پاکستان سعودی عرب اور ایران کے درمیان کشیدگی کم کرانے کے لئے غیر جانبدار حیثیت میں اپنا کردار ادا کر رہا ہے‘ 34 ممالک الائنس نہیں کولیشن ہے‘ ہر ملک کو رضاکارانہ طور پر کسی سرگرمی میں حصہ لینے کا حق حاصل ہے‘ سعودی عرب ایران کشیدگی کم کرانے میں کامیابی کیلئے دعا گو ہیں
مشیر خارجہ سرتاج عزیز کا قومی اسمبلی میں اظہارخیال
منگل 19 جنوری 2016 20:10
اسلام آباد ۔ 19 جنوری (اُردو پوائنٹ اخبارتازہ ترین - اے پی پی۔19 جنوری۔2016ء) مشیر خارجہ سرتاج عزیز نے کہا ہے کہ سعودی عرب اور ایران کے درمیان کشیدگی کم کرانے کے لئے پاکستان غیر جانبدار حیثیت میں اپنا کردار ادا کر رہا ہے‘ 34 ممالک الائنس نہیں کولیشن ہے‘ ہر ملک نے رضاکارانہ طور پر خود فیصلہ کرنا ہے کہ انہیں کس سرگرمی میں حصہ لینا ہے‘ سعودی عرب ایران کشیدگی کم کرانے میں کامیابی کیلئے دعا گو ہیں۔
منگل کو قومی اسمبلی میں ارکان کی طرف سے اٹھائے گئے سوالات کے جواب میں وزیراعظم کے مشیر خارجہ سرتاج عزیز نے کہا کہ یہ الائنس نہیں کولیشن ہے‘ یہ کوئی باقاعدہ اتحاد نہیں ہے کیونکہ اس کا فیصلہ ہر ملک نے رضاکارانہ طور پر کرنا ہے کہ اس نے کس سرگرمی میں حصہ لینا ہے۔(جاری ہے)
انہوں نے کہا کہ وزارت خارجہ کی لاعلمی کے حوالے سے شائع ہونے والی خبر درست نہیں ہے، میں نے جب ایرانی وزیر خارجہ سے وزیراعظم کے تہران کے دورے کے حوالے سے بات کی تو انہوں نے اسی وقت فوری طور پر وزیراعظم پاکستان کے تہران کے دورے کا خیر مقدم کیا۔
سرتاج عزیز نے کہا کہ میں نے یہ کہا تھا کہ تمام ممالک انسداد دہشتگردی کے حوالے سے اپنا کردار ادا کریں کیونکہ دہشتگردی کے عالم اسلام پر اثرات سب سے زیادہ ہیں۔ پاکستان کا دہشتگردی کے حوالے سے تجربہ دیگر ممالک کی نسبت سب سے زیادہ ہے۔ ہم عالمی اور علاقائی سطح پر انٹیلی جنس شیئرنگ سمیت اپنے تجربات کے حوالے سے اپنا کردار ادا کریں گے۔ مشیرخارجہ نے کہا کہ غیر جانبدار حیثیت میں ہم ایران اور سعودی عرب کے درمیان کشیدگی کم کرانے کے لئے بات چیت کر رہے ہیں‘ وزیراعظم کے اس اقدام کو میڈیا سمیت سب نے سراہا ہے، دعا کریں کہ اللہ تعالیٰ ہمیں اس میں کامیابی عطا کرے۔ قبل ازیں سید نوید قمر نے نکتہ اعتراض پر کہا کہ 34 ممالک کے اتحاد کے حوالے سے وضاحت میں ابھی تک تشنگی باقی ہے۔ پاکستان کو اس سارے معاملے میں فریق نہیں بننا چاہئیے ، ہم بحیثیت جماعت پاکستان کو ایف 16 کی فراہمی کے ساتھ ساتھ کسی بھی امداد کی مخالفت نہیں کرتے۔ شفقت محمود نے کہا کہ وقت بتائے گا کہ 34 ملکی اتحاد کیا ثابت ہوگا۔ سید علی رضا عابدی نے کہا کہ ہمیں بتایا جائے کہ پاکستان کے جس سابق سفیر نے ایف 16 کے حوالے سے پاکستان کے خلاف لابنگ کی ہے کیا حکومت ان کے خلاف بغاوت کا مقدمہ درج کرائے گی؟ انہوں نے کہا کہ پاکستان کی طرف سے ثالثی کی کوشش احسن اقدام ہے۔ پاکستان اس اتحاد میں عراق‘ شام اور افغانستان کو بھی شامل کرانے کے لئے کردار ادا کرے۔ عائشہ گلالئی نے کہا کہ اس ایوان کو جونیئرز اور سینئرز میں تقسیم نہ کیا جائے۔ ڈپٹی سپیکر نے کہا کہ تمام ارکان برابر ہیں۔ ہمیں تمام جماعتوں کے چیف وہپس نام دیتے ہیں۔ عائشہ گلالئی نے کہا کہ ہمارے ساتھ امتیازی برتاؤ نہ کیا جائے۔ شیعہ سنی اختلافات سے ہمیں بالاتر ہوکر آگے بڑھنا چاہیے۔مزید اہم خبریں
-
پاکستان الیکٹرک گاڑیوں ں تیاری میں اپنی صلاحیتوں کو بڑھانے کے لیے بین الاقوامی کمپنیوں کے ساتھ تعاون کوفروغ دے رہا ہے، رپورٹ
-
پاکستان اور ایران کا آزاد تجارتی معاہدے کو جلد حتمی شکل دینے، دوطرفہ تجارت پانچ سال میں 10 ارب ڈالر تک بڑھانے پر اتفاق ، ایران کے صدر ڈاکٹر سیّد ابراہیم رئیسی کے دورے کے اختتام پر مشترکہ بیان جاری
-
’اڈیالہ کے باسیوں سے ہاتھ ملائیں‘ تاجروں کا معاشی استحکام کیلئے وزیراعظم کو عمران خان سے بات چیت کا مشورہ
-
غزہ کے لیے امداد، عارضی امریکی بندرگاہ کی تعمیر کا آغاز بہت جلد
-
عمران خان نے سنی اتحاد کونسل کے سربراہ حامد رضا کو پبلک اکاﺅنٹس کمیٹی کے چیئرمین کے عہدے کے لیے نامزد کردیا
-
پاکستان کی چینی کاروباری اداروں کو پاکستان میں سرمایہ کاری کی دعوت
-
وزیرقانون کی بین الاقوامی پارلیمنٹرین کانگریس کے وفد سے ملاقات،وزیر قانون کو تنظیم کے کام اور مشن بارے آگاہ کیا
-
وزیراعظم نے مختلف شعبوں میں نمایاں کارکردگی دکھانے والے نوجوانوں سے مزار قائد پر پاکستان کی خدمت کرنے کا حلف لیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کیلئے ڈیجیٹل ٹولز کا استعمال ضروری ہے، جام کمال خان
-
چیئرمین سینیٹ سے امریکی سفیر کی ملاقات، دوطرفہ تعلقات پر گفتگو
-
وزیراعظم شہا ز شریف کی مزار قائد پر حاضری، پھول چڑھائے اور فاتحہ خوانی کی
-
معاشی استحکام کے لیے وفاق اور صوبوں کو قریبی تعلق بنانا پڑے گا، وزیراعظم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.