ملتان ،ساہیوال ، چیچہ وطنی سمیت پنجاب کے مختلف علاقوں میں شدید دھند کے باعث موٹر وے کئی جگہوں پر بند ، ملتان ایئر پورٹ پر پروازیں منسوخ

بدھ 20 جنوری 2016 12:37

ملتان ۔ 20جنوری (اُردو پوائنٹ اخبارتازہ ترین - اے پی پی۔20 جنوری۔2016ء) ملتان ،ساہیوال اور چیچہ وطنی سمیت پنجاب کے مختلف علاقوں میں شدید دھند کے باعث موٹر وے کئی جگہوں پر بند اور ملتان ایئر پورٹ پر پروازیں منسوخ کردی گئیں ۔

(جاری ہے)

موٹر وے پولیس کے مطابق بدھ کی صبح شیخوپورہ سے پنڈی بھٹیاں تک مختلف مقامات پرشدیددھند تھی جبکہ ٹھوکر نیاز بیگ سے شیخوپورہ انٹر چینج تک حد نگاہ صفر ہوگئی جس کے باعث موٹر وے کو کئی مقامات سے عارضی پر بند کردیا گیا۔

موٹر وے حکام نے خصوصی ہدایات جاری کرتے ہوئے مسافروں سے کہا ہے کہ شدید دھند کے اوقات میں غیر ضروری سفر سے گریز کریں۔دوسری جانب نیشنل ہائے پر پتوکی ،اوکاڑہ ،ساہیوال اور چیچہ وطنی میں شدید دھند کے باعث ٹریفک متاثر ہورہی ،ملتان ائیر پورٹ کے ذرائع کے مطابق شدید دھندکے باعث کئی پروازیں منسوخ کر دی گئی ہیں۔