وزیراعلی پنجاب کی صوبہ بھر میں سکولوں ، کالجزاو ریونیورسٹیوں میں فول پروف سکیورٹی کی ہدایت ،طلبہ کی آمد ورفت کیلئے استعمال ہونے والی گاڑیوں اور بسوں کی چیکنگ اور محفوظ مقامات پر پارکنگ کا حکم ،سکیورٹی انتظامات کا جائزہ لینے کے لئے خصوصی کمیٹیاں اے کیٹیگری سکولوں کا روزانہ معائنہ کریں گی ،ریلوے سٹیشنوں ، بس سٹینڈوں اور پبلک مقامات پر سکیورٹی مزید سخت ،داخلی مقامات پرسخت چیکنگ ہوگی

بدھ 20 جنوری 2016 23:50

لاہور(اُردو پوائنٹ اخبارتازہ ترین - آئی این پی۔ 20جنوری۔2016ء) وزیر اعلی پنجاب محمد شہباز شریف کی ہدایت پر صوبہ بھر میں سرکاری ،نجی ،مشنری ، آرمڈ فورسز ،ملٹی نیشنل سکولز ،کالجز او ریونیورسٹیوں میں سکیورٹی کے انتظامات فول پروف بنانے کے احکامات جاری کر دئیے گئے-حکومت پنجاب کی طرف سے جاری حکم نامے میں کہاگیاہے کہ سکیورٹی کے انتظامات تسلی بخش نہ ہونے کی صورت میں تعلیمی اداروں کو کام کرنے کی اجازت نہیں دی جائے گی - طلبہ کی آمد ورفت کے لئے استعمال ہونے والی گاڑیوں ،بسوں کی چیکنگ اورانہیں محفوظ مقام پر پارکنگ کی ہدایت کی گئی ہے-حکومت پنجاب کی طرف سے سکیورٹی انتظامات کا جائزہ لینے کے لئے خصوصی کمیٹیاں اے کیٹیگری سکولوں کا روزانہ معائنہ کریں گی -مزید برآں تمام بس سٹینڈوں اور ریلوے سٹیشنوں اور عوامی مقامات پر سکیورٹی کے ا نتظامات مزیدسخت کرنے کی ہدایت کی گئی ہے- حساس اداروں اور دیگر اہم مقامات پر سرچ آپریشن بھی کرنے کی ہدایت کی گئی ہے جبکہ کاؤنٹرٹیر ر ازم ڈیپارٹمنٹ کوہمہ وقت الرٹ رہنے کی ہدایت کی گئی ہے جبکہ صوبے اور اضلاع کے داخلی مقامات پر چیکنگ سخت کرنے کی ہدایات بھی جاری کی گئی ہیں-پولیو اور خسرہ ٹیموں کو سکولوں اور تعلیمی اداروں میں مکمل شناخت اور تصدیق کے بعد داخل ہونے کی اجازت دی جائے گی-محکمہ داخلہ کے احکامات کے مطابق سکولوں کے آغاز اور اختتام پر 30میٹر کے احاطہ میں غیر متعلقہ افراد کی آمدو رفت کی اجازت نہیں دی جائے گی-

متعلقہ عنوان :