سعودی عرب کے دورے کے بعد وزیر اعظم نواز شریف اور آرمی چیف کا تہران پہنچنے پر شاندار خیر مقدم کیا گیا
سفر کے دور ان طیارے میں مشاورتی اجلاس ٗ سعودی قیادت سے ہونے والی ملاقاتوں سے متعلق تبادلہ خیال آرمی چیف اور وزیر اعظم کی طیارے میں ون آن ون ملاقا ت ، ایران اور سعودی عرب کے تعلقات بارے امور زیر غور لائے گئے
منگل 19 جنوری 2016 17:54
تہر ان (اُردو پوائنٹ اخبارتازہ ترین - این این آئی۔19 جنوری۔2016ء) وزیر اعظم محمد نوازشریف اور آرمی چیف جنرل راحیل شریف منگل کو دورہ سعودی عرب مکمل کرنے کے بعد ایرانی دارالحکومت تہران پہنچے ۔وزیراعظم کے معاون خصوصی برائے خارجہ امور سید طارق فاطمی بھی ان کے ہمراہ تھے ۔تہران آمد پر پاکستانی وفد کا پرتپاک خیر مقدم کیا گیا اعلیٰ ایرانی حکام اور کابینہ کے وزراء نے ان کا استقبال کیا ۔
ریاض سے تہران کے سفر کے دور ان طیارے میں وزیر اعظم نے آرمی چیف اور دیگر حکام سے مشاورتی میٹنگ کی ۔مشاورتی میٹنگ کے دور ان پاک ایران تعلقات اور سعودی قیادت سے ہونے والی ملاقاتوں سے متعلق تبادلہ خیال کیا گیا ۔مشاورتی میٹنگ کے بعد وزیر اعظم اور آرمی چیف کی علیحدگی میں بھی ملاقات ہوئی ۔(جاری ہے)
ون آن ون میٹنگ کے دور ان علاقائی صورتحال ٗ بالخصوص ایران اور سعودی عرب کے تعلقات بارے امور زیر غور لائے گئے ۔
وزیراعظم کی ایران پہنچنے پر تہران ایئر پورٹ پر ایرانی وزیر دفاع حسین دہقان سے بھی ملاقات ہوئی جس میں آرمی چیف جنرل راحیل شریف اور وزیراعظم کے معاون خصوصی برائے خارجہ امور سید طارق فاطمی بھی موجود تھے اس موقع پر ایرانی وزیر دفاع نے گفتگو کرتے ہوئے کہا کہ آپکا دورہ ایران نہایت اہم موقع پر ہو رہا ہے ہم امید کرتے ہیں کہ آپکی ایرانی صدر سے ملاقات مفید رہے گی۔ وزیراعظم آفس سے جاری بیان کے مطابق پاکستان چاہتا ہے کہ سعودی عرب اور ایران کے درمیان کشیدگی کا خاتمہ ہو کیونکہ پاکستان تمام مسائل کے پر امن طریقوں سے حل کا خواہاں ہے ۔ قبل ازیں دورہ سعودی عرب مکمل کرنے کے بعد ریاض سے تہران روانگی کے وقت ریاض کے گورنر اور کنگ سلمان ایئر بیس کے اعلیٰ حکام نے وزیراعظم اور انکے وفد کو الوداع کیا ۔متعلقہ عنوان :
مزید بین الاقوامی خبریں
-
امریکی جامعات میں جو ہورہا ہے وہ خوفناک ہے، نیتن یاہو
-
یہودیوں کا مذہبی تہوار، سیکڑوں یہودیوں کامسجد اقصی پر دھاوا، فلسطینیوں کو نکال دیا
-
شاہ سلمان بن عبدالعزیزطبی معائنے کیلئے اسپتال میں داخل
-
یونانی شاہی جوڑے کا شادی کے 14سال بعد علیحدگی کا اعلان
-
روس نے خلا میں ہتھیار رکھنے سے متعلق قرارداد ویٹو کردی
-
امریکا، اسقاطِ حمل پرپابندی کے خاتمے کا بل منظور
-
پینٹاگون نے ٹیکٹیکل میزائل یوکرین منتقل کردیے، روسی میڈیا
-
آسڑیلین پاکستانی نینشل ایسوی ایشن اپنا کے زیر اہتمام عید کے موقع پرقیونسلنڈ میں سال 2023 میں سماجی ،معاشرتی اور مذہبی خدمات پر اپنا عید ایوارڈ دیے
-
حماس قیادت دوحا میں رہے گی، قطرکا دو ٹوک پیغام
-
ایران چند ہفتوں میں جوہری ہتھیار تیار کرسکتا ہے،آئی اے ای اے
-
امریکہ، طالب علموں سے زیادتی کرنے والی 25 خواتین اساتذہ گرفتار
-
روس اورچین نے باہمی تجارت کیلئے ڈالرکا استعمال ختم کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.