سپریم کورٹ ، این اے 125سے متعلق الیکشن ٹربیونل کے فیصلے کے خلاف وزیر ریلوے کی اپیل کی سماعت حامد خان کے وکیل کی التوا کی درخواست پر26 جنوری تک ملتوی
حامد خان کے وکیل احمد اویس نے تو اپنے دلائل مکمل کرنے تھے،کیس تقریباً مکمل ہو چکا ہے،اگر احمد اویس نہیں آ سکتے تو متبادل بندوبست کریں،حامد خان کی التواء کی درخواست آخری مرتبہ منظور کریں گے،چیف جسٹس کے ریمارکس
منگل 19 جنوری 2016 15:11
اسلام آباد (اُردو پوائنٹ اخبارتازہ ترین - آئی این پی۔19 جنوری۔2016ء) سپریم کورٹ نے این اے 125سے متعلق الیکشن ٹربیونل کے فیصلے کے خلاف وزیر ریلوے خواجہ سعد رفیق کی اپیل کی سماعت حامد خان کے وکیل کی التواء کی درخواست پر26 جنوری تک ملتوی کر دی،چیف جسٹس انور ظہیر جمالی نے ریمارکس دیئے کہ حامد خان کے وکیل احمد اویس نے تو آج اپنے دلائل مکمل کرنے تھے،کیس تقریباً مکمل ہو چکا ہے،اگر احمد اویس نہیں آ سکتے تو متبادل بندوبست کریں،حامد خان کی التواء کی درخواست آخری مرتبہ منظور کریں گے۔
منگل کو سپریم کورٹ میں قومی اسمبلی کے حلقہ این اے 125سے متعلق الیکشن ٹربیونل کے فیصلے کے خلاف خواجہ سعد رفیق کی اپیل کی سماعت ہوئی۔ چیف جسٹس انور ظہیر جمالی کی سربراہی میں سپریم کورٹ کے 3رکنی بینچ نے کیس کی سماعت کی۔(جاری ہے)
سماعت کے دوران تحریک انصاف کے رہنماء حامد خان کے وکیل احمد اویس کی جانب سے التواء کی درخواست دائر کی گئی۔ التواء کی درخواست میں کہا گیا کہ احمد اویس بیمار ہیں اس لئے آج التواء دیا جائے۔
چیف جسٹس، جسٹس انور ظہیر جمالی نے ریمارکس دیئے کہ آپ اس سے پہلے بھی کئی مرتبہ التواء لے چکے ہیں، حامد خان کی التواء کی درخواست آخری بار منظور کریں گے، 27جنوری کو میں عمرے پر جاؤں گا،جس پر حامد خان کی طرف سے کہا گیا کہ 5فروری کے بعد کی تاریخ دے دیں، جس پر خواجہ سعد رفیق کے وکیل نے اعتراض کیاکہ اگراتنی لمبی تاریخ دی گئی تو دلائل بھی از سر نو شروع ہوں گے، اس لئے عدالت قریب کی کوئی تاریخ دے۔ چیف جسٹس انور ظہیر جمالی نے ریمارکس دیئے کہ کیس تقریباً مکمل ہو چکا ہے،اگر احمد اویس نہیں آ سکتے تو متبادل بندوبست کریں،چیف جسٹس نے سرزنش کی کہ احمد اویس نے تو آج اپنے دلائل مکمل کرنے تھے، کیس کی سماعت 26جنوری تک ملتوی کر دی گئیمتعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.