سندھ اسمبلی اجلاس میں متحدہ قومی موومنٹ ( ایم کیو ایم ) کے رکن محمد حسین خان کی تحریک التواء خلاف ضابطہ قرار دیدی گئی
منگل 26 جنوری 2016 21:07
کراچی(اُردو پوائنٹ اخبارتازہ ترین - آئی این پی۔26 جنوری۔2016ء) سندھ اسمبلی میں منگل کو متحدہ قومی موومنٹ ( ایم کیو ایم ) کے رکن محمد حسین خان کی تحریک التواء خلاف ضابطہ قرار دے دی گئی ، جس میں کہا گیا کہ صوبہ سندھ میں دیانت دار اور پیشہ ور اردو بولنے والے ( مہاجر ) سرکاری افسروں کو ان کے عہدوں سے ہٹایا جا رہا ہے ،سینئر وزیر تعلیم و پارلیمانی امور نثار احمد کھوڑو نے اس تحریک التواء کی مخالفت کی اور کہا کہ سندھ میں کسی کے ساتھ امتیاز یا تعصب نہیں برتا جا رہا ہے ۔
تبادلوں و تقرریوں کو یہ رنگ نہ دیا جائے ۔ محمد حسین خان نے اپنی تحریک التواء کی تائید میں دلائل دیتے ہوئے کہا کہ گذشتہ چھ سات سال سے مہاجر افسروں کو تیزی سے ہٹایا جا رہا ہے ۔ سیکرٹریز ، کمشنرز ، ڈپٹی کمشنرز ، ایڈمنسٹریٹرز سمیت دیگر اہم عہدوں پر 90 فیصد دیگر زبانیں بولنے والے لوگ ہیں ۔(جاری ہے)
انہوں نے کہا کہ اس صورت حال سے مسائل جنم لے سکتے ہیں ۔
آخر ایک طبقے کی حق تلفی کیوں کی جا رہی ہے ۔ نثار احمد کھوڑو نے کہا کہ محرک نے ایسے افسروں کے ناموں اور تعداد کے بارے میں کچھ نہیں بتایا ہے اور نہ ہی کوئی ثبوت دیا ہے ۔ پاکستان بنے ہوئے 68 سال ہو گئے ہیں ، جو لوگ اس وقت آئے تھے ، وہ مہاجر تھے ۔ اب مجھے مہاجر لفظ پر اعتراض ہے ۔ یہاں کام کرنے والے سب افسران سندھ اور پاکستان میں پیدا ہوئے ۔ سندھ کثیر اللسانی صوبہ ہے ۔ یہاں مختلف زبانیں بولنے والے لوگ ہیں لیکن ملازمت دیتے ہوئے یا تقرریاں کرتے ہوئے یہ نہیں دیکھا جاتا کہ کون کیا زبان بولتا ہے ۔ حکومت نے زبان کی بنیاد پر کسی کو رکھنے یا ہٹانے کی پالیسی نہیں بنائی ہے ۔ محمد حسین خان نے کہا کہ کمشنر کراچی کے عہدے پر گریڈ 21 کے آفیسر کو ہٹا کر جونیئر آفیسر کو رکھا گیا ہے ۔ میرے پاس ان مہاجر افسروں کی فہرست ہے ، جنہیں ہٹایا گیا ہے ۔ میں نے جب ڈومیسائل اور پی آر سی بنوایا تھا تو مجھ سے پوچھا گیا تھا کہ میرے والدین کہاں سے آئے ہیں ۔ میں نے مقابلے کے دو تین امتحان دیئے لیکن مجھے منتخب نہیں کیا گیا ۔ نادرا کے آفس میں آج بھی پوچھا جاتا ہے کہ پاکستان بننے سے پہلے آپ کے والدین کہاں رہتے تھے ۔ اس لیے ہم نے مہاجر کے مقدس لفظ کو سینے سے لگایا ہوا ہے ۔ نثار احمد کھوڑو نے کہا کہ کمشنر کراچی شعیب احمد صدیقی کی گریڈ 22 میں ترقی ہو گئی تھی اور یہ عہدہ گریڈ 21 اور 22 کا ہے ۔ کمشنر کراچی کے عہدے پر کئی اردو بولنے والے رہے ہیں ۔ سندھ میں رہنے والے سب برابر کے حقوق رکھتے ہیں، پاکستان کا آئین سب کو مساوی حقوق کی ضمانت دیتا ہے، ڈپٹی اسپیکر سیدہ شہلا رضا نے رولنگ دیتے ہوئے تحریک التواء کو خلاف ضابطہ قرار دے دیا۔متعلقہ عنوان :
مزید قومی خبریں
-
بیرون ملک تعلیم کے نام پر طلبہ سے فراڈ والے گینگ کا اہم رکن گرفتار
-
خیبرپختونخوا حکومت کا گاڑیوں پر روڈ یوزر چارج بل 2024 بہت جلد منظوری کیلئے پیش کیا جائے گا، مشیر خزانہ خیبرپختونخوا مزمل اسلم
-
چئیرمین سینٹ سید یوسف رضا گیلانی سے جنوبی پنجاب سیکریٹریٹ میں سابق وزیر خارجہ جلیل عباس جیلانی اور وفود کی ملاقاتیں
-
اسلام آباد، ڈرائیونگ لائسنس کی فیس میں 25فیصد اضافہ
-
پاکستان بیورو برائے شماریات کی ہفتہ وار رپورٹ جاری ،قیمتوں میں ہفتہ وار بنیادوں پر 1.39 فیصد کی نمایاں کمی
-
ڈیرہ اسماعیل خان پولیس کی کارروائی،ڈاکو گرفتار ، چھینی گئی رقم 6 لاکھ روپے برآمد
-
کامن ویلتھ یوتھ سیکرٹریٹ پاکستان میں بننے سے نوجوانوں کو 56ممالک تک رسائی ہو گی، رانا مشہود احمد
-
عدالت کا سیل کردہ تندور ڈی سیل اور گرفتارلوگوں کو رہا کرنے کا حکم
-
سپریم کورٹ،نیب ترامیم فیصلے کیخلاف اپیلوں پر سماعت کیلیے لارجربینچ تشکیل،سماعت 14مئی کوہوگی
-
اسلام آبادجیل تعمیر کا پہلا مرحلہ ریکارڈ 6 ماہ کی مدت میں مکمل کیا جائے گا،وفاقی وزیر داخلہ
-
وزیراعلیٰ پنجاب نے طلبہ کیلئے لیپ ٹاپ سکیم کی منظوری دیدی
-
شمالی وزیرستان، لڑکیوں کے نجی اسکول کو دھماکے سے اڑا دیا گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.