لاہورہائیکورٹ نے اربوں روپے کی اراضی سکینڈل کیس اور شہداءکے پلاٹوں کی غیر قانونی فروخت میں گرفتار ملزم حماد ارشد کے جسمانی ریمانڈ کے خلاف دائر درخواست پر نیب کو نوٹس جاری کرتے ہوئے جواب طلب کر لیا۔

عمر جمشید منگل 19 جنوری 2016 14:05

لاہور(اُردو پوائنٹ اخبارتازہ ترین۔19 جنوری۔2016ء) لاہور ہائیکورٹ کے جسٹس طارق عباسی کی سربراہی میں دو رکنی بنچ نے کیس کی سماعت کی۔ ملزم کے وکیل نے عدالت کو آگاہ کیا کہ اراضی کی خریداری مرحلہ وار کرنے پر نیب نے فراڈ کا الزام لگا کر ملزم کو گرفتار کر لیا۔انہوں نے کہا کہ گھروں کی تیاری اور زمین کے حصول میں وقت درکار ہوتا ہے ،،،ملزم نے نہ تو فراڈ کیا ہے اور نہ ہی شہداءکے پلاٹوں کو بیچا۔

(جاری ہے)

حماد ارشد کو عدالتی حکم کے برعکس غیر قانونی طور پر گرفتار کر کے اس کا جسمانی ریمانڈ حاصل کیا گیا۔انہوں نے عدالت سے استدعا کی کہ ملزم حماد ارشد کو نیب عدالت کی جانب سے جسمانی ریمانڈ پر نیب کے سپرد کرنے کے فیصلے کو کالعدم قرار دی جائے۔ اربوں روپے کی اراضی سکینڈل کیس اور شہداءکے پلاٹوں کی غیر قانونی فروخت میں گرفتار ملزم حماد ارشد کے جسمانی ریمانڈ کے خلاف دائر درخواست پر نیب کو چھبیس جنوری کے لئے نوٹس جاری کرتے ہوئے جواب طلب کر لیا۔

Facebook Twitter Google + Share on Whatsapp

متعلقہ عنوان :

مزید اہم خبریں