عمر اکمل کی ہیڈ کوچ وقار یونس کے احکامات کی خلاف ورزی ‘تصویر سوشل میڈیا پر اپ لوڈ کر دی

منگل 19 جنوری 2016 12:27

اسلام آباد (اُردو پوائنٹ اخبارتازہ ترین - این این آئی۔19 جنوری۔2016ء) قومی کرکٹ ٹیم کے بیٹسمین عمر اکمل نے ہیڈ کوچ وقار یونس کے احکامات کی خلاف ورزی کرتے ہوئے پریکٹس کے دوران تصویر سوشل میڈیا پر اپ لوڈ کردی۔

(جاری ہے)

تفصیلات کے مطابق ہیڈ کوچ وقار یونس نے 7گھنٹے قبل کھلاڑیوں کوسوشل میڈیاکے ذریعے ہدایات جاری کیں تھیں کہ پلیئرز ٹریننگ پرتوجہ دیں اورسیلفیزوٹویٹر سے بریک لیں تاہم عمر اکمل نیہیڈ کوچ کی ہدایات کو نظراندازکرتے ہوئے 4 گھنٹوں بعد ہی ٹریننگ کے دوران تصویرسوشل میڈیا پراپ لوڈکردی۔قومی کرکٹ ٹیم تیسرے اور آخری ٹی20میچ کی تیاریوں کیلئے ویلنگٹن میں ٹریننگ کررہی ہے ‘ تین میچوں کی سیریز ایک ایک سے برابر ہے،فیصلہ کن معرکہ 22 جنوری کو ہوگا۔