موقع پر پروگرام کے مہمان خصوصی ڈپٹی جنرل سیکرٹری ختم نبوت پاکستان مولانامحمد اکرم طوفانی ،امریکا سے آئے ہوئے محقق عالم دین مولانا حافظ محمد اقبال نے کہاخطاب کرتے ہوئے کہاکہ ختم نبوت تمام مکاتب فکر کا پلیٹ فارم ہے،جس نے ہر دور میں بلاتفریق عقیدہ ختم نبوت کا دفاع کیا ہے اور کرتے رہیں گے، انہوں نے کہاکہ پوری دنیا میں اس وقت قادیانی اسلام کے لبادے میں نومسلموں کے عقائد کو برباد کرنے میں مصروف ہیں تو دوسری جانب پاکستان کیخلاف مختلف سازشوں کے ذریعے نقصان پہنچارہے ہیں ،ا نہوں نے کہاکہ پاکستان اسلام کے نام پر معرض وجود میں آیا ہے اس میں سیکولرازم کی کوئی گنجائش نہیں ملک کو سیکولرازم کی طرف لیجاکر قادیانی لابی اپنے مفادات حاصل کرنا چاہتی ہے ، انہوں نے کہاکہ پاکستان کے آئین کیخلاف سازشیں کبھی کامیاب نہیں ہوں گی قانون توہین رسالت کے خلاف پروپیگنڈے کرنے والے سیکولر نہیں بلکہ قادیانی یا ان کے نمک خوردہ ہیں حکومت پاکستان قادیانیوں کے پاکستان کیخلاف پروپیگنڈوں اور سازشوں کوبے نقاب کرے۔

(جاری ہے)

اس موقع پر عالمی مجلس تحفظ ختم نبوت کے مبلغ مولانا عبدالحئی مطمئن،مولانا شفیق الرحمن ہزاروی،مولانا محمد نذیر کاغانی،مولاناعزیزالرحمن عظیمی،مولانا محمد جہان یعقوب اور مولانامحمد عقیل قریشی نے بھی خطاب کیا،جبکہ پوزیشن ہولڈر طلبہ میں مولانا مفتی سیف اﷲ جمیل،مفتی فیض الحق،مولانا عنایت اﷲ عادل،مولانا قاری سلطان احمداور مولانا آفتاب الحق نے انعامات تقسیم کیے۔مقابلے کے اختتام پر شرکاء میں دارالتصنیف جامعہ بنوریہ عالمیہ کی جانب سے ختم نبوت کے موضوع پر کتابچے بھی تقسیم کیے گئے۔