لاہور،پولیس،ضلعی انتظامیہ کا بھٹوں پر چھاپہ ، 40 کم عمر بچے بازیاب،بھٹہ مالک اور منشی گرفتار

ہفتہ 23 جنوری 2016 20:10

لاہور(اُردو پوائنٹ اخبارتازہ ترین - آن لائن۔23 جنوری۔2016ء) لاہور میں پولیس اور ضلعی انتظامیہ کی ٹیم نے باٹاپور میں اینٹوں کے بھٹوں پر چھاپہ مار کر 40 کم عمر بچوں کو بازیاب کرالیا ،ایک بھٹہ مالک اور منشی کو گرفتار کر لیا گیا ، بچوں میں کتابیں تقسیم کی گئیں۔

(جاری ہے)

حکومت پنجاب کی جانب سے چائلڈ لیبر کے خاتمہ کی کوششوں کے سلسلے میں سی سی پی او لاہور امین وینس اور ڈی سی او محمد عثمان نے باٹا پور کے علاقے نتھوکی میں تین بھٹوں پر چھاپے مارے اور والدین کے ساتھ کام کرنے والے چالیس بچوں کو بازیاب کرا لیاحکام نے والدین کو ترغیب دی کہ وہ بچوں کو زیور تعلیم سے آراستہ کریں۔

اس موقع پر ڈی سی او لاہور نے بچوں میں کتابیں تقسیم کیں۔ پولیس نے بچوں سے جبری مشقت کرانے والے ایک بھٹہ مالک اور منشی کو گرفتار کرکے ان کے خلاف مقدمہ درج کرلیا۔

Facebook Twitter Google + Share on Whatsapp

لاہور،پولیس،ضلعی انتظامیہ کا بھٹوں پر چھاپہ ، 40 کم عمر بچے بازیاب،بھٹہ مالک اور منشی گرفتار

متعلقہ عنوان :

مزید قومی خبریں