سری لنکن فکسنگ کیس میں ملوث افرادکے گرد گھیرا تنگ ہو نے لگا
منگل 19 جنوری 2016 16:28
کولمبو(اُردو پوائنٹ اخبارتازہ ترین - آئی این پی۔19 جنوری۔2016ء) سری لنکن فکسنگ تنازع میں ملوث افراد کے گرد گھیرا تنگ ہونے لگا، بولنگ کوچ انوشا سمارانائیکے کو بورڈ نے تاحکم ثانی کھیل کی تمام سرگرمیوں سے معطل کردیا، نیٹ بولر بننے والے مبینہ بکی گیان وشواجیتھ پر بھی پابندی عائد کردی گئی، پولیس کے خصوصی یونٹ کی تحقیقات جاری ہیں، ٹیم منیجر جیریل فریڈریک اور کپتان انجیلو میتھیوز کوطلب کرلیا گیا ہے۔
تفصیلات کے مطابق اوپنر کوشل پریرا نے کچھ عرصے قبل حکام کو خبردار کیا تھا کہ بکیز کی جانب سے انھیں اور اسپنر رنگانا ہیراتھ کو ویسٹ انڈیز کے خلاف ایک ٹیسٹ میچ میں خراب پرفارم کرنے کیلیے بڑی رقم کی پیشکش کی گئی ہے۔ جس کے بعد کرکٹ بورڈ اور پولیس کے فنانشل کرائمز ڈویڑن کی جانب سے الگ الگ معاملے کی تحقیقات کا آغاز کیا گیا۔(جاری ہے)
ایس ایل سی کی جانب سے ابتدائی تحقیقات کی روشنی میں بولنگ کوچ انوشا سمارانائیکے کو معطل کردیا گیا، ان پر الزام ہیں کہ ایک مبینہ بکی گیان وشواجیتھ کے ساتھ قریبی تعلقات ہیں جو نیٹ بولر کی حیثیت میں ٹیم کو ٹریننگ کے دوران جوائن کیا کرتا تھا، وہ خود متحرک کرکٹر نہیں ہے۔
بورڈ کے نئے صدر تھلنگا سماتھی پالا نے کہاکہ میں نے اس بارے میں تفصیلی رپورٹ طلب کی اور اس کی روشنی میں بولنگ کوچ اور ایک نیٹ بولر کو معطل کیا جارہا ہے، یہ دونوں تحقیقات مکمل ہونے تک معطل رہیں گے، قصور وار ثابت ہونے پر ان کے خلاف سخت کارروائی کی جاسکتی ہے۔ایس ایل سی کے اینٹی کرپشن یونٹ کے سربراہ لکشمن ڈی سلوا نے کہاکہ جیسے ہی مذکورہ کرکٹرز کی جانب سے معلومات حاصل ہوئیں، ہم نے اور آئی سی سی کے اینٹی کرپشن آفیشلز نے تحقیقات شروع کردیں مگر دورہ جاری ہونے کی وجہ سے زیادہ گہرائی میں نہیں جاسکے تھے، مگر اب رپورٹ مکمل کرکے بورڈ میں جمع کرادی ہے۔ دوسری جانب پولیس کے خصوصی یونٹ نے پہلے اس معاملے پر پریرا اور ہیراتھ کے بیانات ریکارڈ کیے جس کے بعد پیر کو ٹیم منیجر جیریل فریڈریک اور انجیلو میتھیوز کو طلب کیا گیا۔ فریڈریک نے اپنا بیان ریکارڈ کرادیا تاہم میتھیوز کی درخواست پر انھیں کسی اور دن حاضر ہونے کی اجازت دے دی گئی۔مزید کھیلوں کی خبریں
-
عامر خان کاباکسنگ کے حوالے سے غیر سنجیدگی پر سوالات اٹھاتے ہوئے ملک میں باکسنگ کی دگرگوں حالت پر مایوسی کا اظہار
-
انگلش پریمیئر لیگ کے دلچسپ مقابلے جاری،27اپریل کو مزید 6 میچوں کا فیصلہ ہوگا
-
صائم ایوب کو بطور ٹی ٹونٹی اوپنر کھلانا میری نظر میں مسئلے کا حل تھا : محمد حفیظ
-
محمد حفیظ نے غیرملکی کوچز کی تقرری پر سوال اٹھا دیئے
-
اہم کھلاڑی نہیں کھیلتے تو فرق پڑتا ہے، فخر زمان
-
بے سہارا بچوں نے بھی اسٹیڈیم میں پاک نیوزی لینڈ چوتھا ٹی ٹوئنٹی میچ دیکھا، محسن نقوی سے ملاقات
-
بابر اعظم اور محمد رضوان اچھے کھلاڑی ہیں ،پوری ٹیم نہیں، محمد حفیظ
-
ارشد ندیم جنوبی افریقا میں سخت ٹریننگ کے مرحلے میں داخل
-
ایوریج ٹیم کیخلاف شکست، رمیز راجا نے تبدیلوں کو ’’نام نہاد تجربہ‘‘ قرار دیدیا
-
وقار یونس نے ٹی ٹونٹی ورلڈ کپ کے لیے اپنی پاکستانی سکواڈ کا اعلان کر دیا
-
قطر جونیئر سکواش ، پاکستان نے دو چاندی کے تمغے اپنے نام کر لیے
-
کھلاڑی کو بغیر بتائے پوزیشن تبدیل کرنے سے فرق پڑتا ہے : فخر زمان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.