چینی صدر کا دورہ، پاکستان پر بھی مثبت اثرات مرتب ہو ں گے
چین اور عرب دنیا کو مغربی سامراجی نظام سے نقصان اٹھانا پڑا ہے
اتوار 24 جنوری 2016 14:56
اسلام آباد(اُردو پوائنٹ اخبارتازہ ترین - آئی این پی۔24 جنوری۔2016ء ) چین کے صدر ژی جن پنگ کے خلیجی ممالک اور ایران کے دورہ کے پاکستان سمیت خطے پر مثبت اثرات مرتب ہوں گے ، اس سے علاقائی اور عالمی مسائل کو حل کرنے میں مدد ملے گی جبکہ مسلم دنیا کے درمیان امن اور ترقی کا عمل تیز ہو گا ،پاکستان کے ایک اعلیٰ عہدیدار نے چینی صدر کے دورہ پر اپنی رائے کا اظہار کرتے ہوئے کہا کہ یہ دورہ پر امن ورلڈ آرڈر کو بہتر بنانے میں مفید ثابت ہو گا ، اس سے علاقے میں امن کا پیغام پہنچایا گیا ہے اور یہ دورہ اس وقت عمل میں آیا ہے جب خطہ کے ممالک کو سنگین مسئلہ درپیش ہیں ، اس سے مطلوبہ مقاصد حاصل کرنے میں مدد ملے گی ۔
انہوں نے کہا کہ چین کا کردارہمیشہ باہمی ، علاقائی اور عالمی تنازعات کو پر امن طور پر حل کرنے میں معاون ہوتا ہے ، چین کی اقتصادی حکمت عملی، معیشت کی ترقی اور تعمیر میں اعلیٰ نتائج دے گی اور چین پاکستان اقتصادی راہداری منصوبہ اس کی بہترین مثال ہے جو دنیا کو آپس میں ملانے کا ایک مفید منصوبہ ہے ۔(جاری ہے)
دریں اثنا چین کے اخبار ’’پیپلز ڈیلی‘‘نے صدرژی کے دورہ کو چین اور عرب دنیا کے درمیان مستقبل کا تاریخی اشتراک قرار دیا ہے ، دونوں ممالک کی تہذیبیں قدیم دور کی عظمت کی یاد دلاتی ہیں اور اب دونوں جدیدیت کی طرف گامزن ہیں ،دونوں کو ایک جیسے مسائل کا سامنا ہے اس لیے وہ باہمی تعاون سے ہی خوشحالی کی منزل حاصل کر سکتی ہیں ، چین اور عرب دنیا کے تعلقات کی تاریخ دو ہزار سال پر محیط ہے یوریشیا کے مرکز میں واقع ہونے کے باعث عربوں نے ہمیشہ چین اور یو رپ کے درمیان قدیم سلک روڈ کے ذریعے رابطے کا کردار ادا کیا ہے تا ہم جدید دور میں چین اور عربوں دونوں نے ہی مغربی سامراجی نظام سے نقصان اٹھایا ہے لیکن اب کوئی بھی ماضی کو یاد نہیں کرتا اور اب ہم ایک طویل دور زوال کے بعد نشاۃ ثانیہ کی جانب بڑھ رہے ہیں اور عرب دنیا بھی بہتر معیشت اور جدید سوسائٹی کے ساتھ دنیا میں اپنا کردار ادا کرنا چاہتی ہے اس لیے اب ترقی ہماری پہلی ترجیح ہے اور خوش قسمتی سے دونوں طرف ایسے عناصر موجود ہے چین کے پاس فنڈز اور ٹیکنالوجی ہے اور عربوں کے پاس توانائی کے ذرائع ہیں ان کے پاس منڈی اور صنعت ہے جس کی استعداد کار بڑھانے کی ضرورت ہے ، ترقی سے دونوں ممالک کے درمیان آگے بڑھیں گے اور دونوں ممالک اس سے فائدہ اٹھائیں گے یہی ہماری ترجیح ہے جس سے دونوں تہذیبیں آگے بڑھیں گی ۔
صدر ژی نے کہا ہے کہ اب دنیا کی قسمت ایک دوسرے سے وابستہ ہو گئی ہے اور کوئی ملک بھی اکیلا کچھ نہیں کر سکتا ۔دونوں کو دہشتگردی کا بھی سامنا ہے اور چین عرب دنیا کے ساتھ دہشت گردی کے خلاف جنگ میں بھی بھرپور کردار ادا کرنا چاہتا ہے جس میں تربیت معلومات کا تبادلہ اور پالیسی مذاکرات شامل ہیں اس کے علاوہ آب و ہوا میں تبدیلی کے مسائل کا بھی سامنا ہے جن کے لیے دونوں کو آپس میں تعاون کرنا چاہئے ۔ صدر ژی نے یہ بھی واضح کیا تھا کہ ہمیں کسی پراکسی وار میں الجھے بغیر امن کے فروغ کے لیے کام کرنا چاہئے ، ہمیں ترقی اور تعمیر کے لیے اپنی کو ششیں بروئے کا ر لانا چاہئیں اور آپس میں دوست بن کر آگے بڑھنا چاہئیں ، اسی طر ح ہم فلسطنیوں کے لیے بھی امید کا ایک پیغام دے سکتے ہیں ۔مزید اہم خبریں
-
علیمہ خان نے نواز شریف کو پانامہ کیس میں اقامہ پر سزا دینا غلطی قرار دیدیا
-
پاکستان: بھارت کے ساتھ تجارت بحال کرنے کی تجویز زیر غور ہے
-
پاکستان تحریک کی رہنماءصنم جاوید اور عالیہ حمزہ کو ضمانت کے بعد دوبارہ گرفتار کرلیا گیا
-
ون وے کی خلاف و رزی روکنے کیلئے لاہور کی مرکزی شاہراہوں پر ٹائر کلرز لگانے کا فیصلہ
-
پی آئی اے خرید لو، بین الاقوامی مارکیٹ میں عنقریب اشتہار ات شائع ہونے کو تیار
-
جنوبی افریقہ: بس حادثے میں درجنوں افراد ہلاک
-
پوٹن کے ساتھ اچھے تعلقات معاون ثابت ہو سکتے ہیں، سابق جرمن چانسلر
-
جیمز اور جیولری میں سرمایہ کاری کیلئے غیر ملکی کمپنیوں کی حوصلہ افزائی کرنا ہوگی،آصف علی زرداری
-
عمران خان پر پہلے بھی حملہ ہوچکا ہے کسی بڑے حادثے کے متحمل نہیں ہوسکتے،لاہور ہائیکورٹ
-
وزیراعظم کا بجلی چوری کی سہولت کاری میں ملوث سرکاری افسران کیخلاف کارروائی کا حکم
-
آئی ایم ایف کے ساتھ آنے والے دنوں میں بڑے پروگرام کی طرف جارہے ہیں،محمد اورنگزیب
-
زرمبادلہ ذخائر میں مزید اضافہ ہو گیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.