اے پی ایس حملے پر ویڈیو گیم تنقید کے بعد ہٹا دی گئی

منگل 19 جنوری 2016 13:44

اسلام آباد (اُردو پوائنٹ اخبارتازہ ترین - آئی این پی۔19 جنوری۔2016ء ) پشاور میں آرمی پبلک سکول پر طالبان کے حملے پر بنائی گئی ویڈیو گیم کو سخت تنقید کے بعد ہٹا دیا گیا ۔ پنجاب میں واقع سرکاری ڈیجیٹل ایجنسی نے پاکستان آرمی ریٹریبیوشن‘نامی ویڈیو گیم بنائی تھی۔اس گیم میں کھیلنے والے فوجیوں کا کردار ادا کرتے ہیں جو سکول پر حملہ کرنے والوں کو گولیاں مارتے ہیں۔

گیم بنانے والی ایجنسی نے اس بات کا اعتراف کیا ہے کہ آرمی پبلک سکول پر حملے پر ویڈیو گیم بنانا موزوں نہیں تھا۔16 دسمبر 2014 کو پشاور کے آرمی پبلک سکول پر طالبان نے حملہ کیا تھا جس میں 129 بچوں سمیت 150 افراد شہید ہوئے تھے۔یہ ویڈیو گیم گوگل پلے نے کئی ہفتوں قبل اے پی ایس پر حملے کے ایک سال کے موقعے پر لانچ کی تھی۔

(جاری ہے)

تاہم اس گیم پر اس وقت تنقید شروع ہوئی جب انگریزی اخبار نے اس پر کہانی کی اور اس گیم کے بارے میں لکھا ’یہ گیم ہر طرح سے ناکام ہے ۔

سوشل میڈیا پر اس ویڈیو گیم پر سخت تنقید کی گئی۔ لوگوں نے اس گیم کو ناپسندیدہ اور بے حس قرار دیا۔اس گیم کو پنجاب آئی ٹی بورڈ کے کہنے پر بنایا گیا۔ پنجاب آئی ٹی بورڈ نے ایک بیان میں کہا کہ اس گیم کو ختم کر دیا گیا ہے۔ایجنسی کے سربراہ عمر سیف نے ٹویٹ میں کہا ’شکریہ اس غلطی کی نشاندہی کرنے کا۔

Facebook Twitter Google + Share on Whatsapp

اے پی ایس حملے پر ویڈیو گیم تنقید کے بعد ہٹا دی گئی

متعلقہ عنوان :

مزید اہم خبریں