پہلے ٹی ٹوئنٹی میں فتح پوری ٹیم کی محنت کا نتیجہ ہے، محمد حفیظ نے اچھی اننگز کھیلی اور فاسٹ باؤلرز نے جیت میں اہم کردار ادا کیا،سیریز کے دوسرے میچ میں نئی حکمت عملی کے ساتھ میدان میں اتریں گے
پاکستان ٹی ٹوئنٹی ٹیم کے کپتان شاہد آفریدی کی ایوارڈ تقریب میں گفتگو
جمعہ 15 جنوری 2016 19:31
آکلینڈ (اُردو پوائنٹ اخبارتازہ ترین - آئی این پی۔15 جنوری۔2016ء) پاکستان ٹی ٹوئنٹیٹیم کے کپتان شاہد آفریدی نے کہا ہے کہ پہلے ٹی ٹوئنٹی میں فتح پوری ٹیم کی محنت کا نتیجہ ہے، محمد حفیظ نے اچھی اننگز کھیلی اور فاسٹ باؤلرز نے جیت میں اہم کردار ادا کیا،سیریز کے دوسرے میچ میں نئی حکمت عملی کے ساتھ میدان میں اتریں گے۔تفصیلات کے مطابق جمعہ کو پہلے ٹی ٹوئنٹی میچ کے بعد ایوارڈ تقریب میں گفتگو کرتے ہوئے شاہد خان آفریدی نے کہا کہ میچ میں فتح پوری ٹیم کی محنت کا نتیجہ ہے، محمد حفیظ نے بہترین اننگز کھیل کر جیت کی بنیاد رکھی تو فاسٹ باؤلرز نے زبردست کارکردگی دکھا کر ٹیم کو فتح سے ہمکنار کیا۔
ان کا کہنا تھا کہ 170 ایک اچھا ہدف تھا اور ہم پرامید تھے کیونکہ ہماری باؤلنگ لائن اس ہدف کا دفاع کرنے کی بھرپور صلاحیت رکھتی ہے۔(جاری ہے)
ایک سوال کے جواب میں ان کا کہنا تھا کہ نیوزی لینڈ بہترین ٹیم ہے جس نے حال ہی میں سری لنکا کے خلاف بہترین میچ کھیلے اور یہ ٹیم دنیا کی کسی بھی ٹیم کو شکست دے سکتی ہے۔ سیریز کے دوسرے میچ میں نئی حکمت عملی کے ساتھ میدان میں اتریں گے۔
شاہد آفریدی نے کہا کہ عمر گل اور محمد عامر نے اچھی باؤلنگ کی اور وہاب ریاض نے بھی زبردست باؤلنگ کرائی، جیت کا کریڈٹ فاسٹ باؤلرز کو دوں گا۔ ایک سوال کے جواب میں شاہد آفریدی نے کہا کہ اس سیریز کا ہر میچ اہم ہے کیونکہ ٹی 20 ورلڈکپ آ رہا ہے اور ہم ہر میچ جیت کر اعتماد حاصل کرنا چاہتے ہیں۔شاہد خان آفریدی اپنی بہترین پرفارمنس دینے اور میچ جیتنے پر انتہائی خوشگوار موڈ میں دکھائی دیئے اور جب انہیں مین آف دی میچ کا ایوارڈ دیا جانے لگا تو اس وقت ان کی باؤلنگ اور بیٹنگ کا ذکر کیا گیا جس پر شاہد خان آفریدی نے فوراً لقمہ دیا کہ انہوں نے 3 کیچ بھی پکڑے ہیں۔متعلقہ عنوان :
مزید کھیلوں کی خبریں
-
پاکستان نیوزی لینڈ کی کمزور ٹیم کیخلاف بھی سیریز نہ جیت سکا
-
چیئرمین پی سی بی نے پاکستان ویمنز کرکٹ ٹیم کی سلیکشن کمیٹی تحلیل کر دی،7 رکنی نئی سلیکشن کمیٹی تشکیل
-
بسمہ معروف کا کرکٹ سے فوری ریٹائرمنٹ کا اعلان
-
پاکستان باولر کا اچھا کم بیک، کیوی بلے باز تگڑا ہدف دینے میں ناکام ہو گئے
-
سیریز جیتنے کا آخری موقع، کیویز کیخلاف چوتھے میچ کیلئے قومی ٹیم میں 5 تبدیلیاں کر دی گئیں
-
محسن نقوی سے نیوزی لینڈ کرکٹ کے چیف ایگزیکٹو آفیسر سکاٹ وئینک کی ملاقات
-
ٹی ٹونٹی ورلڈ کپ 2024ء کی ٹرافی پاکستان کے تین شہروں کا دورہ کرے گی
-
پاکستان ہاکی فیڈریشن کے رکن رائو سلیم ناظم کی اظہار تعزیت
-
سابق زمبابوین کرکٹر گائے وٹل چیتے کے حملے میں زخمی ہوگئے
-
آفریدیوں کو سمجھانا بہت مشکل کام ، شاہین کو اسی لیے نہیں سمجھا پاتا کہ وہ بھی آفریدی ہے : شاہد آفریدی
-
ہنزہ سے تعلق رکھنے والی 8 سالہ علیہہ شاہ اپنے شاندار باؤلنگ ایکشن کیلئے وائرل
-
شیشاپنگما سرکرنے کیلئے پاکستانی کوہ پیماں کا انتظار طویل ہوگیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.